TVS iQube, Ather आणि Bajaj Chetak मध्ये तिहेरी लढत! कोणती ई-स्कूटर बेस्ट? जाणून घ्या किंमत आणि रेंज

इलेक्ट्रिक स्कूटरच्या मागणीत झपाट्याने वाढ होताना दिसत आहे. या सेगमेंटमध्ये TVS iQube, Ather आणि Bajaj Chetak ची एकमेकांसोबत स्पर्धा होत असते. चला या तिन्ही स्कूटरबद्दल जाणून घेऊयात.

• भारतीय बाजारात इलेक्ट्रिक स्कूटरला चांगली मागणी
• TVS iQube, Ather आणि Bajaj Chetak ग्राहकांच्या आवडत्या स्कूटर
• जाणून घ्या किंमत आणि रेंज

इलेक्ट्रिक दुचाक्यांना देखील मार्केटमध्ये चांगली मागणी मिळताना दिसत आहे. यातही, अनेक ग्राहक Electric Scooter ला भरभरून प्रतिसाद देत आहेत. पूर्वी इलेक्ट्रिक स्कूटर सेगमेंटमध्ये OLA Electric एकतर्फी आपली सत्ता गाजवत होती. मात्र आता या सेगमेंटमध्ये स्पर्धा वाढली आहे. TVS, Ather आणि Bajaj च्या इलेक्ट्रिक स्कूटरला आता चांगली मागणी मिळतेय.

भारतात इलेक्ट्रिक वाहनांची मागणी झपाट्याने वाढत आहे आणि अनेक नवीन-पुराण्या कंपन्या बाजारात आपली मॉडेल्स सादर करत आहेत. त्यामुळे ग्राहकांसाठी आता विविध पर्याय उपलब्ध झाले आहेत. रोजच्या वापरासाठी उपयुक्त ठरतील असे काही लोकप्रिय इलेक्ट्रिक स्कूटर्स आपण इथे पाहूया.

TATA Safari चा EV व्हर्जन मार्केटमध्ये येणायची शक्यता; जाणून घ्या रेंज आणि अन्य माहिती

टीव्हीएस आयक्युब (TVS iQube)

हा देशातील सर्वाधिक विकला जाणाऱ्या इलेक्ट्रिक स्कूटरपैकी एक आहे. TVS Motor Company च्या विश्वासार्ह ब्रँडमुळे ग्राहकांमध्ये या स्कूटरची मोठी लोकप्रियता आहे. हा iQube, iQube S आणि iQube ST अशा तीन व्हेरिएंटमध्ये उपलब्ध आहे.

याची किंमत सुमारे 94,999 रुपये (एक्स-शोरूम) पासून सुरू होते आणि टॉप मॉडेलसाठी सुमारे 1.61 लाख रुपयांपर्यंत जाते.
एका फुल चार्जमध्ये ही स्कूटर 94 किमी ते 212 किमीपर्यंतची रेंज देतो (मॉडेलनुसार). टॉप व्हेरिएंटमध्ये 5.3 kWh बॅटरी दिली आहे.

एथर रिझ्टा (Ather Rizta)

Ather Energy कडून येणारा हा स्कूटर त्याच्या डिझाइन आणि आधुनिक फीचर्समुळे खूप चर्चेत आहे. ही स्कूटर विशेषतः आरामदायी आणि रोजच्या वापरासाठी सोयीस्कर ठेवण्यावर भर देऊन तयार करण्यात आला आहे. एका चार्जमध्ये ही 123 ते 159 किमीपर्यंतची रेंज देऊ शकतो. याची किंमत सुमारे 1.04 लाख रुपये (एक्स-शोरूम) पासून सुरू होते आणि 1.30 लाख रुपयांपर्यंत जाते.

Ajay Devgan New Car: ज्या कारवर शाहरुख खान आणि हार्दिक पंड्या फिदा, तीच कार अजय देवगणने केली खरेदी; किंमत…

बजाज चेतक (Bajaj Chetak)

Bajaj Auto चा हा इलेक्ट्रिक स्कूटर त्याच्या मजबूत मेटल बॉडीसाठी ओळखला जातो. इतर स्कूटर्सच्या तुलनेत हा अधिक टिकाऊ मानला जातो. हा C2501, C3001 आणि C35 अशा विविध सीरिजमध्ये उपलब्ध आहे. एका फुल चार्जमध्ये हा 113 किमी ते 151 किमीपर्यंत चालू शकतो. याची किंमत 89,500 रुपये (एक्स-शोरूम) पासून सुरू होऊन 1.12 लाख रुपयांपर्यंत जाते.