Hero HF Deluxe Pro Vs Honda Shine 100 DX: फीचर्स, परफॉर्मन्स आणि इंजिनच्या बाबतीत कोणत्या बाईकचा पगडा भारी

नुकतेच Honda Shine 100 DX सादर झाली आहे तर दुसरीकडे Hero HF Deluxe Pro लाँच झाली आहे. या दोन्ही बाईकमध्ये सर्वात बेस्ट बाईक कोणती? चला याबद्दल जाणून घेऊयात.

अलीकडेच होंडाने भारतीय ऑटो बाजारात Honda Shine 100 DX सादर केली आहे, जी अनेक नवीन फीचर्सने सुसज्ज आहे. मात्र, त्याची किंमत 1 ऑगस्ट 2025 रोजी जाहीर केली जाईल. त्याची एक्स-शोरूम किंमत 72,000 रुपये असेल असे वर्तविले जाते आहे. यासोबतच, Hero HF Deluxe Pro देखील भारतात लाँच करण्यात आली आहे. ज्याची एक्स-शोरूम किंमत 73,550 रुपये आहे. आगामी काळात, या दोन्ही बाईक्स एकमेकांशी स्पर्धा करताना दिसतील. चला या दोन्ही बाईक्सबद्दल जाणून घेऊयात.

इंजिन

Honda Shine 100 DX मध्ये 98.98 cc इंजिन आहे. त्याचे इंजिन 7.28bhp पॉवर आणि 8.04Nm टॉर्क जनरेट करते. त्यात सायलेंट स्टार्ट फीचर आहे. हे ACG (अल्टरनेटिंग करंट जनरेटर) टेक्नॉलॉजीचा वापर करते, ज्यामुळे पारंपारिक आवाज करणाऱ्या स्टार्टर मोटरची गरज दूर होते. यासोबतच, यात इंजिन किल-स्विच आणि साइड स्टँड इंजिन कटऑफ फीचर देखील आहे, जे साइड स्टँड बाहेर असताना इंजिन सुरू होऊ देत नाही.

खास Batman Lovers साठी STUDDS ने लाँच केला स्टायलिश हेल्मेट, किंमत फक्त…

हिरो एचएफ डिलक्स प्रोमध्ये 97.2 सीसी इंजिन वापरण्यात आले आहे. त्याचे इंजिन 7.9 बीएचपी पॉवर आणि 8.05 एनएम टॉर्क जनरेट करते. यात i3S (आयडल स्टार्ट-स्टॉप) टेक्नॉलॉजी आहे, जी ट्रॅफिक सिग्नलवर आयडल मोडमध्ये इंजिन आपोआप बंद करते आणि क्लच दाबल्यावर इंजिन पुन्हा सुरू करते. हे फीचर शहरातील स्टॉप-गो ट्रॅफिकमध्ये मायलेज वाढविण्यास मदत करते, ज्यामुळे बाईक चालवण्याचा खर्च कमी होतो.

डिझाइन

होंडा शाइन 100 डीएक्समध्ये 5-स्टेप बायडायरेक्शनल ट्विन शॉक अ‍ॅब्जॉर्बर्स आहेत, जे राइडला आरामदायी बनवतात. त्याची डिझाइन आधुनिक आणि मजबूत आहे, ज्यामध्ये फ्युएल टॅंक आणि सिंगल-पीस सीट सरळ रेषेत दिली आहे.

हिरो एचएफ डिलक्स प्रो मध्ये एलईडी हेडलॅम्प आहे, जो रात्रीच्या वेळी त्याला चांगली लाइट आणि आधुनिक लूक देतो. त्याचा एलईडी हेडलॅम्प या बाईकला थोडे स्टायलिश बनवतो.

मुंबई आणि दिल्लीत Tesla Car ची किंमत किती? कुठे मिळेल बेस्ट डील?

दोन्ही बाईकमध्ये एकत्रित ब्रेकिंग सिस्टम आहे, जी देशाच्या सुरक्षा नियमांनुसार आहे. डिझाइनमध्ये, एचएफ डिलक्स प्रोचा एलईडी हेडलॅम्प तो थोडा स्टायलिश बनवतो, तर शाइन 100 डीएक्सचा फोकस आराम आणि स्थिरतेवर आहे.

फीचर्स

Honda Shine 100 DX मध्ये एलसीडी इन्स्ट्रुमेंट कन्सोल आहे, जो रिअल-टाइम मायलेज, ओडोमीटर आणि क्लॉक यासारखी माहिती प्रदान करतो. याशिवाय, इंजिन किल-स्विच आणि साइड स्टँड कटऑफ सारखी सेफ्टी फीचर्स देखील प्रदान केली आहेत.

हिरो एचएफ डिलक्स प्रो मध्ये फुल-एलसीडी इन्स्ट्रुमेंट कन्सोल आहे, जो स्पीडोमीटर, ओडोमीटर, फ्युएल गेज आणि टेल-टेल लाइट्सबद्दल माहिती प्रदान करतो. त्यात शाइन 100 डीएक्स सारखा मायलेज इंडिकेटर नाही. यात i3S तंत्रज्ञान आणि USB चार्जिंग पोर्ट आहे, ज्यामुळे बाईक चालवताना स्मार्टफोन चार्ज करता येतो.

फीचर्सच्या बाबतीत, Shine 100 DX चा कन्सोल तांत्रिकदृष्ट्या या बाईकला अधिक चांगला बनवतो, तर HF Deluxe Pro चा LED हेडलॅम्प आणि i3S मायलेज आणि आधुनिकतेमध्ये या बाईकला खास बनवते.