Hyundai कंपनीची मोठी घोषणा; भारतात उभारणार तब्बल 600 EV चार्जिंग स्टेशन्स

इलेक्ट्रीक वाहन क्षेत्राची अतिशय वेगाने वाढ होत आहे. या क्षेत्राची सर्वात मोठी गरज आहे चार्जिंग स्टेशन. ह्युंदाई कंपनीने भारतात चार्जिंग स्टेशन निर्मितीसाठी मोठे पाऊल उचलले आहे. जाणून घेऊया याबद्दल 

ऑटोमोबाईल क्षेत्रात इलेक्ट्रीक व्हेइकलने क्रांती घडवली आहे. लोकांचाही या  इलेक्ट्रीक वाहन खरेदीकडे कल वाढताना दिसत आहे. नोर्वे सारख्या देशात तर इंधनावर आधारित वाहनांपेक्षा इलेक्ट्रीक वाहनांची संख्या जास्त आहे. भारतामध्येही सरकारचे धोरण इलेक्ट्रीक वाहनांच्या वापरासाठी अनुकूल आहे. त्यामुळे इलेक्ट्रीक वाहन क्षेत्र कात टाकत आहे. या इलेक्ट्रीक वाहन क्षेत्राची मोठी गरज आहे चार्जिंग स्टेशन. या सुविधा उभारण्यासाठी अनेक मोठमोठ्या कंपन्या पुढे येत आहे. आता ह्युंदाई कंपनीनेही यासंबंधी मोठे पाऊल उचलले आहे. जाणून घेऊया याबद्दल

Hyundai Motor India  पुढील सात वर्षांत देशभरात जवळपास 600 सार्वजनिक EV फास्ट चार्जिंग स्टेशन्स उभारण्याचे उद्दिष्ट समोर ठेवले आहे.कंपनीने सोमवारी जारी केलेल्या एका निवेदनात म्हटले आहे की डिसेंबर 2024 च्या अखेरीस त्यांच्याकडे 50 जलद सार्वजनिक चार्जिंग स्टेशनचे नेटवर्क असणार आहे.

कार खरेदीची अशी संधी पुन्हा येणार नाही; Mahindra च्या ‘या’ कारवर तब्बल 3 लाखांची सवलत

प्रमुख शहरांव्यतिरिक्त प्रमुख महामार्गांवर वेगवान ईव्ही चार्जर बसवण्याचा पुढाकार

या घोषणेवर भाष्य करताना, जे वान र्यू, फंक्शन हेड – कॉर्पोरेट प्लॅनिंग, एचएमआयएल यांनी सांगितले की,  2030 पर्यंत त्यांचे ईव्ही मार्केट मजबूतपणे वाढण्याची अपेक्षा आहे.त्यांनी केलेल्या अभ्यासातून असे समोर आले आहे की चार्जिंग इन्फ्रास्ट्रक्चरच्या कमतरतेमुळे हायवेवर लांब पल्ल्याच्या प्रवासासाठी ग्राहकांना त्यांची ईव्ही चालवण्याची भीती वाटते. हे लक्षात घेऊन, त्यांनी प्रमुख शहरांव्यतिरिक्त प्रमुख महामार्गांवर वेगवान ईव्ही चार्जर बसवण्याचा पुढाकार घेतला आहे.”इलेक्ट्रिक वाहनांच्या मागणीत अपेक्षित वाढ होण्यासाठी ते पायाभूत सुविधांमध्ये सक्रियपणे गुंतवणूक करत असल्याचे जे वान र्यू यांनी सांगितले.आजपर्यंत,

Hyundai Motor India चार्जिंग नेटवर्कने अंदाजे 50,000 चार्जिंग सेशन्स सुलभ केली आहेत, 10,000 हून अधिक Hyundai आणि Non-Hyundai EV ग्राहकांना 7.30 लाख युनिट्सपेक्षा जास्त ऊर्जा वितरित केली आहे.

प्रमुख शहरांसहित महामार्गांवर चार्जिंग स्टेशन्स

ह्युंदाई ईव्ही चार्जिंग स्टेशन मुंबई, गुरुग्राम, पुणे, बेंगळुरू, हैद्राबाद, अहमदाबाद आणि चेन्नई यांसारख्या मोठ्या शहरांमध्ये स्थित आहेत. कंपनीने दिल्ली-चंदीगड, दिल्ली-जयपूर, हैदराबाद-विजयवाडा, मुंबई-पुणे, मुंबई-सुरत, बेंगळुरू-पुणे आणि पुणे-कोल्हापूर या प्रमुख महामार्गांवर चार्जिंग स्टेशन्स उभारून संपूर्ण भारत नेटवर्क देखील स्थापित केले आहे. myHyundai ॲप वापरकर्त्यांना ‘EV चार्ज’ वैशिष्ट्यासह सक्षम करते, देशभरातील 10,000 हून अधिक ईव्ही चार्जिंग पॉइंट्समध्ये प्रवेश प्रदान करते.

TVS Ronin च्या नवीन एडीशनचे अनावरण; नवीन अपडेट्समुळे बाईक बनली अधिक आकर्षक

तमिळनाडू सरकारबरोबर सामंजस्य करार

ह्युंदाईने 2027 पर्यंत  100 EV चार्जिंग स्टेशन्स उभारण्यासाठी तमिळनाडू सरकारसोबत सामंजस्य करारही केला आहे. त्यापैकी 10 स्टेशन्स यावर्षी कार्यान्वित होतील.तमिळनाडूमधील सर्व ईव्ही ग्राहक myHyundai ॲपद्वारे या 24×7 चार्जिंग स्टेशन्सवर सोयीस्करपणे प्रवेश करू शकतात. सध्या, चेन्नईतील स्पेन्सर प्लाझा आणि BSR मॉल आणि तिरुवन्नमलाई येथील हॉटेल सीझनमध्ये तीन चार्जिंग स्टेशन पूर्णपणे कार्यरत आहेत.