Car AC वापरून सुद्धा तुम्हाला मिळेल सुसाट मायलेज! ‘या’ सोप्या स्टेप्स आणि पैश्यांची होईल बचतच बचत

उन्हाळ्यात आपण सर्वेच प्रवास करताना कारमधील AC चा वापर करत असतो. मात्र, कारचा AC वापरल्याने मायलेजवर परिणाम होत असतो. अशावेळी, काही सोप्या टिप्स वापरून तुम्ही कारचा मायलेज मेंटेन ठेवू शकतात.

• Car AC चा वापराने मायलेजवर होतो परिणाम
• कारचा एसी 1-2 नंबरवर ठेवल्याने मिळतो चांगला मायलेज
• एसीचे तापमान 24-26°क ठेवल्याने इंजिनवर येतो कमी लोड

उन्हाळा आला की अनेक जणांना AC ची हवा खावीशी वाटते. या मोसमात तुमची कार किंवा बाईक काही मिनिटांसाठी सुद्धा बाहेर उभी असली तरी ती फटाफट तापली जाते. अशा परिस्थितीत जर तुम्ही कारने फिरत असाल तर AC चालू न करता कार चालवणे जवळजवळ अशक्यच असते. मात्र, जास्त एसी वापरल्याने कारचा मायलेज कमी होण्याची सुद्धा भीती असते.

Hyundai ने ग्राहकांना दिलाय जोर का झटका! Venue च्या ‘या’ मॉडेल्सच्या किमतीत झपाट्याने वाढ

जर तुम्हाला AC वापरतानाही कारचा मायलेज चांगला राखायचा असेल, तर आज आम्ही तुम्हाला AC च्या सर्वोत्तम सेटिंगबद्दल विशेषतः एसीमधील फॅनच्या योग्य वेगाबद्दल काही महत्त्वपूर्ण माहिती देणार आहोत. या माहितीच्या मदतीने तुम्ही तुमच्या पैशांची मोठी बचत करू शकाल.

तुम्ही तुमच्या गाडीचा AC कोणत्या सेटिंगवर चालवला पाहिजे?

कारचा AC योग्य पद्धतीने वापरल्यास तुम्हाला इंधनाची चांगली बचत करणे शक्य होते. जर तुम्ही AC ‘सेटिंग क्रमांक 1’ किंवा ‘2’ वर चालवला, तर तुम्हाला कारचा सर्वोत्तम मायलेज मिळेल. या वेगाने AC चालवल्यामुळे कारचा कॅबिन प्रभावीपणे थंड होतो याचीही खात्री मिळते. पंख्याचा वेग जास्त असल्यास, ब्लोअर अधिक ऊर्जा (वीज) वापरतो; यामुळे इंजिनवर ताण वाढतो आणि परिणामी इंधनाची कार्यक्षमता आपोआप कमी होते.

Auto News: Royal Enfield Classic 350 खरेदी करण्यापूर्वी 5 गोष्टी माहीत हव्याच, पैशाचा होईल पुरेपूर वापर

कारच्या कॅबिनमधील तापमान 24°C ते 26°C च्या दरम्यान राखणे आदर्श मानले जाते. यामुळे AC प्रणालीवर अनावश्यक ताण पडणे टळते.

AC वापरण्याबाबत काही टिप्स

जर तुमची कार बराच वेळ थेट सूर्यप्रकाशात उभी असेल, तर AC ​​चालू करण्यापूर्वी 1-2 मिनिटे कारच्या काचा खाली करा. यामुळे कॅबिनमध्ये साचलेली गरम हवा बाहेर निघून जाण्यास मदत होते. याव्यतिरिक्त, तुम्ही “Recirculation Mode” चा वापर केला पाहिजे. हा मोड अत्यंत प्रभावी आहे; जेव्हा हा मोड चालू केला जातो, तेव्हा बाहेरील गरम हवा कॅबिनमध्ये प्रवेश करत नाही. याचा अर्थ असा की, कारचा आतील भाग थंड करण्यासाठी AC ला तितकी जास्त मेहनत घ्यावी लागत नाही.