Honda ने सुमडीत ‘या’ 2 पॉवरफुल बाईक केल्या बंद! लाँच होऊन एक वर्ष देखील पूर्ण झाले नाही

Honda कंपनीने टू-व्हीलर सेगमेंटमध्ये दमदार बाईक ऑफर केल्या आहेत. मात्र, आता कंपनीने चुपचाप दोन पॉवरफुल बाईक त्यांच्या भारतीय वेबसाइटवरून काढून टाकल्या आहेत. चला याबद्दल अधिक माहिती जाणून घेऊयात.

• होंडाने त्यांच्या वेबसाइटवरून 2 बाईक काढून टाकल्या आहेत
• यात Fireblade SP आणि Rebel 500 यांचा समावेश आहे
• चला याबद्दल अधिक माहिती जाणून घेऊयात

भारतात पॉवरफुल बाईक्सची एक वेगळीच क्रेझ पाहायला मिळते. आजही एखादी पॉवरफुल बाईक रस्त्यांवरून जाताना दिसली की अनेकांच्या नजर त्या बाईकवर रोखल्या जातात. तसेच अनेक रायडर्स लॉंग राइडसाठी हाय परफॉर्मन्स बाईक खरेदी करतात. देशात अनेक कंपन्या आहेत, ज्यांनी स्टायलिश असणाऱ्या बाईक ऑफर केल्या आहेत. अशीच एक कंपनी Honda.

होंडाने त्यांच्या वेबसाइटवर काही बदल केले आहेत. कंपनीने त्यांच्या दोन पॉवरफुल बाईक्स, CBR1000RR-R Fireblade SP आणि Rebel 500, त्यांच्या भारतीय वेबसाइटवरून काढून टाकल्या आहेत. होंडाकडून अद्याप कोणतीही अधिकृत घोषणा झालेली नाही, त्यामुळे या दोन्ही मोटारसायकली काढून टाकण्यामागील खरे कारण काय आहे हे स्पष्ट झालेले नाही.

Maruti Suzuki Grand Vitara च्या 39000 पेक्षा जास्त मॉडेल्स बोलावले परत, कारमध्ये झाला मोठा बिघाड

या बाईक्स बंद होण्यामागे अपेक्षित कारण काय?

दोन्ही बाईक्स या मर्यादित युनिट्ससह भारतात लाँच झाल्या होत्या. प्रीमियम बाईक्ससाठी, विशेषतः CBU स्वरूपात येणाऱ्या मॉडेल्ससाठी ही पद्धत सामान्य आहे. जर स्टॉक संपला किंवा सर्व युनिट्स बुक केल्या गेल्या, तर कंपनी तात्पुरते उत्पादन वेबसाइटवरून काढून टाकते. नवीन स्टॉक आल्यावर दोन्ही बाईक्स वेबसाइटवर पुन्हा दिसण्याची शक्यता आहे.

काढून टाकण्याची इतर कारणे सप्लाय चेन किंवा तांत्रिक समस्या असू शकतात. अलीकडेच, होंडाने त्यांच्या वेबसाइटवरून CB300R देखील काढून टाकले. ही बाईक बंद करण्यात आली आहे की अपडेटेड व्हर्जन रिलीज केली जाईल हे स्पष्ट नाही. कमी विक्रीमुळे काही मॉडेल्स बाजारातून काढून टाकली जात असण्याची शक्यता आहे.

पाकिस्तानातील महागाईचा नवा उच्चांक! Swift ची किंमत 44 लाखांवर तर Toyota Fortuner ची किंमत कोटींमध्ये

Fireblade SP फीचर्स

फायरब्लेड एसपीमध्ये 999 सीसी लिक्विड-कूल्ड इनलाइन-फोर इंजिन आहे, जे 215 एचपी आणि 113 एनएम टॉर्क निर्माण करते. हे 6-स्पीड गिअरबॉक्स, बाय-डायरेक्शनल क्विकशिफ्टर आणि राइड-बाय-वायर सिस्टमसह येते. बाईकमध्ये ॲल्युमिनियम डायमंड फ्रेम, ब्रेम्बो स्टाईलमा ब्रेक्स आणि ओहलिन्स सस्पेंशन आहे. यात ट्रॅक्शन कंट्रोल, लाँच कंट्रोल आणि व्हीली कंट्रोल सारख्या फीचर्ससह सहा-ॲक्सिस आयएमयू-आधारित सिस्टम देखील आहे. ही बाईक कावासाकी ZX-10R आणि BMW S1000RR सारख्या सुपरबाईक्सशी स्पर्धा करते.

Honda Rebel 500 फीचर्स

रिबेल 500 मध्ये 471 सीसी, लिक्विड-कूल्ड, पॅरलल-ट्विन इंजिन आहे जे 45.60 एचपी आणि 43.3 एनएम टॉर्क निर्माण करते. यात 6-स्पीड गिअरबॉक्स, 296 मिमी फ्रंट डिस्क आणि 240 मिमी रियर डिस्क ब्रेक आहे. ड्युअल-चॅनेल एबीएस मानक आहे. त्याची सीट उंची फक्त 690 मिमी आहे, ज्यामुळे बाईकची हँडलिंग सोपी होते. भारतात, ही बाईक Royal Enfield Super Meteor 650 आणि Kawasaki Vulcan S शी स्पर्धा करते.