फोटो सौजन्य: iStock
भारतीय ऑटोमोबाईल क्षेत्र हे प्रत्येक कार उत्पादक कंपनीसाठी एक मोठे मार्केटआहे. म्हणून ते भारतीय ग्राहकांना आकर्षित करण्यासाठी नवनवीन कार्स मार्केटमध्ये लाँच करत असतात. भारतीय ऑटोमोबाईल क्षेत्रात स्वदेशी कंपनीज सोबतच अनेक विदेशी कंपनीज सुद्धा पाहायला मिळतात. यातच आता चिनी ऑटो कंपनी बीवायडीने सुद्धा एंट्री घेतलेली आहे.
या कंपनीने नुकतेच आपली BYD eMax 7 ही इलेक्ट्रिक MPV लाँच केली आहे. ही MPV केवळ खूप शक्तिशाली दिसत नाही तर ती 530 किमीची दमदार रेंज देखील देते. या कारमध्ये बसवलेला बॅटरी पॅक पूर्णपणे सुरक्षित असल्याचे सांगितले जात आहे. वास्तविक, या कारच्या बॅटरीमध्ये अशा तंत्रज्ञानाचा वापर करण्यात आला आहे, ज्यामुळे कोणत्याही प्रकारचे नुकसान झाल्यानंतरही बॅटरीचा स्फोट होत नाही.
हे देखील वाचा: ‘या’ बाईकच्या किंमतीत येईल Maruti Alto K10, तरीही हातात राहील पैसे,
ही MPV प्रीमियम आणि सुपीरियर या दोन व्हेरियंटमध्ये लाँच करण्यात आली आहे, ज्याची किंमत रु. 26.90 लाख (एक्स-शोरूम) पासून सुरू होते. BYD eMax 7 e6 चे रिप्लेसमेंट म्हणून लाँच केले आहे. ईमॅक्स 7 मध्ये मध्यभागी सिल्व्हर इन्सर्ट आणि पुन्हा डिझाईन केलेला फ्रंट बंपर आहे. तर मागील बाजूस एलईडी लाईट बारला जोडलेल्या स्लिम एलईडी टेललाइट्स आहेत. यामध्ये ग्राहकांना 17 इंचचे अलॉय व्हील्स मिळतात.
BYD च्या eMAX 7 मध्ये वापरलेल्या तंत्रज्ञानाला ब्लेड बॅटरी तंत्रज्ञान म्हणतात. या तंत्रज्ञानाचा वापर करून, बॅटरीला डॅमेज प्रूफ बनवण्यात आले आहे जेणेकरुन तिला आग लागणार नाही किंवा तिचा कोणत्याही प्रकारे स्फोट होणार नाही.
हे देखील वाचा: Ratan Tata आहेत कित्येक लक्झरी कार्सचे मालक, ‘या’ दोन कार्सवर होते त्याचे विशेष प्रेम
या कारच्या इंटिरिअरबद्दल बोलायचे झाले तर ते आउटगोइंग e6 सारखे दिसते. eMax 7 मध्ये 12.8-इंच सेंट्रल टचस्क्रीन, 3-स्पोक स्टीयरिंग व्हील, दोन वायरलेस चार्जिंग पॅड, 6 एअरबॅग आणि 360-डिग्री कॅमेरा आहे. सुपीरियर व्हेरियंटला लेव्हल 2 ADAS, एक निश्चित पॅनोरामिक काचेचे छप्पर, पॉवर आणि हवेशीर फ्रंट सीट्स, फ्रेमलेस वायपर आणि रूफ रेल मिळते.
प्रीमियम 6S – रु. 26.90 लाख
प्रीमियम 7S – रु. 27.50 लाख
सुपीरियर 6S – रु 29.30 लाख
सुपीरियर 7S – रु 29.90 लाख
लक्षात ठेवा, वरील किंमती तुमच्या जवळील शोरूमनुसार बदलू शकतात.
