Honda Elevate New Version: होंडा एलिव्हेटचे नवीन व्हर्जन लवकरच होणार लाँच; पाहा काय-काय बदलणार!

होंडा एलिव्हेटचे फेसलिफ्ट व्हर्जन लवकरच भारतीय बाजारात दाखल होण्याची शक्यता आहे. ऑक्टोबर २०२६ मध्ये येणाऱ्या या अपडेटमध्ये डिझाईनसोबत मोठ्या स्क्रीनपासून लेव्हल-२ ADASपर्यंत कोणते बदल मिळणार, याबद्दल माहिती घेऊयात.

• होंडा एलिव्हेट फेसलिफ्ट ऑक्टोबर २०२६ मध्ये भारतीय बाजारात लाँच होण्याची शक्यता आहे.
• नव्या एलिव्हेटमध्ये मोठी स्क्रीन, ३६० डिग्री कॅमेरा आणि लेव्हल-२ ADAS मिळण्याची शक्यता आहे.
• फेसलिफ्टमध्ये सध्याचे १.५-लिटर पेट्रोल इंजिन आणि मॅन्युअल, CVT पर्याय कायम राहणार आहेत.

होंडा कार्स इंडिया आपल्या लोकप्रिय मिड-साईज SUV ‘एलिव्हेट’चे पहिले मोठे अपडेटेड व्हर्जन भारतीय मार्केटमध्ये आणण्याच्या तयारीत आहे. माहितीनुसार, ही नवी ‘होंडा एलिव्हेट फेसलिफ्ट’ ऑक्टोबर २०२६ मध्ये लाँच केली जाण्याची शक्यता आहे. मिड-साईज SUV सेगमेंटमध्ये वाढत्या स्पर्धेला टक्कर देण्यासाठी होंडाने हा निर्णय घेतला आहे.

एक्सटेरियर डिझाईनमध्ये काय बदलतील?

गाडीच्या एकूण आकारात कोणताही मोठा बदल होणार नाही, मात्र डिझाईन ताजेतवाने ठेवण्यासाठी काही सूक्ष्म बदल केले जातील. नवे फ्रंट आणि रिअर बंपर, तसेच होंडाच्या नवीन जागतिक डिझाईन लँग्वेजवर आधारित ग्रिल. टेल-लॅम्प्सच्या लाईटिंग ग्राफिक्समध्ये बदल आणि नवीन डिझाईनचे प्रिसिजन-कट अलाय व्हील्स मिळण्याची शक्यता आहे.

Honda August 2026 Sales: ऑगस्ट २०२६ मध्ये होंडा टू-व्हीलर्सचा जलवा! विक्रीत ८% वाढ, एकूण ५.७९ लाख गाड्यांची विक्री

केबिन आणि हाय-टेक फीचर्स

इंटिरियरमध्ये ग्राहकांना अधिक सोयीस्कर आणि आधुनिक फीचर्स पाहायला मिळतील. होंडा सिटीप्रमाणे यात १०.२५-इंचाची मोठी टचस्क्रीन इन्फोटेनमेंट सिस्टम दिली जाऊ शकते. सध्या ॲक्सेसरी म्हणून मिळणारे ३६०-डिग्री कॅमेरा आणि व्हेंटिलेटेड फ्रंट सीट्स आता फॅक्टरी-फिटेड (इन-बिल्ट) फीचर्स म्हणून दिले जातील. नवीन अपहोल्स्ट्री आणि प्रीमियम केबिन ट्रिम्समुळे आतील लुक जास्त आकर्षक होईल.

प्रगत सुरक्षा आणि ADAS अपडेट

होंडाच्या सध्याच्या एलिव्हेटमध्ये ‘Honda Sensing’ अंतर्गत ॲडॉप्टिव्ह क्रूझ कंट्रोल, लेन-कीप असिस्ट आणि इमर्जन्सी ब्रेकिंग सारखे फीचर्स मिळतात. मात्र, नवीन फेसलिफ्ट मॉडेलमध्ये होंडा सिटीप्रमाणे अधिक प्रगत ‘लेव्हल-२ ADAS’ सेफ्टी पॅकेज दिले जाण्याची दाट शक्यता आहे.

Honda UC3 VS TVS iQube: बजेट आणि रेंजच्या खेळात कोणती ई-स्कूटर ठरेल सर्वोत्तम? पाह इन डिटेल तुलना

इंजिन आणि परफॉर्मन्स

इंजिनमध्ये कोणताही बदल केला जाणार नाही. यात पूर्वीप्रमाणेच १.५-लिटर नॅचरली एस्पिरेटेड पेट्रोल इंजिन मिळेल, जे १२१ hp पॉवर जनरेट करते. हे इंजिन ६-स्पीड मॅन्युअल आणि CVT ऑटोमॅटिक गिअरबॉक्स पर्यायांसह येईल. यामध्ये हायब्रिड इंजिनचा पर्याय दिला जाणार नाही.

किंमत आणि स्पर्धा

नवीन होंडा एलिव्हेट फेसलिफ्टची संभाव्य किंमत रु. ११ लाख ते १७ लाखांच्या (एक्स-शोरूम) दरम्यान असण्याचा अंदाज आहे. मार्केटमध्ये तिची थेट स्पर्धा ह्युंदाई क्रेटा, किया सेल्टॉस, मारुती ग्रँड व्हिटारा, टोयोटा हायरायडर, मारुती व्हिक्टोरिस आणि स्कोडा कुशाक यांसारख्या गाड्यांशी असेल.