‘हा’ बजेट प्लॅन अन् 30 हजार पगार असणारी व्यक्ती सुद्धा खरेदी करेल Maruti WagonR

भारतीय मार्केटमध्ये अनेक कार लोकप्रिय आहेत. अशीच एक कार म्हणजे Maruti WagonR. हीच कार 30 हजार पगार असणारा व्यक्ती खरेदी करू शकतो का? चला जाणून घेऊयात.

भारतीय मार्केटमध्ये नेहमीच बजेट फ्रेंडली कारला चांगली मागणी मिळते. अशीच एक बजेट फ्रेंडली कार म्हणजे Maruti Suzuki WagonR. आजही कार खरेदीदार नवीन कार खरेदी करताना सर्वात पाहिले प्राधान्य वॅगन आर कारला देत असतात. त्यात आता GST कपातीनंतर भारतातील सर्वाधिक विक्री होणारी छोटी कार Maruti Wagon R आता पूर्वीपेक्षा अधिक किफायतशीर झाली आहे. या कारचा बेस LXI व्हेरिएंट 4,98,900 रुपयांपासून सुरू होतो. जर तुम्ही ही कार दिल्लीमध्ये खरेदी केली, तर याची ऑन-रोड किंमत सुमारे 5.53 लाख रुपये पडेल, ज्यामध्ये RTO शुल्क आणि विमा समाविष्ट आहे. चला, याबद्दल सविस्तर जाणून घेऊया.

Maruti Wagon R चे डाउन पेमेंट आणि EMI

जर तुमचं उत्पन्न मर्यादित असेल आणि तरीही कार खरेदी करण्याची तुमची इच्छा असेल, तर Maruti Wagon R हा एक उत्तम पर्याय ठरू शकतो. याच्या बेस LXI व्हेरिएंट साठी तुम्हाला किमान ₹1 लाख डाउन पेमेंट करावी लागेल. त्यानंतर, जर तुम्ही बँकेकडून 4.53 लाख रुपयांचे कार लोन घेतले, तर तुमचे EMI सुमारे 9,000 रुपये प्रतिमहिना असेल. जर तुम्ही डाउन पेमेंट वाढवले तर साहजिकच EMI आणखी कमी होईल. लक्षात ठेवा, बँक लोनच्या अटी आणि EMI तुमच्या क्रेडिट स्कोर आणि बँक पॉलिसीनुसार बदलू शकतात.

‘हे’ आहेत 70,000 रुपयांच्या बजेटमध्ये एकदम टकाटक स्कूटर, GST 2.0 मुळे किमती झाल्या अजूनच कमी

Maruti Wagon R चे इंजिन आणि मायलेज

Maruti Wagon R तीन पॉवरट्रेन पर्यायांसह येते, 1.0-लीटर पेट्रोल इंजिन, 1.2-लीटर पेट्रोल इंजिन, आणि CNG व्हेरिएंट. कंपनीच्या दाव्यानुसार, याचा CNG व्हेरिएंट 24 km/kg इतका मायलेज देतो. त्यामुळे ही कार मध्यमवर्गीय कुटुंबांसाठी आणि रोज मोठं अंतर प्रवास करणाऱ्यांसाठी सर्वात किफायतशीर ठरते.

फीचर्स आणि सेफ्टी

फीचर्सच्या बाबतीत Maruti Wagon R आपल्या सेगमेंटमधील सर्वोत्तम कारपैकी एक मानली जाते. यात 7-इंच टचस्क्रीन इन्फोटेन्मेंट सिस्टम दिला आहे, जो Android Auto आणि Apple CarPlay सपोर्ट करतो. याशिवाय, 4-स्पीकर साउंड सिस्टम, ड्युअल-टोन इंटिरिअर्स, स्टीयरिंग-माउंटेड कंट्रोल्स, आणि 341 लिटर बूट स्पेस दिला आहे.

प्रवाशांच्या सुरक्षेसाठी आता कंपनी 6 एअरबॅग्स स्टँडर्ड स्वरूपात देत आहे. तसेच ABS सह EBD, रिअर पार्किंग सेन्सर, आणि हिल-होल्ड असिस्ट यांसारखी फीचर्सही मिळतात.

World Most Expensive Car: आयुष्याची सगळी जमापुंजी दिलीत तरी सुद्धा ‘ही’ कार खरेदी करता येणार नाही!

स्पर्धा आणि बाजारातील तुलना

Maruti Wagon R चे प्रमुख प्रतिस्पर्धी म्हणजे Tata Tiago, Hyundai Exter, Renault Kwid, आणि Maruti Suzuki Swift. अलीकडेच Tata Tiago च्या किंमतीत 75,000 रुपयांपर्यंत कपात करण्यात आली आहे आणि आता याची सुरुवातीची किंमत 4.57 लाख (एक्स-शोरूम) रुपये आहे. त्यामुळे किफायतशीर कार सेगमेंटमध्ये ग्राहकांसाठी पर्याय आणखी वाढले आहेत.