इंग्लंडविरुद्ध टीम इंडियाची घोषणा (फोटो -ट्विटर)
इंग्लंडविरुद्ध अंडर-19 भारतीय संघाचे नेतृत्व भाविका अहिरे करणार आहे. तर तर अनादी तगडे उपकर्णधार म्हणून जबाबदारी पाहणार आहे. ही 5 सामन्यांची सिरीज गुजरातमध्ये होणार आहे. 2027 च्या वर्ल्डकपच्या दृष्टीने ही सिरीज महत्वाची समजली जात आहे. संघ बांधणी करण्यासाठी ही सिरीज भारताला फायदेशीर ठरणार आहे.
भाविका अहिरेच्या नेतृत्वाखाली आणि अनादी तगडेच्या उपकर्णधारपदाखाली युवा भारतीय संघ इंग्लंडच्या आव्हानाला सामोरे जाण्यासाठी सज्ज झाला आहे. 26 नोव्हेंबर ते 6 डिसेंबर दरम्यान ही सिरीज होणार आहे. सुरत आणि वडोदरा येथे हे सामने होणार आहेत. पहिला सामना संध्याकाळी 6 वाजता तर दुसरा सामना दुपारी 1 वाजता सुरू होणार आहे. पहिले दोन्ही सामने वडोदराय येथेच खेळवले जाणार आहे.
जानेवारी २०२७ मध्ये आयसीसी अंडर-१९ महिला टी-२० वर्ल्डकप होणार आहे. त्यादृष्टीने भारतीय संघासाठी ही सिरीज महत्वाची समजली जात आहे. उर्वरित तीन टी २० सामने हे सुरतमध्ये खेळवले जाणार आहेत. सुरत येथे होणाऱ्या सामन्यांपैकी तिसरा टी २० सामना संध्याकाळी ६ वाजता, चौथा सामना देखील त्याच वेळेत होणार आहे. तर शेवटचा सामना ६ डिसेंबर रोजी दुपारी १ व वाजता खेळवला जाणार आहे.
🚨 News 🚨 India U19 squad announced for T20 series at home against England U19 Details 🔽 https://t.co/OwS62ybqW6 — BCCI Women (@BCCIWomen) November 21, 2026
इंग्लंडविरुद्ध होणाऱ्या आगामी टी-२० मालिकेपूर्वी भारतीय अंडर-१९ महिला संघाने बंगळुरू येथील टी २० सिरीजमध्ये आपली ताकद दाखवून दिली आहे. भारत अ आणि भारत ब असे दोन संघ तयार करण्यात आले होते. दोन्ही भारतीय संघांनी तीन विजय प्राप्त केले होते. त्यामुळे सध्या टीम इंडिया चांगल्या फॉर्ममध्ये आहे. त्यामुळे इंग्लंडविरुद्ध सिरीज जिंकण्याची शक्यता जास्त असल्याचे म्हटले जात आहे.
भारतीय अंडर-१९ संघ: भाविका अहिरे (कर्णधार, यष्टिरक्षक), इरा जाधव, निधी महतो, पूर्वा सिवाच, महक नरवासे, मैत्री मनियार, ईश्वरी अवसरे, दिया यादव, श्रेया एस. चव्हाण, समायरा राघव, कुमारी पलक, उमा काशवी, अक्साह परमार, अनादी तगडे (उपकर्णधार) आणि पलक सिंग.
Ans: इंग्लंडविरुद्धच्या पाच सामन्यांच्या टी-20 मालिकेत भारतीय अंडर-19 महिला संघाचे नेतृत्व भाविका अहिरे करणार आहे.
Ans: भारत आणि इंग्लंड यांच्यातील पाच सामन्यांची अंडर-19 महिला टी-20 मालिका 26 नोव्हेंबर ते 6 डिसेंबर 2026 या कालावधीत गुजरातमध्ये होणार आहे.






