ओलाची नवी S1Z स्कूटर लाँच! ७९,९९९ रुपयांपासून सुरू होणाऱ्या किंमतीत इन-हाउस LFP बॅटरीचे तंत्रज्ञान

ओला इलेक्ट्रिकच्या नवीन S1Z स्कूटरने स्वदेशी इन-हाउस LFP बॅटरीच्या जोरावर बाजारात खळबळ उडवली असून, ही कमी किमतीची ई-स्कूटर नेमकी काय कमाल दाखवणार? पाहूयात.

• ओला इलेक्ट्रिकने आपली नवीन S1Z इलेक्ट्रिक स्कूटर इन-हाउस विकसित केलेल्या LFP बॅटरी तंत्रज्ञानासह भारतीय बाजारात अधिकृतपणे लाँच केली आहे.
• ही स्कूटर ३.१ kWh (रेंज १७९ किमी) आणि ५.१ kWh (रेंज ३०१ किमी) या दोन व्हेरियंट पर्यायांमध्ये ग्राहकांसाठी उपलब्ध करून देण्यात आली आहे.
• या नवीन इलेक्ट्रिक स्कूटरची सुरुवातीची किंमत ७९,९९९ रुपयांपासून ९९,९९९ रुपयांपर्यंत (एक्स-शोरूम) ठेवण्यात आली असून याद्वारे कंपनीची स्पर्धकांशी गाठ पडेल.

ओला इलेक्ट्रिकनेआपली नवीन S1Z इलेक्ट्रिक स्कूटर भारतीय बाजारात लाँच केली आहे. कंपनीच्या इन-हाउस (स्वयं-विकसित) बॅटरी सेलवर चालणारे हे पहिले उत्पादन आहे. ही स्कूटर दोन व्हेरियंटमध्ये उपलब्ध करण्यात आली आहे: ३.१ kWh व्हेरियंटची किंमत ७९,९९९ रुपये आणि ५.१ kWh व्हेरियंटची किंमत ९९,९९९ रुपये (एक्स-शोरूम) आहे.

स्वदेशी LFP बॅटरी आणि रेंज

S1Z मध्ये वापरण्यात आलेले सेल हे ओलाच्या ‘भारत सेल’ प्लॅटफॉर्मचा भाग आहेत. बंगळुरू येथील बॅटरी इनोव्हेशन सेंटरमध्ये विकसित केलेली आणि तामिळनाडूमधील गिगाफॅक्टरीत तयार केलेली ही ४६-सिरीज लिथियम आयर्न फॉस्फेट (LFP) केमेस्ट्री आहे. LFP बॅटरी तिच्या जास्त थर्मल स्टेबिलिटी आणि दीर्घ आयुष्यासाठी ओळखली जाते.

• ३.१ kWh व्हेरियंटची IDC नुसार रेंज १७९ किमी आहे.
• ५.१ kWh व्हेरियंटची रेंज तब्बल ३०१ किमी पर्यंत असल्याचा दावा करण्यात आला आहे.

अ‍ॅक्टिव्हाला टक्कर देण्यासाठी आली नवीन ‘टीव्हीएस ज्युपिटर ड्युअल-टोन स्पेक्ट्रल’, किंमत फक्त ८९,८२५ रुपये!

किंमत कमी ठेवण्यामागचे कारण

इलेक्ट्रिक वाहनांच्या किंमतीत बॅटरीचा खर्च हा ३५ ते ४५ टक्क्यांपर्यंत असतो. बाहेरून (प्रामुख्याने चीनमधून) सेल आयात करण्याऐवजी ओलाने त्यांचे स्वतःच्या देशात उत्पादन केल्यामुळे खर्च कमी झाला आहे, ज्याचा फायदा कंपनी ग्राहकांना देत आहे.

वैशिष्ट्ये आणि रंग

ही स्कूटर ओलाच्या MoveOS 5 सॉफ्टवेअरवर चालते. यामध्ये क्रूझ कंट्रोल, रिजनरेटिव्ह ब्रेकिंग, रिव्हर्स मोड, जीपीएस नेव्हिगेशन आणि ओव्हर-द-ऐर (OTA) अपडेट्स मिळतात. तसेच ‘इझी पार्क’ फीचरमुळे अरुंद जागेत स्कूटर चालवणे सोपे होते. ग्राहकांसाठी ही स्कूटर पांढरी, अँथ्रासाइट, स्काय स्प्लॅश ब्लू आणि माचा ग्रीन या चार रंगांमध्ये उपलब्ध आहे.

TVS ठरली भारतातील नंबर वन इलेक्ट्रिक दुचाकी ब्रँड; ओला इलेक्ट्रिकलाही टाकले मागे!

डिलिव्हरी आणि विक्री धोरण

• ३.१ kWh व्हेरियंटची डिलिव्हरी: डिसेंबर २०२६ पासून सुरू होईल.
• ५.१ kWh व्हेरियंटची डिलिव्हरी: मार्च २०२७ मध्ये सुरू होईल.

या लाँचिंगसह ओलाने आपल्या विक्री धोरणात मोठा बदल केला असून, S1Z ही पहिली अशी मॉडेल आहे जी कंपनी-मालकीच्या दुकानांऐवजी डीलर-संचालित स्टोअर्सद्वारे विकली जाईल. यामुळे लहान शहरांमध्येही ओलाची पोहोच वाढणार आहे. आता टीव्हीएस, बजाज आणि एथर सारख्या कंपन्यांशी ओलाची कशी स्पर्धा होते, हे पाहणे महत्त्वाचे ठरणार आहे.