बाईकप्रेमींसाठी खुशखबर! BSA Gold Star 650 नव्या दोन रंगांत सादर; लूक पाहून व्हाल फिदा

BSA Gold Star 650: BSA मोटरसायकल्सने भारतात आपल्या प्रसिद्ध Gold Star 650 मालिकेतील Brooklands Black Legacy Edition आणि Birmingham Blue Edition या दोन नवीन एडिशन्स सादर केल्या आहेत. MCN कडून ‘बेस्ट रेट्रो बाइक’चा किताब मिळवलेल्या Gold Star च्या यशातून प्रेरणा

BSA मोटरसायकल्सने नवीन ब्रुकलन्स ब्लॅक लेगसी एडिशन आणि बर्मिंघम ब्लू एडिशन्स बाजारात आणून भारतातील आपल्या प्रसिद्ध गोल्ड स्टार 650 मालिकेची व्याप्ती अधिकच समृद्ध केली आहे. MCN कडून ‘बेस्ट रेट्रो बाइक’चा किताब पटकवणाऱ्या पुरस्कारविजेत्या गोल्ड स्टारच्या घवघवीत यशातून प्रेरणा घेत, या नवीन एडिशन्स BSA च्या या अलौकिक आणि अभिजात रेट्रो-रोडस्टरला एका नव्या रुबाबदार आणि देखण्या रूपात सादर करतात.BSA Gold Star 650

ऐतिहासिक नाव

BSA च्या प्रवासातील महत्त्वाच्या टप्प्यांचे सेलिब्रेशन करण्यासाठी बनवलेल्या या दोन नवीन एडिशन्स, ब्रँडच्या पुनरुज्जीवनाचा पाया ठरलेल्या या मोटरसायकलला एक खास फिनिश, प्रीमियम डीटेलिंग आणि एक वेगळीच ओळख देतात. ब्रुकलँड्स ब्लॅक लेगसी एडिशन ज्या क्षणी गोल्ड स्टारला त्याचे हे ऐतिहासिक नाव मिळाले त्या क्षणाचा सन्मान करते, तर बर्मिंघम ब्लू हे गोल्ड स्टारचे एक आधुनिक रूप सादर करते, जे आजच्या रायडरसाठी त्याच्या आयकॉनिक DNA चे नवीन स्वरूप मांडते.

प्रीमियम डीटेलिंग

ब्रुकलँड्स ब्लॅक लेगसी एडिशन हे ब्रुकलँड्स या ब्रिटनमधील ऐतिहासिक रेसिंग ट्रॅकवरून प्रेरित आहे, जिथे गोल्ड स्टारच्या भव्य प्रवासाची सुरुवात झाली होती. 1937 मध्ये याच ट्रॅकवर BSA चे रायडर वॉल हँडले यांनी केलेल्या विक्रमी कामगिरीमुळे त्यांना अत्यंत मानाचा ‘गोल्ड स्टार’ बॅज मिळाला होता, आणि याच मानाच्या पदकाने पुढे जाऊन मोटरसायकलिंगच्या इतिहासातील एका अजरामर नावाला जन्म दिला. क्रोम-फिनिश असलेल्या फेंडर्सवर आणि क्रोमची अप्रतिम चमक असलेल्या टँकवर शोभून दिसणाऱ्या सुरेख सोनेरी नक्षीकामासह गडद काळ्या रंगात सजवलेली ही बाइक, तिच्यावरच्या खास क्विल्टेड सीट आणि प्रीमियम डीटेलिंगमुळे अधिकच रुबाबदार आणि प्रभावी दिसते.

टेस्लाची उडणारी कार पाहून जग थक्क! इलॉन मस्कच्या ‘रोडस्टर’ फ्लाइंग कारचा जलवा! १ सेकंदात गाठणार १०० किलोमीटर

अस्मितेचा कायमच कणा

बर्मिंघम ब्लू हे BSA च्या प्रवासाची पायाभरणी झालेल्या बर्मिंघम या शहराला समर्पित आहे. बर्मिंघम स्मॉल आर्म्स म्हणून सुरू झालेली सुरुवात ते जगभर BSA चे नाव पोहोचवणाऱ्या मोटारसायकलपर्यंत, हे शहर या ब्रँडच्या अस्मितेचा कायमच कणा राहिलेले आहे. एका देखण्या गडद निळ्या रंगाच्या छटेत सजवलेल्या बर्मिंघम ब्लू एडिशनमध्ये एक खास अँटिक लूक असलेला चांदीचा साईड-पॅनेल बॅज आणि अप्रतिम इंजिन फिनिश पाहायला मिळते, जे पिढ्यानपिढ्या या मोटारसायकलची खरी ओळख टिकवून ठेवत गोल्ड स्टारच्या आयकॉनिक DNA कडे एका आधुनिक दृष्टिकोनातून पाहते.

कामगिरीला एका मोठ्या सिंगल

या दोन्ही मोटारसायकल्सच्या केंद्रस्थानी प्रसिद्ध अशी गोल्ड स्टार प्लॅटफॉर्मची ताकद आहे. BSA च्या 652cc लिक्विड-कूल्ड सिंगल-सिलेंडर इंजिनवर चालणारी ही गोल्ड स्टार 45hp पॉवर आणि 55Nm टॉर्क निर्माण करते, जी सहजसुंदर कामगिरीला एका मोठ्या सिंगल इंजिनमध्येच मिळणाऱ्या अस्सल आणि अनोख्या रुबाबाची जोड देते. ब्रेम्बो ब्रेक्स, ड्युएल-चॅनेल ABS आणि वायर-स्पोक व्हील्स यांसारखे उच्च दर्जाचे प्रीमियम घटक या मोटारसायकलच्या अस्सल रेट्रो-रोडस्टर असण्यावर ठसा उमटवणे कायम ठेवतात.

अँपिअरच्या ‘Built for Bharat’ची चर्चा! या आहेत अँपिअरच्या 3 इलेक्ट्रिक स्कूटर्स, कोणती ठरेल तुमच्यासाठी योग्य?

मोठ्या सिंगल इंजिनच्या अनोख्या

क्लासिक लीजेंड्सचे सह-संस्थापक श्री अनुपम थरेजा म्हणाले, “एक आधुनिक रेट्रो-रोडस्टर कशी असावी, याविषयीच्या आमच्या संकल्पनेचे गोल्ड स्टार हे एक मूर्तिमंत रूप आहे. तिच्या अस्सल ब्रिटिश डिझाईनपासून ते तिच्या मोठ्या सिंगल इंजिनच्या अनोख्या अनुभवापर्यंत, प्रत्येक गोष्टीत ती कलाकुसर, ते दर्जेदार इंजिनिअरिंग आणि बारकाव्यांवर दिलेला भर दिसून येतो ज्यांनी पिढ्यानपिढ्या गोल्ड स्टारची ओळख घडवली आहे. ब्रुकलन्स ब्लॅक लेगसी एडिशन ज्या क्षणी गोल्ड स्टारला तिचे हे ऐतिहासिक नाव मिळाले त्या क्षणाचा सन्मान करते, तर बर्मिंघम ब्लू हे आजच्या रायडरसाठी तिच्या आयकॉनिक DNA चे नवीन स्वरूप मांडत गोल्ड स्टारचे एक आधुनिक रूप सादर करते. BSA ची खरी ओळख असलेल्या वारसा आणि वैशिष्ट्याने एकत्र बांधलेल्या, गोल्ड स्टारच्या समृद्ध प्रवासातील या दोन अनोख्या कथांचे हे दोन्ही एडिशन्स प्रतिनिधित्व करतात.”

BSA गोल्ड स्टारची सुरुवात 3,55,950/- रुपये पासून होते आणि ती भारतभरातील BSA डीलरशिप्सवर दोन नवीन रंगांच्या पर्यायांमध्ये उपलब्ध असेल:

BSA गोल्ड स्टार 650 शोरूम बाह्य (नवी दिल्ली)
बर्मिंघम ब्लू ₹ 3,55,950/-
ब्रुकलँड्स ब्लॅक लेगसी एडिशन ₹ 3,64,950/-

ओनरशिप अश्युरन्स प्रोग्राम:
BSA मोटरसायकल्स ग्राहकांच्या समाधानाला आणि टेन्शन-फ्री मालकीहक्काला सर्वोच्च प्राधान्य देत, उद्योगात प्रथमच आणलेला ‘ओनरशिप अश्युरन्स प्रोग्राम’ पुढे सुरू ठेवत आहे. यामध्ये खालील गोष्टींचा समावेश आहे:

• 4-year/50,000-किमी स्टँडर्ड वॉरंटी*
• 6 वर्षांपर्यंत वाढीव वॉरंटीचे पर्याय*
• 8 वर्षांपर्यंत रोडसाइड असिस्टन्स*
• देशव्यापी कव्हरेजसह 5 वर्षांपर्यंत AMC*
• संपूर्ण देशभरातील 450+ सेल्स आणि सर्व्हिस टचपॉइंट्सवर सर्वसमावेशक मालकी हक्काचे फायदे उपलब्ध