आता Four Wheeler मार्केट गाजवणार! दुचाकी बनवणाऱ्या Hero Motocorp ने सादर केली नवीन इलेक्ट्रिक कार

Vida Nex 3 कॉन्सेप्ट

हिरोची ही कॉन्सेप्ट कार दोन सीटर असेल. ही कार विशेषतः शहरी वापरासाठी डिझाइन केलेली दिसते. याचे फ्यूचरिस्टिक डिझाइन नक्कीच लक्ष वेधून घेईल. Vida Nex 3 Concept शहरी वाहतुकीतील आव्हाने लक्षात घेऊन डिझाइन करण्यात आली आहे.

या कॉन्सेप्ट कारमध्ये मॉड्यूलर सेंटर कन्सोल आहे जो आयताकृती आणि वर्तुळाकार दोन्ही इन्स्ट्रुमेंट क्लस्टर पर्याय देऊ शकतो. हे स्पष्टपणे सूचित करते की कस्टमायझेशन आणि ग्राहक -केंद्रित डिझाइन भविष्यात मोठी भूमिका बजावेल.

मायक्रो कारचे महत्व

सध्या, शहरी वाहतुकीसमोरील सर्वात मोठी समस्या म्हणजे जागा आणि वाहतूक. मोठ्या शहरांमध्ये वाहनांची संख्या झपाट्याने वाढत आहे, परंतु त्याच वेगाने पायाभूत सुविधांचा विस्तार होत नाहीये. लहान, दोन सीटर किंवा मायक्रो कार हा यावर उपाय असू शकतो.

पाकिस्तानातील महागाईचा नवा उच्चांक! Swift ची किंमत 44 लाखांवर तर Toyota Fortuner ची किंमत कोटींमध्ये

दुचाकी वाहने नेहमीच प्रत्येकासाठी योग्य पर्याय नसतात. अलिकडच्या काळात, भारतीय बाजारपेठेत मोठ्या कारकडे, विशेषतः सी-एसयूव्हीकडे मागणी मोठ्या प्रमाणात वाढली आहे. म्हणूनच, लहान ट्रिपसाठी लहान इलेक्ट्रिक कार एक उत्तम पर्याय असू शकतो.

दुचाकी उत्पादक कंपनी आता चार चाकी उत्पादक बनणार

Ola Electric नंतर आता Hero Motocorp नेही हे स्पष्ट संकेत दिले आहेत की भारतातील दुचाकी कंपन्या आता चौचाकी वाहनांच्या बाजारात पाऊल ठेवणार आहेत. जर त्यांच्या या कॉन्सेप्ट कार्स प्रत्यक्ष उत्पादनात आल्या, तर भारतीय ऑटोमोबाईल उद्योगात मायक्रो अर्बन इलेक्ट्रिक मोबिलिटी नावाचा एक नवा सेगमेंट तयार होऊ शकतो. यामुळे फक्त ट्रेंडच बदलणार नाही, तर इतर ब्रँडनाही या नव्या सेगमेंटमध्ये उतरायला प्रोत्साहन मिळू शकते.

संबंधित बातम्या