Tubeless Tyres विसरून जावा! आता येताय Airless Tyres, ‘अशाप्रकारे’ ड्रायव्हर आणि प्रवाशी राहतील सुरक्षित

एअरलेस टायर्स म्हणजे काय?

एअरलेस टायर्सची सर्वात महत्त्वाची गोष्ट म्हणजे यात हवेची काहीही गरज नसते. त्यामुळे यात न हवा भरण्याचा त्रास, न पंक्चर होण्याचा धोका, आणि ना टायर ब्लास्ट होण्याची भीती. हवेऐवजी या टायर्समध्ये खास डिझाइन केलेले रबरचे स्पोक्स आणि बेल्ट वापरले जातात, ज्यामुळे टायरला आवश्यक ती मजबुती आणि आकार मिळतो. त्यामुळे हे टायर्स खराब होण्याची किंवा पंक्चर होण्याची शक्यता अत्यंत कमी असते.

एअरलेस टायर्सची आतली रचना बाहेरून स्पष्टपणे दिसते, ज्यामुळे त्यांना एक वेगळा आणि फ्युचरिस्टिक लुक मिळतो. हे पूर्णतः मेंटेनन्स-फ्री असतात. यात ना एअर प्रेशर तपासण्याची गरज, ना वारंवार रिपेअरिंगची. त्यामुळे हे टायर्स लॉन्गड्राइव्ह आणि ऑफ-रोड परिस्थितींसाठी उत्तम पर्याय ठरतात.

सेकंड हँड CNG CAR खरेदी करताय? सावधान! ‘या’ ५ महत्त्वाच्या गोष्टी तपासा, अन्यथा होऊ शकतो मोठा धोका!

एअरलेस टायर्सची किंमत

सर्वात स्वस्त एअरलेस टायर्सची किंमत साधारणतः 10,000 ते 20,000 रुपयांदरम्यान आहे. टायरचा आकार, गुणवत्ता आणि ब्रँडनुसार किंमत बदलते. दुसरीकडे, भारतात सामान्यतः वापरल्या जाणाऱ्या ट्यूबलेस टायर्सची किंमत 1,500 पासून 60,000 पर्यंत जाते. म्हणजेच सध्याच्या घडीला एअरलेस टायर्स ट्यूबलेस टायर्सपेक्षा अनेक पट महाग आहेत. मात्र, हे तंत्रज्ञान सर्वत्र लोकप्रिय झाल्यावर यांची किंमत कमी होण्याची शक्यता आहे.

एअरलेस टायर्सचे नुकसान देखील जाणून घ्या

एअरलेस टायर्स अधिक मजबूत असतात आणि खडबडीत रस्त्यांवर धक्के शोषून घेतात, परंतु यामुळे राईड थोडी अधिक धक्कादायक देखील वाटू शकते. या टायर्सचा रस्त्याशी जास्त संपर्क येतो, ज्यामुळे वाहन पुढे नेण्यासाठी जास्त ड्रॅग होतो. यामुळे इलेक्ट्रिक वाहनांमध्ये बॅटरी जलद संपते आणि रेंज कमी होते

संबंधित बातम्या