Hyundai च्या ‘या’ कारला दणादण खरेदी करताय ग्राहक! थेट बनली कंपनीची Best Selling Car

भारतीय ऑटो बाजारात ह्युंदाईने विविध सेगमेंटमध्ये दमदार कार ऑफर केल्या आहेत. नुकतेच कंपनीचे नशीब एका कारमुळे उजळले आहे. चला याबद्दल अधिक माहिती जाणून घेऊयात.

• Hyundai ची भारतीय मार्केटमध्ये क्रेझ
• ह्युंदाई क्रेटाला ग्राहकांकडून सर्वाधिक मागणी
• विक्री इतकी जास्त की थेट बनली कंपनीची बेस्ट सेलिंग कार

भारतीय ऑटो बाजारात रोज हजारोंच्या संख्येत वाहनांची विक्री होत असते. ग्राहकांची हीच मागणी लक्षात घेत अनेक विदेशी ऑटो कंपन्या देखील मार्केटमध्ये अनेक वर्षांपासून उत्तमोत्तम कार ऑफर करत आहे. अशीच एक लोकप्रिय कंपनी म्हणजे Hyundai Motors.

ह्युंदाईने देशात अनेक उत्तम कार्स ऑफर केल्या आहेत. विक्रीच्या बाबतीत ही कंपनी सातत्याने टॉप 5 कंपन्यांमध्ये स्थान मिळवत आली आहे. गेल्या महिन्यातही हे स्पष्ट झाले आहे. Hyundai Creta ही कंपनीची सर्वाधिक विक्री होणारी कार ठरली, तर Hyundai Venue आणि Hyundai Aura च्या विक्रीतही वाढ झाली. चला कंपनीच्या लोकप्रिय कारबद्दल अधिक माहिती जाणून घेऊयात.

December 2025 मध्ये बाईक खरेदी करू की नवीन वर्षाची वाट पाहू? जाणून घ्या सोपे उत्तर

ह्युंदाई क्रेटा (Hyundai Creta)

विक्रीच्या यादीत ह्युंदाई क्रेटा अव्वल स्थानावर आहे. गेल्या महिन्यात या लोकप्रिय एसयूव्हीने एकूण 17,344 नवीन ग्राहक जोडले आहे. नोव्हेंबर 2024 मध्ये विकल्या गेलेल्या एकूण 15,452 युनिट्सच्या तुलनेत हा आकडा वर्षानुवर्षे 12 टक्क्यांची वाढ दर्शवतो.

ह्युंदाई व्हेन्यू (Hyundai Venue)

विक्रीच्या बाबतीत ह्युंदाई व्हेन्यू दुसऱ्या क्रमांकावर आहे. या परवडणाऱ्या एसयूव्हीने गेल्या महिन्यात एकूण 11,645 नवीन ग्राहक जोडले. नोव्हेंबर 2024 मध्ये विकल्या गेलेल्या 9,754 युनिट्सच्या तुलनेत ही संख्या वर्षानुवर्षे 19 टक्क्यांची वाढ दर्शवते.

ह्युंदाई ऑरा (Hyundai Aura)

ह्युंदाई ऑरा या यादीत तिसऱ्या क्रमांकावर आहे. गेल्या महिन्यात ही परवडणारी सेडान 5,731 लोकांनी खरेदी केली. नोव्हेंबर 2024 मध्ये विकल्या गेलेल्या 4,248 युनिट्सच्या तुलनेत ही संख्या वर्षानुवर्षे 35 टक्के लक्षणीय वाढ दर्शवते.

Maruti Grand Vitara चा टप्यात कार्यक्रम! 28.65 Kmpl मायलेज देणाऱ्या ‘या’ SUV ने मार्केट खाल्लं

ह्युंदाई एक्स्टर (Hyundai Exter)

चौथ्या क्रमांकावर Hyundai Exter आहे, जिच्या विक्रीत थोडीशी घट झाली. गेल्या महिन्यात या कारचे 5,705 नवीन ग्राहक जोडले. तर नोव्हेंबर 2024 मध्ये विकल्या गेलेल्या 5,747 युनिट्सच्या तुलनेत हा आकडा वर्षानुवर्षे 1 टक्क्यांची घट दर्शवतो.

ह्युंदाई ग्रँड आय10 (Hyundai Grand i10)

Hyundai Grand i10 च्या विक्रीत घट झाली असली तरी, ग्रँड आय१० ने कंपनीच्या टॉप-5 कारच्या यादीत स्थान मिळवले आहे. गेल्या महिन्यात या कारचे 4,559 नवीन ग्राहक मिळवले. नोव्हेंबर 2024 मध्ये विकल्या गेलेल्या 5667 युनिट्सच्या तुलनेत ही आकडेवारी 20 टक्के घट दर्शवते.