EV Car Features : इलेक्ट्रिक कार चालवताना बॅटरी आपोआप होणार चार्ज? काय आहे ‘हे’ जादुई फिचर?

EV Car Features New Update : इलेक्ट्रिक कारमधील नवीन फिचरमुळे तुमचे पैसे आता वाचणार आहेत. या नव्या फिचरमुळे बॅटरी आपोआप चार्ज होईल. जाणून घ्या काय आहे हे नवीन जादुई फिचर.

• इलेक्ट्रिक कारमधील ‘या’ जबरदस्त फिचरमुळे वाचतील तुमचे पैसे
• बॅटरी आपोआप चार्ज होणार?
• जाणून घ्या काय आहे जादू?

EV Car Features New Update : गेल्या काही काळात पेट्रोल-डिझेलच्या किमती वाढल्याने लोकांचा इलेक्ट्रिक कार खरेदी करण्याकडे कल जास्त वाढला आहे. पेट्रोल-डिझेलच्या तुलनेत इलेक्ट्रिक कार स्वस्त पडत आहे. मात्र बॅटरी चार्चिंगचा प्रश्न निर्माण होत आहे. पण आता याबाबतही काळजी करण्याची गरज नाही. सध्या ई-कारमधील एक विशेष फिचरमुळे तुमची बॅटरी आपोआप चार्च होणार आहे. यासाठी तुम्हाला पैसे मोजावे लागणार नाहीत. काय आहे हे नवे फिचर जाणून घेऊयात.

Force Motors ची नवी Traveler N रेंज लॉन्च; आता अधिक मजबूत आणि हायटेक

काय आहे नवे फिचर?

सध्या ई-कारमधील रिजनरेटिव्ह ब्रेकिंग फिचरची जोरदार चर्चा होत आहे. हे फिचर केवळ वीज वाचवत नाही, तर कार चालवताना बॅटरी पुन्हा चार्ज करते. सर्वसामान्य पेट्रोल किंवा डिझेल गाड्यांमध्ये आपण  ब्रेक लावतो आणि त्यातून निर्माण होणारी उर्जा उष्णतेच्या रुपात हवेत वाया जाते.

पण नवीन फिचरमुळे इलेक्ट्रिक कारमध्ये ही उर्जा वाया घालवण्याऐवजी पुन्हा बॅटरीमध्ये साठवली जाणार आहे. कारचा वेग कमी जास्त करता किंवा एक्सलेटेरवरुन पाय काढता त्यावेळी कारमधील इलेक्ट्रिक मोटर एका जनरेटर प्रमाणे काम करते. यावेळी गाडीच्या गतीचे विजेमध्ये रुपांतर होते आणि ती बॅटरीच्या स्वरुपात वापरता येते.

काय आहेत या फिचरचे फायदे?

• बॅटरी रेंजमध्ये वाढ : ट्रॅफिकमध्ये सतत ब्रेक लावावे लागतात. पण अशा वेळी रिजनरेटिव्ह ब्रेकिंग फिचरमुळे बॅटरी सतत चार्ज होत राहते. ज्यामुळे गाडीची रेंज १० ते ३० % वाढते.
• ब्रेकची कमी झीज : या सिस्टममुळे ब्रेक पॅडचा वापर कमी होता आणि ब्रेक पॅड्स जास्त काळ टिकतात. ज्यामुळे मेंटेनन्सचा खर्चही वाचतो.
• वन पेडेल ड्रायव्हिंग : अनेक आधुनिक ई-कार्समध्ये हे फिचर प्रगत आहे. ज्यामुळे सतत ब्रेक लावण्याची गरज भासत नाही. केवळ एक्सेलेरेटर नियंत्रित करुन गाडी थांबवता येते.

काही लिमिट्स

जरी हे फिचर जबरदस्त असले तर यामध्ये काही त्रुटी आहेत. काही विशिष्ट परिस्थिती हे फिचर कमी काम करते.

• कारची बॅटरी आधीच १००% चार्ज असेल, तर सिस्टम काम करत नाही.
• जास्त थंड हवामानात बॅटरीची कार्यक्षमता कमी असल्याने प्रक्रिया स्लो असू शकते.

यामुळे शहरात जास्त ड्रायव्हिंग करत असाल ते फिचर तुमच्यासाठी किफायतशीर ठरेल. यामुळे ई-कतारची स्मार्टनेस वाढेल आणि पर्यावरणासोबत पैशांचीही बचत होईल.

EV की पेट्रोल कार? ५०० किमी प्रवासासाठी कोणता पर्याय स्वस्त? पाहा खर्चाचे संपूर्ण गणित