शनिवार, 3 ऑक्टोबर 2026
फोटो सौजन्य सोशल मीडिया
या गुंतवणुकीचा मुख्य भर इलेक्ट्रिक वाहनांच्या निर्मितीला वेग देणे आणि ग्राहकांना अधिक परवडणाऱ्या किमतीत गाड्या उपलब्ध करून देण्यावर असेल . वाढती EV मागणी , चीनमधील वाहन कंपन्यांकडून वाढणारी स्पर्धा आणि युरोपातील वाहन उद्योगातील बदलांच्या पार्श्वभूमीवर रेनॉल्टचा हा निर्णय महत्वाचा मानला जात आहे .
रेनॉल्ट आपल्या फ्रान्समधील उत्पादन व्यवस्थेत इलेक्ट्रिक वाहनांना अधिक महत्व देणार आहे . कंपनीच्या नव्या धोरणांनुसार युरोपमध्ये इलेक्ट्रीफायीड वाहनांची संख्या वाढवण्यावर भर दिला जात आहे . रेनॉल्टने २०३० पर्यंत मोठ्या प्रमाणावर नवीन मॉडेल्स बाजारात आणण्याची योजना आखली असून त्यामध्ये इलेक्ट्रिक वाहनांचा मोठा वाटा असेल . कंपनीच्या मते , उत्पादन खर्च कमी करण्याबरोबरच नवीन तंत्रज्ञानाचा वापर करून EV अधिक ग्राहकांच्या आवाक्यात आणण्याचा प्रयत्न केला जाणार आहे .
EV क्षेत्रात सर्वात मोठे आव्हान गाडीची किंमत हे आहे . त्यामुळे रेनॉल्टच्या नव्या गुंतवणुकीचा एक महत्वाचा भाग परवडणाऱ्या वाहनांच्या विकासासाठी वापरला जाणार आहे . कंपनीची बजेट ब्रँड Dacia देखील कमी किमतीच्या इलेक्ट्रिक वाहनांवर लक्ष केंद्रित करत आहे .
युरोप मध्ये चीनमधून आयात होणाऱ्या स्वस्त EV सोबत स्पर्धा करण्यासाठी स्थानिक पातळीवर उत्पादन वाढवण्याचा रेनॉल्ट चा प्रयत्न आहे . Dacia Springs या इलेक्ट्रिक कारचे युरोपातील उत्पादन चीनऐवजी स्लोव्हेनियात करण्याची योजना याच दिशेने महत्वाची पायरी आहे . असे स्पष्ट होत आहे .
World News : सीमेवर दोन पाकिस्तानी नागरिक ठार; भारताच्या राजनैतिक अधिकाऱ्याला पाकिस्तानने बोलावले
रेनॉल्टच्या मते , कंपनीने मागील पाच वर्षात फ्रान्समध्ये सुमारे १३ अब्ज युरो गुंतवणूक केली आहे . आता पुढील पाच वर्षासाठी आणखी १० अब्ज युरोपेक्षा जास्त गुंतवणुकीची तयारी करण्यात आली आहे . कंपनी २०२६ मध्ये फ्रान्समध्ये सुमारे ६.२५ लाख वाहनांचे उत्पादन करण्याची अपेक्षा करत आहे .
जे मागील वर्षाच्या तुलनेत सुमारे २५ टक्के अधिक आहे . या वाढीत इलेक्ट्रिक वाहनांचा मोठा वाटा राहणार आहे . त्यामुळे रेनॉल्टच्या निर्णयामुळे फ्रान्समधील वाहन उत्पादन , रोजगार आणि EV तंत्रज्ञानाच्या विकासाला चालना मिळण्याची शक्यता आहे .
