गुरुवार, 5 नोव्हेंबर 2026
(फोटो सौजन्य-AI एआय)
अमेरिकन मोटरसायकल कंपनी हार्ले-डेव्हिडसनने (Harley-Davidson) EICMA 2026 मध्ये आपली नवीन Harley-Davidson X350T मोटरसायकल सादर केली आहे. विशेष म्हणजे, ही बाईक भारतातील 350 cc पर्यंतच्या मोटरसायकलवरील सुधारित GST दरांचा फायदा लक्षात घेऊन विकसित करण्यात आली आहे. यामध्ये 350 cc इंजिन, ट्रेलिस फ्रेम, USD फ्रंट सस्पेन्शन, रायडिंग मोड्स आणि ट्रॅक्शन कंट्रोल यांसारखी फीचर्स मिळतात. भारतीय मार्केटला केंद्रस्थानी ठेवून तयार करण्यात आलेली ही बाईक मिड-साईज मोटरसायकल सेगमेंटमध्ये नवीन स्पर्धा निर्माण करू शकते.
भारतामध्ये GST रचनेत बदल झाल्यानंतर 350 cc पर्यंतच्या मोटरसायकलवर 18% GST लागू करण्यात आला आहे, तर 350 cc पेक्षा जास्त इंजिन कॅपसिटी असलेल्या बाईकवर 40% GST आकारला जातो. यामुळे मोटरसायकल कंपन्या आपल्या इंजिनच्या कॅपसिटीमध्ये बदल करून नवीन मॉडेल्स आणत आहेत. बजाज ऑटोनेही KTM आणि ट्रायम्फच्या काही मोटरसायकल्सचे 350 cc व्हर्जन सादर केले आहेत. आता हार्ले-डेव्हिडसननेही X350T च्या माध्यमातून याच सेगमेंटमध्ये प्रवेश केला आहे.
हार्ले-डेव्हिडसनची नवीन स्प्रिंट 440 क्रूझर बाइक सादर; लवकरच भारतात होणार लाँच! पाहा काय असेल खास
डिझाइनच्या बाबतीत X350T मध्ये फ्लॅट-ट्रॅक मोटरसायकलपासून प्रेरित स्टाइलिंग देण्यात आले आहे. यापूर्वी सादर झालेल्या X440T प्रमाणेच या बाईकमध्ये स्पोर्टी लूक पाहायला मिळतो. चेकर्ड ग्राफिक्स, ट्रेलिस फ्रेम आणि USD फ्रंट सस्पेन्शन ही तिची खास वैशिष्ट्ये आहेत. कंपनीने चेसिसची रचना कमी वेगात सहज हाताळणी, हायवेवर स्थिरता आणि रायडिंग कम्फर्ट लक्षात घेऊन केली आहे.
फीचर्सच्या बाबतीत या बाईकमध्ये इलेक्ट्रॉनिक थ्रॉटल बॉडी, सिलेक्टेबल रायडिंग मोड्स, स्विचेबल ABS आणि ट्रॅक्शन कंट्रोल देण्यात आले आहे. इलेक्ट्रॉनिक थ्रॉटलमुळे रायडिंग मोड्स आणि ट्रॅक्शन कंट्रोल यांसारख्या सुविधांचे नियंत्रण करता येते. कंपनीने इंजिनचा टॉर्क आपल्या सेगमेंटमध्ये सर्वोत्तम असल्याचे म्हटले आहे, पण त्याचा अचूक आकडा जाहीर केलेला नाही. तसेच ही बाईक भारतीय रस्त्यांच्या परिस्थितीनुसार ट्यून करण्यात आली असून BS6 OBD2P2 नियमांचे पालन करते.
Hero Scrambler Concept EICMA 2026 मध्ये सादर! Dakar Rally स्टाइलसह प्रीमियम बाइकची झलक
दरम्यान, EICMA 2026 मध्ये हार्ले-डेव्हिडसनने हिरो मोटोकॉर्पसोबतच्या भागीदारीत विकसित केलेली स्प्रिंट 440 देखील सादर केली आहे. या बाईकमध्ये 440 cc सिंगल-सिलेंडर इंजिन असून ते 27 hp पॉवर आणि 38 Nm टॉर्क देते. अमेरिकेत ही बाईक 2027 च्या वसंत ऋतूमध्ये लाँच होणार आहे, तर भारतातही येत्या काही महिन्यांत तिची एन्ट्री होण्याची शक्यता आहे. X350T ही X440T आणि X440S सोबत कंपनीच्या मोटरसायकल पोर्टफोलिओमध्ये स्थान मिळवू शकते. तिची किंमत आणि भारतातील लाँचची तारीख अजून जाहीर झालेली नाही.
Ans: Harley-Davidson X350T मध्ये 350 cc इंजिन देण्यात आले आहे. कंपनीने या इंजिनची अचूक पॉवर आणि टॉर्क आकडेवारी जाहीर केलेली नाही.
Ans: या बाईकमध्ये इलेक्ट्रॉनिक थ्रॉटल बॉडी, सिलेक्टेबल रायडिंग मोड्स, स्विचेबल ABS, ट्रॅक्शन कंट्रोल, ट्रेलिस फ्रेम आणि USD फ्रंट सस्पेन्शन मिळते.
Ans: कंपनीने भारतातील लाँचची तारीख आणि किंमत जाहीर केलेली नाही. ही बाईक खास भारतीय मार्केटला लक्षात घेऊन विकसित करण्यात आली आहे.
