फोटो सौजन्य: @HMGnewsroom/ X.com
एसयूव्ही सेगमेंटमध्ये कंपनी ह्युंदाई टक्सन ऑफर करते. मात्र, ही एसयूव्ही अलीकडेच कंपनीच्या वेबसाइटवरून काढून टाकण्यात आली आहे. या एसयूव्हीची विक्री बंद करण्यात आली आहे की नाही? त्याबद्दल आपण अधिक माहिती जाणून घेऊयात.
ह्युंदाईच्या अधिकृत वेबसाइटवर भारतात ऑफर केलेल्या सर्व कारची यादीत ग्रँड आय10 पासून ते आयोनिक पर्यंतच्या कारचा समावेश आहे. मात्र, ह्युंदाई टक्सन एसयूव्ही अलीकडेच कंपनीच्या वेबसाइटवरून काढून टाकण्यात आली आहे.
2 लाखाच्या डाउन पेमेंटवर Honda Elevate साठी दरमहा किती EMI द्यावा लागणार?
कंपनीकडून याबाबत अद्याप कोणतीही अधिकृत माहिती देण्यात आलेली नाही. मात्र, कंपनी भारतात या एसयूव्हीची विक्री बंद करू शकते, अशा चर्चा आहेत. याआधीच कंपनीने आपल्या अधिकृत वेबसाइटवरून या मॉडेलला हटवले आहे.
रिपोर्ट्सनुसार, कंपनीने वेबसाइटवरून हे मॉडेल काढून टाकले असले तरीही, डीलर्सकडे उपलब्ध असलेल्या युनिट्सची विक्री सुरू राहणार आहे.
या एसयूव्हीमध्ये कंपनीकडून अनेक उत्कृष्ट फीचर्स देण्यात आले होते. यात पॅनोरामिक सनरूफ, ड्युअल-झोन क्लायमेट कंट्रोल, 360-डिग्री कॅमेरा, विविध ड्रायव्हिंग मोड्स, 10.25-इंच इंफोटेनमेंट सिस्टीम, बोसचे 10-स्पीकर ऑडिओ सिस्टीम, ABS, EBD, एअरबॅग्स, TPMS, हिल-होल्ड असिस्ट तसेच Level-2 ADAS यांसारख्या आधुनिक सुविधा समाविष्ट आहेत.
ह्युंदाईने 2005 मध्ये भारतात पहिल्या जनरेशनची टक्सन लाँच केली, त्यानंतर 2022 मध्ये चौथी जनरेशन आली. भारतात, ही एसयूव्ही विविध पेट्रोल आणि डिझेल इंजिन पर्यायांमध्ये उपलब्ध आहे, ज्यामध्ये 4WD पर्यायाचा समावेश आहे.
भारतीय ऑटो बाजारपेठेत, ही एसयूव्ही Mahindra XUV 700, Jeep Meridian सारख्या एसयूव्हीशी थेट स्पर्धा करते.
.png "Videos"){kind=small}
