Triumph Scrambler 400 X पावर, पर्फोर्मंस आणि इंजिनाची A टू Z माहिती! जाणून घ्या

ट्रायम्फ Scrambler 400 X आता 349cc इंजिनसह आली आहे; पण इंजिन क्षमता कमी झाल्यानंतर तिच्या प्रत्यक्ष Performance मध्ये नेमका किती फरक पडला? Acceleration, Roll-on आणि Braking टेस्टमधील आकडे या प्रश्नाचे उत्तर देतात.

• नवीन 349cc इंजिनमुळे पॉवर आणि टॉर्क कमी झाले, मात्र राइडिंग अनुभव अधिक स्मूथ आणि आरामदायी झाला आहे.
• Scrambler 400 X ने 0-100kph वेग 8.54 सेकंदात गाठला, शहरातील ओव्हरटेकिंगसाठीही बाइक पुरेशी सक्षम आहे.
• 60-0kph ब्रेकिंग टेस्टमध्ये 16.51 मीटर अंतर लागले, मात्र अधिक शार्प फीडबॅकसाठी सिन्टर्ड पॅड उपयोगी ठरतील.

ट्रायम्फने आपल्या भारतात तयार होणाऱ्या मोटरसायकलमध्ये आता 399cc इंजिनऐवजी नवीन 349cc सिंगल-सिलिंडर इंजिन दिले आहे. त्यामुळे नावात Scrambler 400 X कायम असले तरी इंजिन क्षमता कमी झाली आहे. मात्र कंपनीने केलेला हा बदल केवळ आकड्यांपुरता मर्यादित नसून मोटरसायकलच्या राइडिंग एक्सपिरीयंसमध्ये काही फरक जाणवतो. नवीन इंजिन 37hp पॉवर 8,500rpm वर आणि 32Nm टॉर्क 7,000rpm वर देते. जुन्या मोटरच्या तुलनेत पॉवर आणि टॉर्कमध्ये घट झाली आहे.

0-100kph वेग गाठण्यास 8.54 सेकंद

कोरड्या रस्त्यावर झालेल्या परफॉर्मन्स टेस्टमध्ये नवीन Scrambler 400 X ने 0-40kph साठी 1.79 सेकंद, 0-60kph साठी 3.27 सेकंद, 0-80kph साठी 5.37 सेकंद आणि 0-100kph साठी 8.54 सेकंद घेतले. इंजिनची पॉवर डिलिव्हरी आता जास्त लिनियर असल्याचे टेस्टमध्ये जाणवले. विशेष म्हणजे 6,000rpm नंतर मोटर चांगली ताकद देते आणि 9,700rpm वर रेडलाइन होते.

2027 Kawasaki Versys 650 VS Triumph Tiger Sport 660: मिड-साईज ॲडव्हेंचर टूररमध्ये कोणती बाईक खरेदी करणे फायद्याचे ठरेल?

शहरात ओव्हरटेकिंगसाठी पुरेशी ताकद

गिअरिंगमध्ये कोणताही बदल करण्यात आलेला नाही. मात्र नवीन इंजिनमधील कंपन कमी झाल्याने 100kph वेगावर मोटरसायकल जास्त आरामदायी वाटते. Roll-on टेस्टमध्ये 20-50kph साठी 2.82 सेकंद, 30-70kph साठी 4.12 सेकंद आणि 50-80kph साठी 4.20 सेकंद लागले. त्यामुळे शहरातील ट्रॅफिकमध्ये ओव्हरटेक करताना बाइकची प्रतिक्रिया पुरेशी वेगवान आहे.

Braking मध्ये सुधारण्याची संधी

60-0kph ब्रेकिंग टेस्टमध्ये Scrambler 400 X ने 16.51 मीटर अंतर घेतले. ब्रेकिंग क्षमता समाधानकारक असली तरी लीव्हर फीडबॅक फार शार्प वाटत नाही. सध्याच्या ऑर्गॅनिक ब्रेक पॅडऐवजी सिन्टर्ड पॅड वापरल्यास ब्रेकिंग फील आणखी सुधारू शकतो.

Royal Enfield Himalayan 450 VS Triumph Scrambler 400 X : ऑफ-रोडिंग आणि लाँग राइडसाठी कोणती बाईक अधिक भारी आहे?

किंमत आणि प्रमुख स्पेसिफिकेशन्स

भारतामध्ये ट्रायम्फ Scrambler 400 X ची किंमत ₹2.65 लाख (एक्स-शोरूम) आहे. यात 6-स्पीड गिअरबॉक्स, 13-लिटर फ्युल टाकी आणि 185kg कर्ब वजन मिळते. सीट हाइट 835mm असून पुढे 320mm आणि मागे 230mm डिस्क ब्रेक आहेत. त्यामुळे नवीन 349cc इंजिन असूनही ही बाइक शहरासोबत लांब पल्ल्याच्या प्रवासासाठीही इंटरेस्टिंग पर्याय ठरते.