कायनेटिक वॉट्स अँड व्होल्ट्सचे ठाण्यात पदार्पण; उल्हासनगरात पहिली 3S डीलरशिप सुरू

Kinetic Watts and Volts ने ठाण्यातील उल्हासनगर येथे त्यांच्या पहिल्या 3S डिलरशिपचे उद्घाटन केले आहे. चला याबद्दल अधिक माहिती जाणून घेऊयात.

• Kinetic Watts and Volts चे डिलरशिप सुरु
• ठाण्यातील उल्हासनगरमध्ये पहिली डीलरशिप सुरू
• Kinetic DX स्कूटरचे कमबॅक

कायनेटिक इंजिनियरिंग लिमिटेडच्या इलेक्ट्रिक वाहन विभागाने म्हणजेच कायनेटिक वॉट्स अँड व्होल्ट्स लिमिटेडने ठाणे जिल्ह्यातील उल्हासनगर येथे आपल्या पहिल्या 3S (Sales, Service, Spares) डीलरशिपचे उद्घाटन केले. पुण्यातील पहिल्या शोरूमनंतर महाराष्ट्रातील कंपनीच्या विस्ताराला यामुळे नवीन गती मिळाली असून, टियर-२ आणि टियर-३ शहरांमध्येही इलेक्ट्रिक मोबिलिटी मजबूत करण्याच्या दिशेने हा महत्त्वपूर्ण टप्पा मानला जात आहे.

आधुनिक शोरूम आणि सर्व्हिस इन्फ्रास्ट्रक्चर

हितेन झमनानी यांच्या मालकीचे हे ८२५ चौ.फुट क्षेत्रफळाचे आधुनिक शोरूम कल्याण-अंबरनाथ रोड, मीरा एनएक्स हॉस्पिटलजवळ (उल्हासनगर-421003) सुरू केले गेले आहे. याशिवाय, ‘कायनेटिक लॅब’ या नावाने ओळखले जाणारे पूर्णपणे सुसज्ज सर्व्हिस सेंटर सेक्शन १७, बीके नंबर ८२५ जवळ, संगम ट्रॅव्हल्ससमोर सुरू करण्यात आले आहे. येथे प्रशिक्षित तंत्रज्ञ आणि अस्सल पार्ट्सची उपलब्धता ग्राहकांना उत्कृष्ट आफ्टर-सेल्स सेवा सुनिश्चित करणार आहे.

Audi India ची ग्राहकांना खास भेट! ‘हा’ विशेष प्रोग्रॅम सुरू, मिळणार एकापेक्षा एक प्रीमियम सुविधा

“महाराष्ट्र हा आमच्या प्रवासाचा केंद्रबिंदू” – अजिंक्य फिरोदिया

कायनेटिक वॉट्स अँड व्होल्ट्स लिमिटेडचे उपाध्यक्ष आणि व्यवस्थापकीय संचालक अजिंक्य फिरोदिया म्हणाले, “कायनेटिकच्या विकासयात्रेत महाराष्ट्राची भूमिका नेहमीच महत्त्वपूर्ण राहिली आहे. उल्हासनगरातील या नव्या डीलरशिपमुळे आम्ही राज्यभर विश्वासार्ह आणि टिकाऊ EV सोल्यूशन्स प्रदान करण्याच्या आमच्या बांधिलकीला अधिक बळ देत आहोत. आमची उत्पादने विश्वास, व्यावहारिकता, टिकाऊपणा आणि दैनंदिन वापरासाठी आवश्यक असलेल्या मूल्यांवर आधारित आहेत.”

ठाण्यातील पहिला डीलर बनण्याचा अभिमान – हितेन झमनानी

उल्हासनगर डीलरशिपचे प्रिन्सिपल हितेन झमनानी म्हणाले, “ठाण्यातील पहिला कायनेटिक EV डीलर म्हणून ही जबाबदारी माझ्यासाठी अत्यंत आनंददायी आहे. लहानपणापासून लोकांचा कायनेटिकवर असलेला विश्वास मी पाहिला आहे. आता इलेक्ट्रिक भविष्य उल्हासनगरात आणताना अभिमान वाटतो. आमचे लक्ष्य प्रत्येक ग्राहकाला प्रीमियम, पारदर्शक आणि विश्वासार्ह अनुभव देणे आहे. मग तो पहिल्यांदाच EV खरेदी करणारा असो किंवा पारंपरिक स्कूटरमधून अपग्रेड करणारा असो.”

‘Kinetic DX’ चे आधुनिक पुनरागमन

कायनेटिकने आपल्या लोकप्रिय पारंपरिक Kinetic DX ला आधुनिक, कुटुंबासाठी अनुकूल आणि प्रॅक्टिकल इलेक्ट्रिक स्कूटरच्या रूपात पुन्हा सादर केले आहे. मजबूत मेटल बॉडी, प्रशस्त फ्लोरबोर्ड आणि ३७ लिटरचे क्लास-लीडिंग अंडर-सीट स्टोरेज या वैशिष्ट्यांसह ही रेंज शहरातील दैनंदिन वापरासाठी खास बनवली आहे.

एंट्री वाघासारखी आणि विक्री शेळीसारखी! नोव्हेंबरमध्ये Elon Musk च्या Tesla च्या इतक्याच कार विकल्या

उपलब्ध व्हेरिएंट्स: Kinetic DX आणि DX+

दोन्ही मॉडेल्समध्ये:

• 2.6 kWh RangeX LFP बॅटरी
• K-Cost regenerative braking
• Reverse assist
• Hill-hold assist
• Range, Power आणि Turbo असे 3 राइड मोड
• DX+ मध्ये अतिरिक्त स्मार्ट फीचर्स:
• TeleKinetic ॲपद्वारे स्मार्ट कनेक्टिव्हिटी
• रिअल-टाइम राईड डेटा
• जिओ-फेन्सिंग
• इंट्रूडर अलर्ट
• “Find My Kinetic” ट्रॅकिंग
• My Kyani व्हॉईस अलर्ट्स (गाइडन्स, सुरक्षा सूचना, बर्थडे विशेस इ.)
• ब्लूटुथ आधारित म्युझिक आणि व्हॉईस नेव्हिगेशन
• तत्काळ CRM सपोर्ट देणारा Kinetic Assist Switch

किंमत आणि रंग पर्याय

• Kinetic DX: ₹ 1,11,499 (एक्स-शोरूम)
• Kinetic DX+: ₹ 1,17,499 (एक्स-शोरूम)

रंग पर्याय:

• DX+: लाल, निळा, पांढरा, सिल्व्हर, काळा
• DX: सिल्व्हर, काळा