‘या’ मिड साइझ SUVs समोर बाकी गाड्या पाणी कम चाय! प्रत्येक महिन्यात विक्री होतेय दुप्पट

भारतीय ऑटो बाजारात सार्वधिक मागणी ही SUV सेगमेंटमधील वाहनांना मिळते. हीच मागणी लक्षात घेत अनेक ऑटो कंपन्या दमदार एसयूव्ही कार्स ऑफर करत असतात. जाणून घ्या टॉप 5 एसयूव्हींबद्दल.

• भारतात एसयूव्ही वाहनांना चांगली मागणी
• जाणून घ्या टॉप 5 एसयूव्ही कार्सबद्दल
• Hyundai Creta ठरली सर्वाधिक विक्री होणारी कार

भारतीय ऑटो बाजारात SUV वाहनांना इतर सेगमेंटमधील वाहनांपेक्षा चांगली मागणी मिळते. त्यामुळेच आपल्याला बाजारात मिड-साइज एसयूव्ही सेगमेंटमध्येही अनेक दमदार पर्याय उपलब्ध आहेत. रिपोर्ट्सनुसार, मागील महिन्यात म्हणजेच मार्च 2026 मध्ये कोणत्या मिड-साइज एसयूव्हींना सर्वाधिक मागणी होती आणि टॉप 5 मध्ये कोणत्या कंपन्यांच्या गाड्यांनी स्थान मिळवलं, याची माहिती पुढीलप्रमाणे आहे.

पहिल्या क्रमांकावर Hyundai Creta

ह्युंदाईकडून भारतीय बाजारात मिड-साइज एसयूव्ही म्हणून Hyundai Creta विकली जाते. या एसयूव्हीच्या मागील महिन्यात 17,838 युनिट्सची विक्री झाली. मात्र, महिन्यागणिक आधारावर विक्रीत 1.22 टक्क्यांची घट नोंदवण्यात आली.

एका चार्जवर 296 किमीची रेंज! Bajaj ने लाँच केली इलेक्ट्रिक रिक्षा; किंमत स्वस्त आणि फीचर्स जबरदस्त

दुसऱ्या क्रमांकावर Maruti Victoris

मारुतीने 2025 मध्ये Victoris ही मिड-साइज एसयूव्ही लाँच केली होती. लाँचनंतर ही गाडी ग्राहकांमध्ये प्रचंड लोकप्रिय ठरली आहे. मागील महिन्यात या एसयूव्हीच्या 11,062 युनिट्सची विक्री झाली असून तिने दुसरे स्थान पटकावले आहे.

तिसऱ्या क्रमांकावर Kia Seltos

किआने जानेवारी 2026 मध्ये Seltos च्या नव्या जनरेशनला भारतीय बाजारात लाँच केलं. त्यानंतर या एसयूव्हीची मागणी आणखी वाढली आहे. मागील महिन्यात 11,041 युनिट्सची विक्री झाली असून महिन्यागणिक MoM आधारावर सुमारे 70 टक्क्यांची वाढ नोंदवली गेली आहे.

चौथ्या क्रमांकावर Toyota Hyryder

टोयोटाकडून मिड-साइज एसयूव्ही म्हणून Hyryder विकली जाते. मागील महिन्यात या कारच्या 10,206 युनिट्सची विक्री झाली आहे. तसेच MoM आधारावर तब्बल 93 टक्क्यांची वाढ दिसून आली आहे.

Mahindra XUV 3XO ची चावी स्वतः शोरूम मालक देईल हातात! फक्त जाणून घ्या सोपा फायनान्स प्लॅन

टॉप 5 मध्ये Tata Sierra चा देखील समावेश

टाटा मोटर्सने Sierra ही मिड-साइज एसयूव्ही या सेगमेंटमध्ये सादर केली आहे. या एसयूव्हीच्या मागील महिन्यात 9,003 युनिट्सची विक्री झाली. काही दिवसांपूर्वीच कंपनीने या गाडीच्या डिलिव्हरीलाही सुरुवात केली आहे.