Maruti Suzuki Victoris चा बेस व्हेरिएंटची चावी हातात मिळवण्यासाठी किती करावे Down Payment?

Maruti Suzuki ची नवीन एसयूव्ही Victoris देशात लाँच झाली आहे. ही कार खरेदी करण्यासाठी तुम्ही किती डाउन पेमेंट करू शकता? त्याबद्दल आपण जाणून घेऊयात.

आपली स्वतःची कार असावी हे प्रत्येक व्यक्तीचे स्वप्न असते. त्यातही आपल्याकडे उत्तम परफॉर्मन्स देणारी एसयूव्ही हवी ही प्रत्येकाची इच्छा. वाहनाच्या विक्रीत सुद्धा सर्वाधिक मागणी ही एसयूव्ही सेगमेंटमधील कार्सना असते. ग्राहकांची हीच मागणी लक्षात घेत अनेक ऑटो कंपन्या भारतीय मार्केटमध्ये दमदार एसयूव्ही ऑफर करत आहेत.

भारतीय बाजारपेठेतील आघाडीच्या वाहन उत्पादकांपैकी एक असलेल्या मारुती सुझुकीने अनेक सेगमेंटमध्ये कार ऑफर केल्या आहेत. नुकतेच कंपनीने मिड साइझ एसयूव्ही म्हणून Maruti Victoris ऑफर करते. जर तुम्ही या एसयूव्हीचा बेस व्हेरिएंट खरेदी करण्याचा विचार करत असाल आणि 200,000 चे डाउन पेमेंट केल्यानंतर वाहन घरी आणू इच्छित असाल, तर तुम्हाला दरमहा किती ईएमआय भरावे लागेल? त्याबद्दल आपण जाणून घेऊयात.

Maruti Victoris किंमत

Maruti Suzuki कडून Victoris ही एसयूव्ही अनेक व्हेरिएंट्समध्ये उपलब्ध करून देण्यात आली आहे. यामधील बेस व्हेरिएंट LXI आहे. या व्हेरिएंटची एक्स-शोरूम किंमत 10.50 लाख रुपये ठेवण्यात आली आहे.

जर ही कार दिल्लीमध्ये खरेदी केली, तर अंदाजे 1.05 लाख रुपये RTO चार्ज आणि जवळपास 51 हजार रुपये इन्शुरन्स खर्च करावा लागेल. याशिवाय TCS चार्जेस म्हणून 10,499 रुपये द्यावे लागतील. या सर्व खर्चांनंतर Maruti Victoris ची ऑन-रोड किंमत सुमारे 12.16 लाख रुपये इतकी होते.

दोन लाख डाउन पेमेंटनंतर किती असेल EMI?

जर तुम्ही या कारचा बेस व्हेरिएंट घेतला, तर बँक फक्त एक्स-शोरूम किंमतीवर फायनान्स करेल. अशा परिस्थितीत दोन लाख रुपये डाउन पेमेंट केल्यानंतर तुम्हाला सुमारे 10.16 लाख रुपये बँकेकडून कर्ज घ्यावे लागेल. जर बँक तुम्हाला 9 टक्के व्याजदराने 7 वर्षांसाठी हे कर्ज देते, तर पुढील सात वर्षांसाठी दर महिन्याला 14,896 रुपये EMI भरावे लागतील.

कार किती महाग पडेल?

जर तुम्ही 9% व्याजदराने 10.16 लाख रुपये सात वर्षांसाठी कर्ज घेतले, तर तुम्हाला दर महिन्याला 14,896 रुपये EMI भरावे लागतील. या कालावधीत एकूण 4.13 लाख रुपये व्याज तुम्हाला भरावे लागेल. त्यामुळे कारची एक्स-शोरूम किंमत, ऑन-रोड चार्जेस आणि व्याज मिळून एकूण किंमत जवळपास 16.30 लाख रुपये इतकी होईल.

कोणाशी आहे स्पर्धा?

Maruti Suzuki कडून Victoris ही चार मीटरपेक्षा मोठी एसयूव्ही म्हणून बाजारात आणली गेली आहे. तिची थेट स्पर्धा स्वतःच्या Maruti Grand Vitara, तसेच Kia Seltos, Hyundai Creta, Honda Elevate, Mahindra XUV700 आणि Scorpio N अशा दमदार एसयूव्हींशी आहे.