Safe Driving Tips :- धुक्यात वाहन चालवताना कशी काळजी घ्याल- सुरक्षा टिप्स जाणून घ्या !

धुक्यात वाहन चालवताना सुरक्षितता राखण्यासाठी घ्यावयाच्या महत्त्वाच्या उपायांची माहिती येथे जाणून घ्या. गाडीचा वेग नियंत्रणात ठेवणे, येलो लाईट आणि फॉग लाईटचा वापर.उपयुक्त टिप्ससह धुक्यात सुरक्षित ड्रायव्हिंगचे मार्गदर्शन.

 

• धुक्यात वाहन चालवताना गाडीचा वेग कमी ठेवा
• समोरच्या वाहनापासून किमान १०० मीटर अंतर ठेवा
• विनाकारण लेन बदलू नका
• येलो लाईट किंवा येलो ट्रान्सपेरेंट शीटचा वापर करा
• हाय बीमचा वापर टाळा
• फॉग लाईट्स सुरू ठेवा
• विंडशील्ड स्वच्छ ठेवा आणि डीफॉगर वापरा
• इंडिकेटर्सचा योग्य वापर करा

देशभरात थंडीची चाहूल लागली असून अनेक ठिकाणी दाट धुके पसरू लागले आहे. धुक्यामुळे हवेतल्या विजिबिलिटीमध्ये मोठ्या प्रमाणात घट होते आणि त्यामुळे वाहन चालवणे अत्यंत अवघड होते. दरवर्षी धुक्याच्या हंगामात रस्ते अपघातांची संख्या वाढते, कारण चालकांना समोरचे वाहन, रोड साईन, आणि अडथळे योग्यरीत्या दिसत नाहीत. त्यामुळे धुक्यात वाहन चालवताना विशेष काळजी घेणे गरजेचे आहे. चला तर जाणून घेऊया धुक्यात सुरक्षित ड्रायव्हिंगसाठी काही महत्त्वाच्या टिप्स.

Most Expensive Number Plate: भारतातील ‘HR88B8888’ सर्वात महाग नंबर प्लेट, किंमत वाचून तोंडात घालाल बोटं!

धुक्यात वाहन चालवताना सर्वात पहिली गोष्ट म्हणजे गाडीचा वेग नियंत्रित ठेवणे. पहाटे किंवा रात्री धुके अधिक दाट असते, ज्यामुळे समोरचा रस्ता नीट दिसत नाही. अशा वेळी वेग कमी ठेवल्यास अचानक ब्रेक लावण्याची वेळ आल्यास वाहनावरील नियंत्रण सोपे राहते. सामान्यतः समोर असलेल्या वाहनापासून किमान १०० मीटर अंतर राखणे सुरक्षित मानले जाते.

तसेच धुक्यात विनाकारण लेन बदलणे टाळावे. लेन बदलताना अचानक समोरून वाहन येण्याची शक्यता अधिक असते. विजिबिलिटी कमी असल्याने दुसऱ्या वाहनाचा वेग आणि त्याचे अंतर अचूक मोजणे कठीण जाते. त्यामुळे तुमच्या लेनमध्येच राहणे हे सुरक्षित पर्याय असते.

कार कंपन्यांना सेफ्टी फीचर्सवर द्यावे लागणार बारीक लक्ष! लवकरच येऊ शकतो BNCAP 2.0

धुक्यात गाडी चालवताना येलो लाईटचा वापर फायदेशीर ठरतो. पांढरा प्रकाश धुक्यात परावर्तित होऊन दृष्टी आडवतो, तर येलो लाईट धुक्यातील दृश्यमानता वाढवतो. जर वाहनात येलो लाईट नसतील तर हेडलाइट्सवर येलो ट्रान्सपेरेंट शीट बसवू शकता. अनेक चालक धुक्यात गाडी चालवताना हाय बीमचा वापर करतात, पण ही अत्यंत चुकीची सवय आहे. हाय बीममुळे समोरचा रस्ता अजून धूसर दिसतो.

याशिवाय, फॉग लाईट्सचा वापर, विंडशील्ड स्वच्छ ठेवणे, डीफॉगर सुरू ठेवणे, आणि इंडिकेटर्सचा योग्य वापर करणेही तितकेच महत्त्वाचे आहे. हे सर्व उपाय केल्यास धुक्यात वाहन चालवत असताना अपघाताचा धोका मोठ्या प्रमाणात कमी होतो.