'या'८ कंपन्यांनी वाढवल्या कारच्या किंमती, खरेदी करण्यापूर्वी वाचा नवे दर (फोटो सौजन्य-X)
Car Price Hike News in Marathi: महागाईने ग्राहकांना मोठा धक्का दिला असून मध्यमवर्गीयांना परवडणारी कार आता खरेदी करता येणार नाही. कारण मारुती सुझुकीच्या दरात भरघो, वाढ झाली आहे. यामध्ये ८ कंपन्यांकड़ून कारच्या किंमतीत वाढ करण्यात आली आहे.तुम्ही जर कार खरेदी करण्याचा विचार करत असाल तर ही बातमी तुमच्यासाठी महत्त्वाची आहे.
भारतातील आघाडीची एसयूव्ही उत्पादक कंपनी महिंद्रा अँड महिंद्रा (एम अँड एम) १ एप्रिल २०२५ पासून त्यांच्या एसयूव्ही आणि सीव्ही श्रेणीच्या किमती वाढवणार आहे. कंपनीने शुक्रवारी (२१ मार्च) ३% पर्यंत किंमत वाढ जाहीर केली आहे. त्यानुसार 1 एप्रिलपासून 8 कार कंपन्यांच्या किमती वाढणार आहेत. मारुती, ह्युंदाई आणि टाटा मोटर्स, कियासह 8 ऑटो कंपन्यांनी किमती वाढवण्याची घोषणा केली आहे.
देशातील आघाडीच्या वाहन उत्पादकांपैकी एक असलेल्या मारुती सुझुकीने मार्च २०२५ मध्ये पुन्हा एकदा घोषणा केली आहे. त्यांच्या कारच्या किमती वाढवण्याची तयारी करत आहे. कंपनीने दिलेल्या माहितीनुसार, एप्रिल २०२५ पासून कार खरेदी करणे महाग होणार आहे. उत्पादकाने म्हटले आहे की ते पुढील महिन्यापासून त्यांच्या पोर्टफोलिओमधील कारच्या किमती ४ टक्क्यांपर्यंत वाढवतील. २०२५ हे वर्ष तिसऱ्यांदा असेल जेव्हा मारुती त्यांच्या कारच्या किमती वाढवेल. याआधी जानेवारी आणि फेब्रुवारीमध्येही किमती वाढवण्यात आल्या आहेत.
मारुती व्यतिरिक्त देशातील आणखी एक प्रमुख ऑटोमोबाईल उत्पादक कंपनी, ह्युंदाईने देखील एप्रिल २०२५ पासून त्यांच्या कारच्या किमती वाढवण्याची घोषणा केली आहे. उत्पादकाच्या मते, एप्रिल २०२५ पासून संपूर्ण पोर्टफोलिओची किंमत तीन टक्क्यांपर्यंत वाढवली जाईल.
किआने एप्रिल २०२५ पासून आपल्या कारच्या किमती महाग करण्याची तयारीही केली आहे. उत्पादकाच्या मते, एप्रिल २०२५ पासून, किआ कार खरेदी करणे ३% पर्यंत महाग होईल.
रेनॉल्ट देखील कार महाग करणार आहे. रेनॉल्टने असेही सांगितले आहे की, ते एप्रिल २०२५ पासून त्यांच्या कारच्या किमती देखील वाढवणार आहेत. उत्पादकाने म्हटले आहे की ते पुढील महिन्यापासून त्यांच्या कारच्या किमती दोन टक्क्यांनी वाढवतील.
जपानी वाहन निर्माता कंपनी होंडा कार्स आणि भारतीय उत्पादक टाटा मोटर्स यांनीही एप्रिल २०२५ पासून त्यांच्या कारच्या किमती वाढवण्याची घोषणा केली आहे. तथापि, या दोन्ही उत्पादकांनी त्यांच्या पोर्टफोलिओमध्ये समाविष्ट असलेल्या कारच्या किमती किती वाढवतील याबद्दल अद्याप कोणतीही माहिती दिलेली नाही. मारुतीप्रमाणे, टाटा मोटर्सनेही जानेवारी २०२५ मध्ये त्यांच्या कारच्या किमती वाढवल्या.
आतापर्यंत ज्या बहुतेक वाहन उत्पादकांनी त्यांच्या कारच्या किमती वाढवण्याची घोषणा केली आहे त्यांनी कच्च्या मालाच्या किमतीत वाढ हे किमती वाढण्याचे मुख्य कारण असल्याचे सांगितले आहे. यासोबतच, उत्पादकांनी ऑपरेशनल खर्चात वाढ होण्याचे कारणही दिले आहे.
.png "Videos"){kind=small}
