Maruti Brezza Vs Nissan Magnite: कोणत्या कारमध्ये किती दम? जाणून घ्या फीचर्स, इंजिन आणि किंमत?

एसयूव्ही सेगमेंटमध्ये Maruti Brezza आणि Nissan Magnite ला चांगली मागणी मिळतेय. मात्र, या दोन्ही एसयूव्हींमध्ये बेस्ट कोण? चला जाणून घेऊयात.

• भारतात एसयूव्ही सेगमेंटला चांगली मागणी
• या सेगमेंटमध्ये Maruti Brezza आणि Nissan Magnite ला दमदार मागणी
• जाणून घ्या दोन्ही कार्सचे फीचर्स, किंमत आणि इंजिनबद्दलची माहिती

भारतीय बाजारात SUV सेगमेंटमध्ये अनेक उत्तम कार ऑफर होत असतात. ग्राहक देखील जास्तकरून SUVs ला उत्तम प्रतिसाद देतात. या सेगमेंटमध्ये Maruti Brezza आणि Nissan Magnite ला देखील चांगली मागणी आहे. अशातच आज आपण या दोन्ही कारच्या फीचर्स, किंमत आणि इंजिनबद्दल माहिती जाणून घेऊयात.

इंजिन

मारुती ब्रेझामध्ये 1.5-लिटर K15C स्मार्ट हायब्रिड इंजिन आहे, जे 103.1 पीएस पॉवर आणि 136.8 एनएम टॉर्क निर्माण करते. यात 48-लिटर इंधन टाकी आहे. ही एसयूव्ही मॅन्युअल ट्रान्समिशनसह प्रति लिटर 19.89 किलोमीटरपर्यंत प्रवास करू शकते. ऑटोमॅटिक ट्रान्समिशनसह, ही एसयूव्ही 19.80 किलोमीटर मायलेज देते.

212 किमी रेंजची हमी आणि किंमत 1.5 लाखांपेक्षा कमी ! TVS iQube Hybrid ची बातच न्यारी, स्मार्ट फीचर्स पाहून तुम्हीही व्हाल फॅन

निसानची मॅग्नाइट एसयूव्ही 1-लिटर नॅचरली एस्पिरेटेड आणि टर्बोचार्ज्ड इंजिनद्वारे समर्थित आहे, जे अनुक्रमे 72 आणि 100 पीएस पॉवर आणि 96 आणि 160 एनएम टॉर्क निर्माण करते. एसयूव्हीसाठी ट्रान्समिशन पर्यायांमध्ये 5-स्पीड मॅन्युअल, 5-स्पीड एएमटी आणि सीव्हीटी समाविष्ट आहेत.

फीचर्स

Maruti Brezza मध्ये इलेक्ट्रिक सनरूफ, हेड-अप डिस्प्ले, 360 डिग्री कॅमेरा, 9 इंच Smart Play Pro+ इन्फोटेनमेंट सिस्टम, की-लेस एंट्री, रिअर AC व्हेंट्स, प्रोजेक्टर हेडलॅम्प्स, शार्क फिन अँटेना तसेच गिअर शिफ्ट इंडिकेटरसारखे प्रीमियम फीचर्स देण्यात आले आहेत.

दुसरीकडे, Nissan Magnite मध्ये देखील अनेक आधुनिक फीचर्स मिळतात. यामध्ये की-लेस एंट्री, LED टेल लॅम्प्स, 16 इंच अलॉय व्हील्स, रूफ रेल्स, LED टर्न इंडिकेटर्स, 17.78 सेमी कंट्रोल स्क्रीन, क्रूझ कंट्रोल, अॅम्बियंट लाईटिंग, Android Auto, Apple CarPlay, PM 2.5 फिल्टर, 8 इंच इन्फोटेनमेंट सिस्टम आणि ऑटो डिमिंग IRVM यांचा समावेश आहे.

आईशपथ! ‘या’ कारवर अचानक विमान कोसळलं, तरीही ड्रायव्हर बचावला, व्हिडिओ पाहून तुम्हालाही धडकी भरेल

किंमत

Maruti Brezza ची सुरुवातीची एक्स-शोरूम किंमत 8.26 लाख रुपये असून, टॉप व्हेरिएंटची एक्स-शोरूम किंमत 13.01 लाख रुपये आहे. तर Nissan Magnite SUV ची सुरुवातीची एक्स-शोरूम किंमत 5.61 लाख रुपये आहे, तर टॉप व्हेरिएंटची एक्स-शोरूम किंमत 8.48 लाख रुपये इतकी आहे.