New Hyundai Bayon: ह्युंदाई बायोनचे इंटीरियर झाले स्पाय; 360-डिग्री कॅमेरा आणि ड्युअल-टोन केबिनची झलक

ह्युंदाईची नवी एसयूव्ही व्हेन्यू आणि क्रेटाच्या मध्ये येण्याची शक्यता असून, तिच्या इंटीरियरची पहिली स्पष्ट झलक समोर आली आहे. ड्युअल-टोन केबिन, ड्युअल स्क्रीन आणि 360-डिग्री कॅमेरामुळे ही गाडी लॉन्चपूर्वीच चर्चेत आली आहे.

ह्युंदाई इंडियाची आगामी नवीन एसयूव्ही सध्या भारतीय रस्त्यांवर चाचण्या घेताना दिसत आहे. ‘BC4i’ या अंतर्गत कोडने विकसित होत असलेल्या या मॉडेलला ह्युंदाई बायोनवर आधारित एसयूव्ही मानले जात आहे. ही गाडी व्हेन्यू आणि क्रेटाच्या मध्ये स्थान घेण्याची शक्यता असून, मारुती सुझुकी व्हिक्टोरिससारख्या मॉडेल्सशी तिची थेट स्पर्धा होऊ शकते.

इंटीरियरमध्ये मिळणार आधुनिक टच

नवीन स्पाय शॉट्समधून या एसयूव्हीच्या केबिनची माहिती पूर्वीपेक्षा स्पष्ट झाली आहे. टेस्ट कारमध्ये ब्लॅक आणि व्हाइट ड्युअल-टोन इंटीरियर दिसत असून, डॅशबोर्डचा लेआउट साधा आणि आधुनिक ठेवण्यात आल्याचे दिसते. नवीन व्हेन्यूसारखे स्टीयरिंग व्हील आणि ह्युंदाईचा 4-डॉट लोगो यावर लक्ष वेधले जाते.

डॅशबोर्डवर 2 इंटिग्रेटेड स्क्रीन दिसतात. यापैकी 1 डिजिटल इन्स्ट्रुमेंट क्लस्टर, तर दुसरी इन्फोटेनमेंटसाठी वापरली जाऊ शकते. मोठ्या केबिनमुळे कुटुंबासाठी प्रवास अधिक आरामदायी करण्यावर कंपनीचा भर असल्याचे संकेत मिळतात.

Hyundai Aims Rural India Market: ग्रामीण बाजारपेठेत हुंडाईचा मोठा विस्तार; विक्रीत 30% वाट्याचे लक्ष्य

बाहेरील डिझाइनही आकर्षक

बाहेरून या एसयूव्हीमध्ये ह्युंदाईची नवीन डिझाइन भाषा दिसते. समोर H-आकाराचे LED DRL, स्लॅटेड ग्रिल आणि खाली स्वतंत्र हेडलॅम्प युनिट्स दिले जाऊ शकतात. याशिवाय व्हील-आर्च क्लॅडिंग, रूफ रेल्स, सनरूफ आणि आकर्षक विंडो फ्रेम्सही दिसतात.

टेस्ट मॉडेलमध्ये 360-डिग्री कॅमेरा आणि पार्किंग सेन्सर्स दिसणे विशेष महत्त्वाचे आहे. मोठ्या आकाराच्या एसयूव्हीला अरुंद पार्किंगमध्ये हाताळताना या फीचरचा मोठा फायदा होऊ शकतो. दरवाजांसाठी पारंपरिक पुल-टाइप हँडल्स वापरण्यात आले आहेत.

Hyundai August Sales: ह्युंदाईच्या विक्रीत मोठी वाढ; ऑगस्ट महिन्यात विकले ५४,००० हून अधिक युनिट्स

पेट्रोलसोबत CNG पर्यायाची शक्यता

पॉवरट्रेनबाबत अंतिम माहिती अद्याप समोर आलेली नाही. मात्र 1.5-लिटर नॅचरली अॅस्पिरेटेड पेट्रोल इंजिन मिळण्याची शक्यता आहे. क्रेटामध्ये हे इंजिन 115 PS पॉवर आणि 143.8 Nm टॉर्क देते, तसेच 6-स्पीड मॅन्युअल आणि IVT पर्याय मिळतो.

याशिवाय CNG पर्याय दिल्यास ही एसयूव्ही आणखी आकर्षक ठरू शकते. बूट स्पेस वाचवण्यासाठी ड्युअल-सिलिंडर CNG सेटअप वापरला जाण्याची शक्यता आहे. मात्र इंजिन, फीचर्स, किंमत आणि लॉन्चची अधिकृत माहिती ह्युंदाईकडून अद्याप स्पष्ट झालेली नाही.