(फोटो सौजन्य-सोशल मीडिया)
या चिनी उत्पादकाचे हे शानदार वाहन १.५-लिटर टर्बो-पेट्रोल इंजिन आणि त्यासोबतच ५६.०१ kWh क्षमतेच्या एका मोठ्या बॅटरी पॅकने सुसज्ज आहे. याची ‘डुअल-मोटर 4WD’ प्रणाली ४६९ bhp ची जबरदस्त शक्ती आणि ७४० Nm चा टॉर्क निर्माण करते. विशेष म्हणजे, ही SUV अवघ्या ५.५ सेकंदांत ० ते १०० किमी/तास इतका वेग गाठू शकते. शिवाय, हे वाहन केवळ ‘इलेक्ट्रिक मोड’वर २३५ किलोमीटरपर्यंत चालवता येते.
ज्या क्षणी तुम्ही या वाहनाच्या आतमध्ये पाऊल टाकता, तेव्हा तुम्हाला असं वाटेल की तुम्ही एखाद्या खाजगी विमानात म्हणजे Private Jet मध्ये प्रवेश केल्यासारखं वाटेल. हे वाहन ६-सीटर आणि ७-सीटर अशा दोन्ही पर्यायांमध्ये उपलब्ध आहे. वाहनाच्या आत, केबिनमध्ये ‘ऑटोमन-शैलीतील’ म्हणजे Ottoman-style आसनांची व्यवस्था आहे, ज्यामध्ये मसाज, हीटिंग म्हणजे उबदारपणा आणि व्हेंटिलेशन म्हणजेच हवा खेळती ठेवण्याचीही विशेष सुविधा देण्यात आल्या आहेत. डॅशबोर्डवर १५.७-इंचाचा मोठा ‘3K हाय-रिझोल्यूशन’ टचस्क्रीन लावण्यात आला आहे, तसेच मागील आसनांवरील प्रवाशांसाठी मनोरंजनाचे screens देण्यात आले आहेत.
डिझाईनच्या बाबतीत बोलायचे झाल्यास तर या वाहनाला एक दणकट आणि चौकोनी म्हणजेच थोडा boxy लूक देण्यात आला आहे, जो एखाद्या रणगाड्यासारखा म्हणजे Tank सारखा फील देईल. आणि तशाच प्रकारे दिसतो. यामध्ये २१-इंचाची मोठी ‘अलॉय व्हील्स’ बसवण्यात आली आहेत. या वाहनाची लांबी ५,२९८ मिमी, रुंदी १,९८५ मिमी आणि उंची १,८५६ मिमी इतकी आहे. तसेच, याचा ‘व्हीलबेस’ म्हणजेच दोन चाकांमधील अंतर हे ३,०१० मिमी इतकं आहे. ‘ऑफ-रोडिंग’ची आवड असलेल्यांसाठी, हे वाहन २७२ मिमी इतके उत्कृष्ट ‘ग्राउंड क्लिअरन्स’ देतं आणि ते ७७० मिमी खोलीपर्यंतच्या पाण्यातूनही सहजपणे मार्ग काढण्यासाठी सक्षम आहे. त्यामुळे तुम्हालाही अशी डॅशिंग कार घ्यायची असल्यास ही कार तुमच्यासाठीच आहे.
.png "Videos"){kind=small}
