भारतात येणार 5 नवीन Adventure Bikes! Royal Enfield, Hero आणि Bajaj च्या बाइक्सची तयारी सुरू

भारतीय बाजारात Adventure Bikes ची स्पर्धा आणखी रंगणार! Royal Enfield ची 750cc Himalayan, Hero ची 450cc Xpulse आणि Bajaj ची नवीन Dual Sport बाईक रायडर्सना आकर्षित करू शकतात. विशेष म्हणजे या लिस्टमध्ये इलेक्ट्रिक Himalayan चाही समावेश आहे. कोणती बाईक आधी रस्त्यावर येणार?

• Royal Enfield Himalayan 750 मध्ये 743cc ट्विन-सिलेंडर इंजिनसह 55 hp पॉवर मिळणार आहे.
• Hero Xpulse 450 मध्ये 421cc इंजिन आणि 7-इंच TFT डिस्प्ले देण्यात आला आहे.
• Bajaj Trekker आणि Himalayan Electric या दोन नवीन बाइक्सच्या प्रोडक्शनची तयारी सुरू आहे.

भारतीय टू-व्हीलर मार्केटमध्ये Adventure Bikes ची क्रेझ वाढत असून Royal Enfield, Hero MotoCorp आणि Bajaj Auto या कंपन्या नवीन मोटरसायकल्सवर काम करत आहेत. यामध्ये 750cc ट्विन-सिलेंडर बाईकपासून ते इलेक्ट्रिक ऑफ-रोडरपर्यंत 5 नवीन Adventure Bikes चा समावेश आहे. या बाइक्स भारतीय रायडर्ससाठी वेगवेगळे ऑप्शन घेऊन येऊ शकतात.

Royal Enfield Himalayan 750

रॉयल एनफिल्डची नवीन Himalayan 750 ही कंपनीची आतापर्यंतची सर्वात मोठी Adventure Bike ठरणार आहे. EICMA 2026 मध्ये सादर झालेल्या या बाईकमध्ये 743cc एअर आणि ऑइल-कूल्ड पॅरलल-ट्विन इंजिन आहे. हे इंजिन 55 hp पॉवर आणि 63 Nm टॉर्क देते. यात 6-स्पीड गिअरबॉक्स, 5 रायडिंग मोड्स, क्रूझ कंट्रोल, कॉर्नरिंग ABS आणि ट्रॅक्शन कंट्रोल मिळेल. तसेच 4-इंच TFT डिस्प्ले आणि 19-इंच फ्रंट व्हील दिले आहे.

बजाजचा डबल धमाका! 125cc ते 250cc मध्ये आणणार 2 नवीन बाईक ब्रँड; पल्सरपेक्षा असणार वेगळे?

Hero Xpulse 450

हीरो मोटोकॉर्पने EICMA 2026 मध्ये Xpulse 450 सादर केली. यात 421cc लिक्विड-कूल्ड सिंगल-सिलेंडर इंजिन असून 46.7 hp पॉवर आणि 38 Nm टॉर्क मिळतो. 6-स्पीड गिअरबॉक्स, KYB USD फ्रंट फोर्क्स आणि 225mm सस्पेंशन ट्रॅव्हल ही याची वैशिष्ट्ये आहेत. 7-इंच TFT स्क्रीनवर Android Auto आणि Apple CarPlay कनेक्टिव्हिटी मिळते. या बाईकची परदेशातील डिलिव्हरी 2027 मध्ये सुरू होण्याची शक्यता आहे.

Bajaj Trekker Dual Sport

बजाज ऑटो पहिल्यांदाच खास Dual Sport मोटरसायकल आणण्याच्या तयारीत आहे. टेस्टिंगदरम्यान दिसलेल्या या बाईकमध्ये उंच फ्रंट मडगार्ड, मोठा सस्पेंशन ट्रॅव्हल, उंच एक्झॉस्ट आणि सरळ रायडिंग पोझिशन दिसते. यात Pulsar N250 मधील 250cc इंजिनवर आधारित पॉवरट्रेन मिळण्याची शक्यता आहे. सुरुवातीला ब्राझीलमध्ये आणि त्यानंतर भारतात ही बाईक येऊ शकते.

रॉयल एनफिल्ड मोटोव्हर्स 2026 मध्ये हिमालयन 750 चे लाँच होणार? Continental GT 750 सह 4 बाइक्सची चर्चा!

Hero Xpulse 150

हीरोची Xpulse 150 ही 150cc इंजिनसह सादर करण्यात आली आहे. यात 12.2 PS पॉवर आणि 12.8 Nm टॉर्क मिळतो. 5-स्पीड गिअरबॉक्स असलेल्या या बाईकचे वजन 141.5 किलो आहे. 220mm ग्राउंड क्लिअरन्स, 826mm सीट हाइट आणि 19-इंच फ्रंट व्हील यामुळे ऑफ-रोड रायडिंगसाठी ती उपयुक्त ठरू शकते. भारतातील लाँचबाबत अद्याप माहिती समोर आलेली नाही.

Royal Enfield Himalayan Electric

रॉयल एनफिल्डच्या HIM-E प्रोजेक्टअंतर्गत इलेक्ट्रिक Himalayan विकसित केली जात आहे. या बाईकचा पहिला प्रोटोटाइप EICMA 2023 मध्ये दाखवण्यात आला होता. त्यानंतर कंपनीने तिच्या डिझाइन आणि टेक्नोलॉजीमध्ये बदल केले. डोंगराळ भागात या इलेक्ट्रिक बाईकची टेस्टिंगही करण्यात आली आहे. बॅटरीची जागा, चेसिस आणि ऑफ-रोड क्षमता तपासण्यावर कंपनीचा भर आहे. 2027 पासून तिच्या एन्ट्रीची चर्चा असली तरी प्रत्यक्ष प्रोडक्शनसाठी जास्त वेळ लागू शकतो.