Mahindra XEV 9S Achieves Five Star Safety Rating (फोटो सौजन्य-AI एआय)
Mahindra & Mahindra ची नवीन इलेक्ट्रिक SUV Mahindra XEV 9S ने Bharat NCAP (BNCAP) क्रॅश टेस्टमध्ये 5-स्टार सेफ्टी रेटिंग मिळवले आहे. या Mahindra XEV 9S ने प्रौढ प्रवासी सुरक्षा चाचणीत 32 पैकी 31.15 गुण, तर लहान मुलांच्या सुरक्षेसाठी झालेल्या टेस्टमध्ये 49 पैकी 45 गुण मिळवले आहेत. विशेष म्हणजे हे मार्क कारच्या सर्व व्हेरिएंटसाठी लागू आहेत. त्यामुळे Mahindra XEV 9S Safety Rating ही या इलेक्ट्रिक SUV ची मोठी जमेची बाजू ठरली आहे.
प्रौढ प्रवाशांच्या सुरक्षेत 31.15 गुण
BNCAP च्या फ्रंटल ऑफसेट डिफॉर्मेबल बॅरियर टेस्टमध्ये महिंद्रा XEV 9S ने ड्रायव्हरच्या डोके, मान, छाती, पेल्विस, मांड्या, पाय आणि गुडघ्यांना चांगली सेफ्टी दिले. सहप्रवाशाच्या सुरक्षेच्या बाबतीतही बऱ्याचश पार्टसना चांगले संरक्षण मिळाले, तर छातीच्या भागाला समाधानकारक सेफ्टी मिळाल्याचे चाचणीत दिसून आले.
साइड मूव्हेबल डिफॉर्मेबल बॅरियर आणि साइड पोल इम्पॅक्ट टेस्टमध्येही कारने सर्व तपासलेल्या शारीरिक भागांना चांगले संरक्षण दिले. या रिझल्ट्समुळे 7-सीटर इलेक्ट्रिक SUV खरेदीचा विचार करणाऱ्या कस्टमर्ससाठी XEV 9S एक सुरक्षित ऑप्शन ठरू शकते.
लहान मुलांच्या सुरक्षेतही चांगले गुण
चाइल्ड ऑक्युपंट प्रोटेक्शन चाचणीत XEV 9S ने 49 पैकी 45 गुण मिळवले. डायनॅमिक टेस्टमध्ये 24 पैकी 24 आणि चाइल्ड रेस्ट्रेंट सिस्टम (CRS) इन्स्टॉलेशन टेस्टमध्ये 12 पैकी 12 गुण मिळाले. व्हेईकल असेसमेंटमध्ये 13 पैकी 9 गुण मिळाले.
18 महिन्यांच्या आणि 3 वर्षांच्या मुलांच्या डमीसह करण्यात आलेल्या फ्रंटल आणि साइड क्रॅश टेस्टमध्ये कारने पूर्ण मार्क्स मिळवले. त्यामुळे लहान मुलांसाठी असलेल्या सुरक्षेच्या दृष्टीनेही या SUV चे रिझल्ट चांगले आहेत.
महिंद्रा रेसिंगची मोठी घोषणा! फॉर्म्युला ई Gen4 सीझनसाठी M13Electro कार सादर
6 एअरबॅग्जसह ADAS सेफ्टी फीचर्स
महिंद्रा XEV 9S मध्ये स्टँडर्ड स्वरूपात 6 एअरबॅग्ज, टायर प्रेशर मॉनिटरिंग सिस्टम, ISOFIX चाइल्ड सीट माउंट्स आणि ESP मिळते. Pack Three आणि Pack Three Above व्हेरिएंटमध्ये 7 एअरबॅग्ज देण्यात आल्या आहेत.
टॉप व्हेरिएंटमध्ये ADAS फीचर्ससुद्धा मिळतात. यात ऑटोमॅटिक इमर्जन्सी ब्रेकिंग, लेन कीप असिस्ट, अॅडॅप्टिव्ह क्रूझ कंट्रोल, ट्रॅफिक साइन रिकग्निशन आणि ऑटोनॉमस इमर्जन्सी स्टीअरिंगचा समावेश आहे. XEV 9S ची एक्स-शोरूम किंमत ₹21.40 लाख ते ₹30.90 लाख आहे. या सेफ्टी रेटिंगमुळे इलेक्ट्रिक SUV मार्केटमध्ये महिंद्राची स्टेट आणखी मजबूत होण्यास मदत होऊ शकते.
Ans: महिंद्रा XEV 9S ने Bharat NCAP क्रॅश टेस्टमध्ये 5-स्टार सेफ्टी रेटिंग मिळवले आहे. प्रौढ प्रवासी सुरक्षेत 31.15/32 आणि लहान मुलांच्या सुरक्षेत 45/49 गुण मिळाले आहेत.
Ans: या इलेक्ट्रिक SUV मध्ये स्टँडर्ड स्वरूपात 6 एअरबॅग्ज मिळतात. Pack Three आणि Pack Three Above व्हेरिएंटमध्ये 7 एअरबॅग्ज देण्यात आल्या आहेत.
Ans: महिंद्रा XEV 9S ची एक्स-शोरूम किंमत ₹21.40 लाखांपासून सुरू होते आणि टॉप व्हेरिएंटसाठी ₹30.90 लाखांपर्यंत जाते.






