भारतात Harley Davidson X440T लाँच; मिळणार एकापेक्षा एक फाडू फीचर्स, जाणून घ्या किंमत

भारतीय ऑटो मार्केटमध्ये Harley Davidson X440T लाँच झाली आहे. चला या बाईकच्या उत्तम फीचर्स आणि किमतीबद्दल जाणून घेऊयात.

• भारतीय ऑटो बाजारात Harley Davidson X440T लाँच
• बाईकमध्ये वेगवेगळे रायडींग मोड्स
• जाणून घ्या किंमत आणि फीचर्स

Harley Davidson ने भारतीय बाजारात त्यांची नवीन बाईक X440T लाँच केली आहे. ही बाईक सध्याच्या X440 ची अधिक स्टायलिश आणि अपडेटेड व्हर्जन आहे. वाढत्या 400cc बाईक सेगमेंटला पाहता कंपनीने हा नवा व्हेरिएंट बाजारात आणला आहे. याचे डिझाइन, फीचर्स आणि इंजिन परफॉर्मन्स या सेगमेंटमध्ये याला एक प्रीमियम पर्याय बनवतात. लाँचनंतर रायडर्समध्ये याच्या किंमती आणि क्षमतेबद्दल मोठी उत्सुकता दिसत आहे.

मॉडर्न आणि स्पोर्टी स्टाइल

Harley Davidson ने X440T खास त्यांच्यासाठी तयार केली आहे, ज्यांना क्लासिक हार्ले लुकसोबत मॉडर्न आणि स्पोर्टी स्टाइल हवी आहे. ही X440 चेच अपडेटेड व्हर्जन असून याचे डिझाइन आधीपेक्षा अधिक आकर्षक आणि आक्रमक दिसते. भारतीय बाजारात X440 आधीच लोकप्रिय ठरली असून X440T हीच लोकप्रियता आणखी वाढवण्याचा प्रयत्न करते.

Tata Sierra vs Hyundai Creta: दोन्ही एकाच सेगमेंटच्या कार, मात्र तुमच्यासाठी बेस्ट कोणती? जाणून घ्या

इंजिन तितकेच दमदार

X440T मध्ये तेच 440cc चे इंजिन मिळते, जे स्टँडर्ड मॉडेलमध्ये दिले होते. हे इंजिन 27 BHP ची पॉवर आणि 38 Nm टॉर्क निर्माण करते, जे शहरात आणि हायवेवर उत्कृष्ट राइडिंग परफॉर्मन्स देते. यात 6-speed gearbox दिलेला आहे, जो स्मूथ राइडिंगचा अनुभव प्रदान करतो. नव्या वेरिएंटचे वजन वाढून 192 किलो झाले असले, तरीही बाईकची स्टेबिलिटी आणि कंट्रोल उत्तम राहते.

मॉडर्न टेक्नोलॉजी आणि वाढीव सुरक्षितता

Harley Davidson ने X440T ला अनेक प्रगत फीचर्ससह सुसज्ज केले आहे, ज्यामुळे ती 400cc श्रेणीत प्रीमियम जाणवते. यात LED हेडलाइट, TFT डिस्प्ले, Ride-by-Wire थ्रोटल, Rain आणि Road मोड, Switchable ABS आणि Traction Control असे फीचर्स मिळतात. तसेच 18-inch alloy wheels, USD फ्रंट फोर्क, दोन्ही चाकांवर डिस्क ब्रेक आणि Dual-channel ABS यामुळे सुरक्षा आणखी बळकट होते.

भारतातील एकमेव कार जी तब्बल 47 लाख कुटुंबांची ‘फॅमिली मेंबर’ बनली, 1 लिटर पेट्रोलमध्ये देते 33 किमी मायलेज!

भारतीय युवांसाठी खास तयार

Harley Davidson चे वरिष्ठ उपाध्यक्ष कोल्जा रेबस्टॉक यांनी सांगितले की, X440 च्या यशाने कंपनीला भारतात नवीन दिशा मिळाली आहे. X440T विशेषतः त्या नवीन जनरेशनच्या रायडर्ससाठी बनवली आहे, ज्यांना स्टाइल, टेक्नॉलॉजी आणि परफॉर्मन्स यांचे परफेक्ट कॉम्बिनेशन हवे असते. कंपनी भारतातील आपली पकड अधिक मजबूत करण्याच्या तयारीत आहे.

X440T ची किंमत किती?

Harley Davidson X440T ची एक्स-शोरूम किंमत 2.79 लाख रुपये ठेवण्यात आली आहे. या किंमतीत ती 400cc सेगमेंटमध्ये प्रीमियम असतानाही एक value-for-money ऑप्शन ठरते. Harley X440T चे थेट प्रतिस्पर्धी Triumph Speed 400, Bajaj Dominar 400, Royal Enfield Scram 411 आणि KTM Duke 390 सारख्या लोकप्रिय बाईक्स असतील. जरी या बाईक्स परफॉर्मन्समध्ये दमदार असल्या, तरी Harley Davidson चे ब्रँड व्हॅल्यू आणि X440T चा प्रीमियम लुक तिला इतरांपेक्षा वेगळी ओळख देते.