दमदार फिचर्ससह Tata, Mahindra आणि Renault लवकरच लाँच करणार नवीन गाड्या (सौजन्य पिक्साबे)
महिंद्रा कंपनी त्यांच्या सर्वाधिक विकल्या जाणाऱ्या XUV700 एसयूव्हीचे फेसलिफ्ट व्हर्जन आणण्याची तयारी करत आहे. हे वाहन 2026 च्या सुरुवातीला लाँच केले जाण्याची शक्यता आहे. या फेसलिफ्ट मॉडेलमध्ये ग्राहकांना नवीन डिझाइन, अपडेटेड इंटीरियर आणि अनेक हाय-टेक फीचर्स मिळतील. मात्र, कंपनी त्याच्या इंजिन पर्यायांमध्ये बदल करण्याची शक्यता कमी आहे. सध्याच्या मॉडेलप्रमाणे, यामध्येही 2.0 लिटर पेट्रोल आणि 2.2लिटर डिझेल इंजिनचा पर्याय कायम राहील.
टाटा मोटर्स त्यांची आयकॉनिक एसयूव्ही सिएरा एका नवीन अवतारात भारतीय बाजारात लाँच करणार आहे. आर्थिक वर्षाच्या अखेरीस ती लाँच होण्याची अपेक्षा आहे. सुरुवातीला, कंपनी तिचे इलेक्ट्रिक व्हर्जन (EV) बाजारात आणेल. त्यानंतर पेट्रोल आणि डिझेल व्हेरिएंट देखील सादर केले जातील. सिएराचा हा नवीन अवतार विशेषतः अशा ग्राहकांना आकर्षित करेल, जे स्टाईल आणि टिकाऊपणा या दोन्ही गोष्टींना प्राधान्य देतात.
Electric Car ची रेंज कशी वाढवता येणार? ‘ही’ एक चूक ठरेल तुमच्यासाठी डोकेदुखी
रेनॉल्ट भारतात त्यांच्या लोकप्रिय डस्टर एसयूव्हीची नवीन पिढी सादर करण्याची योजना आखत आहे. 2026 च्या सुरुवातीला लाँच होणारी ही गाडी CMF-B+ मॉड्यूलर प्लॅटफॉर्मवर आधारित असेल. पहिल्या टप्प्यात, ही एसयूव्ही पेट्रोल इंजिनसह लाँच केली जाईल. त्यानंतर कंपनी तिची हायब्रिड आवृत्ती देखील सादर करू शकते. डिझाइन आणि कामगिरीच्या बाबतीत नवीन डस्टर जुन्या मॉडेलपेक्षा खूपच प्रगत असेल.
महिंद्रा, टाटा आणि रेनॉल्टच्या या तीन आगामी एसयूव्ही भारतीय ग्राहकांना स्टाईल, पॉवर आणि तंत्रज्ञानाचे उत्कृष्ट पॅकेज देतील. येत्या काही महिन्यांत एसयूव्ही विभागातील स्पर्धा आणखी तीव्र होईल, ज्यामुळे ग्राहकांना अधिक पर्याय आणि वैशिष्ट्यांनी भरलेल्या कार मिळतील.
.png "Videos"){kind=small}
