4 वर्षांनंतर धमाकेदार ऑफर, Maruti, Hyundai आणि Mahindra च्या अनेक मॉडेल्सवर सूट

फेडरेशन ऑफ ऑटोमोबाईल डीलर्स असोसिएशनच्या सूत्रांनी दिलेल्या माहितीनुसार, जुन्या हॅचबॅक आणि सेडान कारवर ही सूट उपलब्ध करण्यात आली आहे. या सवलतीची श्रेणी 15,000 ते 20,000 रुपयांपर्यंत आहे, तर काही कारवर ही सूट 40,000 ते 65,000 रुपयांपर्यंत आहे.

Follow Us:

Follow Us:

या वर्षी जानेवारीपासून देशातील सर्व ऑटोमोबाईल कंपन्यांनी कारच्या किमती वाढवल्या होत्या. पण, आता ते कारवर भरघोस सूट देणार आहेत. जर तुम्ही नवीन कार घेण्याचा विचार करत असाल तर तुमच्यासाठी ही एक उत्तम संधी आहे. कारण, 4 वर्षांनंतर कार्सवर बंपर डिस्काउंट मिळणार आहे. या सवलतीची श्रेणी 15,000 ते 20,000 रुपयांपर्यंत आहे, तर काही कारवर ही सूट 40,000 ते 65,000 रुपयांपर्यंत देण्यात आली आहे. या ऑफरमध्ये रोख सवलत, कॉर्पोरेट सूट आणि एक्सचेंज सवलत समाविष्ट असणार आहे. TOI रिपोर्टमध्ये फेडरेशन ऑफ ऑटोमोबाइल डीलर्स असोसिएशनच्या सूत्रांनी दिलेल्या माहितीनुसार, जुन्या हॅचबॅक आणि सेडान कारवर ही सूट उपलब्ध असून, ही कार ऑफर मारुतीपासून महिंद्रा, टाटा आणि ह्युंदाईपर्यंत अश्या गाड्यांवर धमाकेदार सूट दिली जाणार आहे.

या गाड्यांवर बंपर डिस्काउंट
FADA डेटावरून मिळालेल्या माहितीनुसार, हॅचबॅक आणि सेडान कारवर काही उत्तम ऑफर्स उपलब्ध केली आहेत. Maruti Suzuki Alto K10 वर Rs 42,000 पर्यंत सूट मिळत आहे. तर, मारुती सुझुकी वॅगनआरवर ही सूट 25,000 ते 30,000 रुपये आहे. Hyundai Grand i10 Nios ची श्रेणी रु. 18,000 ते रु. 35,000 आहे. या गाड्यांवर ही ऑफर सुरु असून ही संधी तुमच्यासाठी खूप आवश्यक आहे.

– मारुती सुझुकी सेलेरियोवर 41,000 रुपये, मारुती इग्निसवर 41,000 रुपये, बलेनोवर 36,000 रुपये, मारुती एस-प्रेसोवर 38,000 रुपये सूट देण्यात आली आहे.

– याचदरम्यान ही सूट, महिंद्राच्या बोलेरो निओवर 82,000 रुपये, बोलेरोवर 54,000 रुपये, टाटा नेक्सॉनवर 56,000 रुपये आणि टाटा टियागोवर 35,000 रुपयांपर्यंत सूट करण्यात आली आहे.

– याशिवाय ही सूट सेडान कारवार सुद्धा उपलब्ध करण्यात आली आहे. या कारमध्ये, Hyundai Aura वर 23,000 ते 40,000 रुपयांपर्यंत, तर Honda Amaze वर 40,000 रुपयांपर्यंत सूट आहे. तथापि, या सवलतीमध्ये एक्सचेंज ऑफर आणि कॉर्पोरेट सूट देखील समाविष्ट केल्या आहेत.

– महागड्या इलेक्ट्रिक आणि एसयूव्ही वाहनांवरही ही सवलत आहे. यापैकी Hyundai Alcazar वर 45,000 ते 65,000 रुपयांची सूट मिळत आहे, तर Mahindra XUV400 EV वर 1.5 लाख रुपयांपर्यंत सूट देण्यात आली आहे.

ही सूट का देण्यात येत आहे

प्रसिद्ध कंपन्यांच्या हॅचबॅक आणि सेडान कारवर या भरघोस सूटमागे एक खास कारण आहे. ऑटो डीलर्सचे म्हणणे आहे की या सवलतीचे मुख्य कारण त्यांच्याकडे असलेल्या कारची वाढती यादी हे असल्यामुळे ही सवलत देण्यात आली आहे. FADA चे अध्यक्ष, मनीष राज सिंघानिया म्हणाले की, जून आणि जुलै हे महिने संथ आहेत, त्यामुळे मोठ्या सवलती उपलब्ध आहेत. तर तुम्ही जून आणि जुलै या महिन्यात नवीन कार विकत घेणार असाल तर ही मिळालेली संधी सोडू नका आणि आताच जवळच्या कारशोरूम मध्ये जाऊन या कार खरेदी करा.

Web Title: Explosive offer after 4 years discounts on many models of maruti hyundai and mahindra

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com