सामान वाहून नेण्यासाठी खास इलेक्ट्रिक बाईक! Segway ची भन्नाट इलेक्ट्रिक कार्गो बाईक लाँच;  73 मैल रेंजसह मिळणार दमदार फीचर्स

Segway ची नवीन MUXI Pro ई-बाईक नेमकी किती खास आहे? 750W मोटर, 80 Nm टॉर्क आणि 73 मैलांपर्यंत रेंजसोबत या बाईकमध्ये ऑटो-शिफ्टिंग आणि स्मार्ट सेफ्टी फीचर्स देण्यात आले आहेत.

• Segway MUXI Pro मध्ये 750W मोटर असून 80 Nm टॉर्कसह 73 मैलांपर्यंत रेंज मिळते.
• नवीन ई-बाईकमध्ये 9-स्पीड ऑटो-शिफ्टिंग, फ्रंट सस्पेन्शन आणि टर्न इंडिकेटर्ससारखी फीचर्स देण्यात आली आहेत.
• स्मार्ट टेक्नॉलॉजीसोबत सामान वाहतुकीसाठी फ्रंट बास्केट, मिडल बास्केट आणि पॅसेंजर किटचे पर्याय आहेत.

Segway ने अमेरिकन मार्केटमध्ये MUXI Pro नावाची नवीन शॉर्ट-टेल कार्गो इलेक्ट्रिक बाईक सादर केली आहे. रोजचा प्रवास, ऑफिस कम्यूट किंवा सामानाची ने-आण यासाठी तयार करण्यात आलेल्या या ई-बाईकमध्ये जुन्या MUXI मॉडेलच्या तुलनेत अनेक नवीन फीचर्स देण्यात आले आहेत. MUXI Pro ची किंमत $1,999.99 ठेवण्यात आली असून ती सध्या अमेरिकेत उपलब्ध आहे.

नवीन फीचर्स आणि राइडिंग कम्फर्ट

या मॉडेलमध्ये 9-स्पीड इलेक्ट्रॉनिक ऑटो-शिफ्टिंग सिस्टीम, 70 mm ट्रॅव्हल असलेले फ्रंट सस्पेन्शन आणि टर्न इंडिकेटर्स देण्यात आले आहेत. याशिवाय फ्रंट आणि रिअर फेंडर्स स्टँडर्ड मिळतात. कमी स्टँडओव्हर हाइट, सरळ राइडिंग पोझिशन आणि लो सेंटर ऑफ ग्रॅव्हिटीमुळे सामानासह बाईक चालवताना स्थिरता मिळावी यावर लक्ष देण्यात आले आहे.

Triumph Bonneville 400 भारतात लवकरच होणार दाखल! क्लासिक 350 ला देणार टक्कर; पाहा हे स्पाय फोटोज

750W मोटर आणि 73 मैलांपर्यंत रेंज

Segway MUXI Pro मध्ये 750W मोटर असून ती 80 Nm टॉर्क तयार करते. Adaptive Assist आणि Algorithm 2.0 तंत्रज्ञानामुळे गरजेनुसार मोटरची मदत बदलते. चढावर जास्त पॉवर देताना अनावश्यक ऊर्जा वापर कमी करण्याचा प्रयत्न या सिस्टीमद्वारे केला जातो. कंपनीच्या माहितीनुसार एका चार्जमध्ये बाईक 73 मैलांपर्यंत रेंज देऊ शकते.

सेफ्टी आणि स्मार्ट टेक्नॉलॉजी

MUXI Pro मध्ये Hill Descent Control, Regenerative Braking, Hill-Start Assist आणि Traction Control System यांसारखी फीचर्स आहेत. यामुळे उतार, चढ आणि घसरड्या रस्त्यावर नियंत्रण राखण्यास मदत होते. Apple Find My, AirLock, Lost Mode, HD TFT डिस्प्ले, ऑटो हेडलाइट्स आणि OTA अपडेट्ससारखे स्मार्ट फीचर्सही मिळतात.

Yamaha R2 डीलरशिपमध्ये दाखल; लवकरच सुरू होणार या नव्या स्पोर्ट्सबाइकची डिलिव्हरी

सामानासोबत प्रवासासाठी उपयोगी

या ई-बाईकसोबत पॅसेंजर किट, फ्रंट बास्केट आणि मिडल बास्केटसारखे अॅक्सेसरीज पर्याय उपलब्ध आहेत. त्यामुळे रोजच्या वापरासोबत किराणा किंवा इतर वस्तू नेण्यासाठीही MUXI Pro उपयोगी ठरू शकते. सध्या तिची विक्री अमेरिकेतील Segway डीलर्स आणि अधिकृत ऑनलाइन स्टोअरमधून केली जात आहे.