गाडी सर्व्हिसिंगसाठी गॅरेजला जाण्याची कटकट संपली! Maruti ने लाँच केली ‘QuickStop’ सेवा, एका कॉलवर लोकेशनवर पोहोचणार वॅन

भारतातील सर्वात मोठी कार उत्पादक कंपनी Maruti Suzuki आपल्या ग्राहकांसाठी सोयीचा विचार करुन एक नवीन सेवा सुरु करत आहे. ज्यामुळे ग्राहकांचा मार्ग सोयीचा होणार आहे. ही सेवा म्हणजे 'QuickStop' होय.

• Maruti Suzuki आपल्या ग्राहकांसाठी सेवा ‘QuickStop’
• QuickStop ही सेवा एक प्रकारचं ‘चालते-फिरते सर्व्हिस सेंटर’
• कोणत्या शहरांत ही सेवा उपलब्ध?

Quickstop Mobile Service : भारतात ऑटोमोबाईल क्षेत्रातील कंपन्या आपल्या ग्राहकांसाठी विविध स्कीम आणत असतात. नुकताच भारतातील सर्वात मोठी कार उत्पादक कंपनी Maruti Suzuki आपल्या ग्राहकांसाठी सोयीचा विचार करुन एक नवीन सेवा सुरु करत आहे. ज्यामुळे ग्राहकांचा मार्ग सोयीचा होणार आहे. ही सेवा म्हणजे ‘QuickStop’ होय. आजच्या धावपळीच्या जीवनात आपल्या कारकडे आपण लक्षच देत नाही. वेळोवेळी सर्विसिंग करणं शक्य होत नाही. तारखा पुढे मागे होतात त्याचा परिणाम आपल्या कारवर होतो. हीच अडचण ओळखून कंपनीनी ही खास सेवा लाँच केली आहे. पण नेमकी काय आहे ही सेवा सविस्तर समजून घेऊयात.

QuickStop ही सेवा एक प्रकारचं ‘चालते-फिरते सर्व्हिस सेंटर’ आहे. जे तुमच्या कारच्या सर्व्हिसिंगसाठी तुम्हाल इतरत्र कुठेही जाण्याचा त्रास देत नाही. ही सर्विस स्वतः तुमच्यापर्यंत पोहोचते. याचा अर्थ असा की आता तुम्हाला लांब रांगेत उभं राहण्याची तासंतास वाट बघण्याची गरज नाही. ही सेवा पूर्णपणे सर्व्हिस ऑन डिमांड म्हणजे मागणीनुसार सेवा मिळणार आहे. ज्यांच्याकडे वेळेची कमतरता आहे, अशा लोकांसाठी ही सुविधा अत्यंत फायदेशीर ठरणार आहे.

फक्त 3 मिनिटांत रिक्षाच बनेल स्कूटर! Hero कंपनीचं भन्नाट ‘इनोव्हेशन’; सरकारनेही दिला हिरवा सिग्नल

कोणत्या शहरांत ही सेवा उपलब्ध?

Maruti Suzuki ने ही QuickStop सेवा सध्या पायलट प्रोजेक्टवर काही मोठ्या शहरांमध्ये सुरू केली आहे. यामध्ये दिल्ली-एनसीआर, कोलकाता, सुरत, चेन्नई, हैदराबाद, बेंगळुरू, बागडोगरा आणि कालिकत या शहरांचा समावेश आहे. कंपनीने या शहरांमध्ये सुमारे १० QuickStop युनिट्स आणले आहेत. ही सेवा एका लहान आणि खास डिझाइन केलेल्या कंटेनरमध्ये तयार करण्यात आली आहे.ज्यात सर्व आवश्यक उपकरणं यातच मिळणार आहेत. त्यामुळे ही ग्राहकांसाठी सोयीस्कर अशी सेवा आहे. ग्राहकांना स्पेशल वेळ काढण्याची गरज नाही. सकाळी ऑफिसला जात असताना आपली कार या युनिट्सवर सोडून जाऊ शकतात आणि संध्याकाळी काम संपल्यानंतर सर्व्हिसिंग केलेली कार परत घेऊ शकतात. यामुळे वेळेची मोठी बचत होते आणि कामही लवकर होतं. त्यासाठी अगोदर लागत होता तो स्पेशल वेळ काढण्याची गरज लागणार नाही.

कुठे मिळू शकते QuickStop सेवा?

QuickStop सेवा अशा ठिकाणी उपलब्ध करून दिली जात आहे जिथे वाहनांची मोठ्या प्रमाणावर वर्दळ आहे. उदाहरणार्थ, कॉर्पोरेट ऑफिस, एअरपोर्ट आणि मोठे फ्लीट हब म्हणजे जिथे अनेक गाड्या एकत्र असतात अशा ठिकाणी ही सर्व्हिस मिळणार आहे. या सर्व्हिस व्हॅनमध्ये सर्व आवश्यक टूल्स आणि मशीनरी बसवलेली असते, ज्यामुळे जागेवरच कारची सर्व्हिसिंग करणं सोप होतं. विशेष म्हणजे मारुतीचे डीलर पार्टनर्स हे ‘QuickStop’ चालवतात आणि जागेची व्यवस्था संबंधित कॉर्पोरेटकडून केली जाते.

QuickStop चा नेमका फायदा काय?

QuickStop सेवेचा सर्वात मोठा फायदा म्हणजे वेळेची बचत हा आहे. याशिवाय या सेवेमुळे कारची नियमित देखभाल करणं, छोटी-मोठी दुरुस्तीची कामे करणं या सगळ्या गोष्टी अत्यंत कमी वेळेत आणि अगदी सहज पूर्ण होऊ शकतं. या सगळ्या सेवेबाबत मारुती सुझुकीचे सीईओ हिसाशी ताकेउची यांनी स्पष्ट केलं की, कार सर्व्हिसिंग ही प्रक्रिया लोकांच्या दैनंदिन जीवनातील एक सोपा भाग बनवणं हे कंपनीचे मुख्य उद्दिष्ट आहे. त्यामुळे ग्राहकांचा विचार करुन ही सेवा मार्केटमध्ये आणली आहे.

जर कधी अचानक CNG Car चा पिकअप ढासळलाच तर सर्वात पहिले ‘हा’ पार्ट चेक करा, अन्यथा…