Hyundai Motors ने ‘ही’ लोकप्रिय कार वेबसाइटवरून हटवली, नेमके कारण काय?

ह्युंदाईने जगभरात अनेक दमदार कार ऑफर केल्या आहेत. मात्र, आता कंपनीने त्यांची एक लोकप्रिय कार वेबसाईटवरून हटवली आहे. चला याबद्दल अधिक माहिती जाणून घेऊयात.

• वेबसाइटवरून Hyundai Tucson हटवली
• विक्री बंद होण्याची शक्यता
• डीलर्समधील उर्वरित युनिट्स विकल्या जातील

भारतीय मार्केटमध्ये अनेक विदेशी ऑटो कंपन्या आहेत, ज्या अनेक वर्षांपासून बेस्ट कार ऑफर करत आहेत. अशीच एक कंपनी म्हणजे Hyundai Motors. ह्युंदाईने नेहमीच भारतीय ग्राहकांच्या मागणी आणि आवश्यकतेनुसार दमदार कार ऑफर केल्या आहेत. कंपनीच्या अनेक कार मार्केटमध्ये लोकप्रिय ठरल्या आहेत. मात्र, आता कंपनीने Hyundai Tucson चे नाव त्यांच्या वेबसाईटवरून हटवले आहे.

एसयूव्ही सेगमेंटमध्ये कंपनी ह्युंदाई टक्सन ऑफर करते. मात्र, ही एसयूव्ही अलीकडेच कंपनीच्या वेबसाइटवरून काढून टाकण्यात आली आहे. या एसयूव्हीची विक्री बंद करण्यात आली आहे की नाही? त्याबद्दल आपण अधिक माहिती जाणून घेऊयात.

ह्युंदाईच्या अधिकृत वेबसाइटवर भारतात ऑफर केलेल्या सर्व कारची यादीत ग्रँड आय10 पासून ते आयोनिक पर्यंतच्या कारचा समावेश आहे. मात्र, ह्युंदाई टक्सन एसयूव्ही अलीकडेच कंपनीच्या वेबसाइटवरून काढून टाकण्यात आली आहे.

2 लाखाच्या डाउन पेमेंटवर Honda Elevate साठी दरमहा किती EMI द्यावा लागणार?

एसयूव्ही बंद होणार का?

कंपनीकडून याबाबत अद्याप कोणतीही अधिकृत माहिती देण्यात आलेली नाही. मात्र, कंपनी भारतात या एसयूव्हीची विक्री बंद करू शकते, अशा चर्चा आहेत. याआधीच कंपनीने आपल्या अधिकृत वेबसाइटवरून या मॉडेलला हटवले आहे.

उरलेल्या युनिट्सची होईल विक्री

रिपोर्ट्सनुसार, कंपनीने वेबसाइटवरून हे मॉडेल काढून टाकले असले तरीही, डीलर्सकडे उपलब्ध असलेल्या युनिट्सची विक्री सुरू राहणार आहे.

दमदार फीचर्स

या एसयूव्हीमध्ये कंपनीकडून अनेक उत्कृष्ट फीचर्स देण्यात आले होते. यात पॅनोरामिक सनरूफ, ड्युअल-झोन क्लायमेट कंट्रोल, 360-डिग्री कॅमेरा, विविध ड्रायव्हिंग मोड्स, 10.25-इंच इंफोटेनमेंट सिस्टीम, बोसचे 10-स्पीकर ऑडिओ सिस्टीम, ABS, EBD, एअरबॅग्स, TPMS, हिल-होल्ड असिस्ट तसेच Level-2 ADAS यांसारख्या आधुनिक सुविधा समाविष्ट आहेत.

ग्राहकांनोsss जरा ‘या’ Car कडे बघा तरी! मागील 3 महिन्यापासून एक देखील युनिट विकला गेला नाही, आता किंमत अजूनच स्वस्त

2005 मध्ये झाली लाँच

ह्युंदाईने 2005 मध्ये भारतात पहिल्या जनरेशनची टक्सन लाँच केली, त्यानंतर 2022 मध्ये चौथी जनरेशन आली. भारतात, ही एसयूव्ही विविध पेट्रोल आणि डिझेल इंजिन पर्यायांमध्ये उपलब्ध आहे, ज्यामध्ये 4WD पर्यायाचा समावेश आहे.

या कारसोबत होती स्पर्धा

भारतीय ऑटो बाजारपेठेत, ही एसयूव्ही Mahindra XUV 700, Jeep Meridian सारख्या एसयूव्हीशी थेट स्पर्धा करते.