भारतात येणार KTMच्या ३ दमदार ट्विन-सिलेंडर बाईक्स! पाहा कोणत्या आहेत आगामी मोटरसायकल्स

KTM भारतात ४९०cc twin-cylinder इंजिनसह तीन दमदार बाईक्स आणण्याच्या तयारीत आहे. 490 Adventure, 490 Duke आणि RC 490 या तिन्ही मॉडेल्समुळे मिडलवेट बाइक सेगमेंटमध्ये स्पर्धा आणखी रंगणार आहे; पण यापैकी सर्वात आधी कोणती बाईक रस्त्यावर दिसणार? पाहूयात.

• KTM 490 Adventure मध्ये २१-१७ इंच व्हील्स आणि लाँग-ट्रॅव्हल सस्पेन्शन मिळण्याची शक्यता आहे.
• KTM 490 Duke मध्ये क्विकशिफ्टर, क्रूझ कंट्रोल आणि ट्रॅक्शन कंट्रोलसारखे प्रीमियम फीचर्स मिळू शकतात.
• RC 490 मध्ये ४९०cc twin-cylinder इंजिनसह फुल्ली-फेअर्ड स्पोर्टी डिझाइन मिळण्याची शक्यता आहे.

युरोपियन दुचाकी ब्रँड ‘KTM’ (ज्याचा मालकी हक्क बजाज ऑटोकडे आहे) भारतीय मार्केटसाठी एका नवीन मिडलवेट मोटरसायकल श्रेणीवर काम करत आहे. ही संपूर्ण सिरीज नवीन ४९०cc twin-cylinder इंजिनसह बाजारात आणली जाईल. या सेगमेंटमध्ये 490 Adventure, 490 Duke आणि RC 490 या तीन प्रमुख मॉडेल्सचा समावेश असेल. ही सर्व मॉडेल्स समांतर-ट्विन इंजिनवर चालतील, जे बजाज ऑटोच्या सहकार्याने विकसित केले जात आहे.

१. KTM 490 Adventure

490 Adventure हे मॉडेल सर्वात आधी बाजारात येण्याची शक्यता आहे, कारण टेस्टिंग दरम्यान याचे प्रोटोटाइप अनेकदा कॅमेऱ्यात कैद झाले आहे. मिळालेल्या फोटोंनुसार, या बाईकचे काम अंतिम टप्प्यात असून २०२७ च्या मध्यापर्यंत ही विक्रीसाठी उपलब्ध होऊ शकते.

डिझाइन व वैशिष्ट्ये: यामध्ये मोठी फ्युल टाकी, उंच विंडस्क्रीन, सरळ बसण्याची रचना आणि ड्युअल-पर्पज टायर्स मिळतील.

हार्डवेअर: या ॲडव्हेंचर बाईकमध्ये पुढे २१-इंच आणि मागे १७-इंच व्हील सेटअप मिळण्याची शक्यता आहे. सस्पेन्शनसाठी WP-sourced लाँग-ट्रॅव्हल USD फ्रंट फोर्क्स आणि मागच्या बाजूला मोनोशॉक युनिट दिले जाईल. ब्रेकिंगसाठी दोन्ही चाकांना डिस्क्स आणि स्विचेबल ड्युअल-चॅनेल ABS (ऑफ-रोडिंगसाठी) देण्यात येईल.

Bajaj Auto: बजाज प्रेमींसाठी मोठी बातमी! या वर्षीच्या ख्रिसमसला बजाज लाँच करणार आपली पहिली अ‍ॅडव्हेंचर बाईक

२. KTM 490 Duke

KTM 490 Duke हे ड्युक्स मालिकेतील इतर बाईक्सप्रमाणेच एक नेकेड स्ट्रीटफायटर मॉडेल असेल. परदेशात टेस्टिंग दरम्यान आढळलेल्या फोटोंनुसार, ही बाईक सध्याच्या Duke 390 पेक्षा आकाराने मोठी असेल.

डिझाइन व वैशिष्ट्ये: यात सिग्नेचर LED हेडलाइट युनिट, इंटिग्रेटेड ब्लिंकर्ससह नवीन LED टेल-लॅम्प क्लस्टर आणि साईड-स्वीप्ट एक्झॉस्ट पाईप मिळेल.

फीचर्स: या बाईकमध्ये TFT इन्स्ट्रुमेंट क्लस्टर, रायडिंग मोड्स, स्विचेबल ट्रॅक्शन कंट्रोल, ब्लूटूथ कनेक्टिव्हिटी, क्रूझ कंट्रोल, क्विकशिफ्टर, टर्न-बाय-टर्न नॅव्हिगेशन, कॉर्नरिंग ABS आणि लाँच कंट्रोल यांसारखे प्रीमियम फीचर्स मिळतील.

पॉवर: नवीन parallel-twin इंजिन ५० ते ६० bhp च्या आसपास पॉवर निर्माण करू शकते.

बाईक प्रेमींसाठी खूशखबर! व्ह्यूअर्स चॉईस अवॉर्ड विजेत्या Jawa 42 FJ चे नवीन ऑल स्टार्स रूप लाँच; 6 रंगांत उपलब्ध

३. KTM RC 490

KTM ने ऑफीशली कन्फर्म केले आहे की RC 490 आणि त्याहून मोठी RC 790 या दोन्ही स्पोर्ट्सबाईक्स सध्या विकासाच्या टप्प्यात आहेत.

वैशिष्ट्ये: चाचणीदरम्यान दिसलेल्या फोटोंनुसार या फुल्ली-फेअर्ड स्पोर्ट्सबाईकमध्ये LED प्रोजेक्ट हेडलॅम्प, अलॉय व्हील्स, LED DRLs, मोठे फ्रंट डिस्क ब्रेक्स आणि USD फ्रंट सस्पेन्शन यांसारखे घटक असतील.

इंजिन: यामध्ये देखील 490 Duke आणि 490 Adventure मधील समान ४९०cc इंजिन वापरले जाईल.