कार मार्केटमध्ये पकड अधिक मजबूत करण्यासाठी मारुती सुझुकी एका नवीन आणि परवडणाऱ्या इलेक्ट्रिक कारवर काम करत आहे. ‘फॉर्च्यून इंडिया’च्या वृत्तानुसार, टाटा टियागो इव्हीला थेट टक्कर देण्यासाठी मारुती ही नवीन ईव्ही १० लाख रुपयांपेक्षा कमी किंमतीत लाँच करण्याच्या तयारीत आहे. नुकत्याच लाँच झालेल्या ‘ई-व्हिटारा’ नंतर ही कंपनीची दुसरी इलेक्ट्रिक कार असेल.
परवडणाऱ्या मारुती ईव्हीचे डिझाइन आणि अपेक्षित किंमत
खास ईव्ही प्लॅटफॉर्म: ही नवीन कार कोणत्याही जुन्या पेट्रोल/डिझेल कारचे ईव्ही व्हर्जन नसून, ती पूर्णपणे नवीन डेडिकेटेड ईव्ही प्लॅटफॉर्मवर तयार केली जात आहे. यामुळे बॅटरीचे नियोजन आणि केबिनमधील जागा अधिक उत्तम मिळेल.
किंमत: भारतीय बाजारात या कारची एक्स-शोरूम किंमत ८.५ लाख ते १०.५ लाख रुपयांच्या दरम्यान असण्याची शक्यता आहे.
ड्रायव्हिंग रेंज: रोजच्या शहरातील वापराचा विचार करून या कारची रेंज एका चार्जमध्ये २५० ते ३१५ किलोमीटरच्या दरम्यान ठेवली जाऊ शकते.
‘अरेना’ नेटवर्कवरून विक्री: ही बजेट ईव्ही प्रीमियम ‘नेक्सा’ ऐवजी मारुती सुझुकीच्या ‘अरेना’ शोरूम्सद्वारे विकली जाईल, ज्यामुळे ती सर्वसामान्यांपर्यंत सहज पोहोचू शकेल.
सुझुकी ‘ई-स्कायची’ झलक
जागतिक बाजारात सुझुकीने नुकतीच दाखवलेली ‘ई-स्काय’ ही लहान ईव्ही मारुतीच्या या नव्या कारचा पाया असू शकते. ई-स्कायमध्ये २६ kWh ची बॅटरी देण्यात आली असून ती ३१० किमीपर्यंतची रेंज देते. ही कार देखील भारतातच तयार केली जाण्याची शक्यता असून ती इथून इतर देशांत निर्यात केली जाईल.
टाटा मोटर्सच्या या वर्चस्वाला आव्हान देण्यासाठी मारुती सुझुकीची ही परवडणारी इलेक्ट्रिक कार बाजारात मोठा गेमचेंजर ठरू शकते.
.png "Videos"){kind=small}
