काय होतास तू, काय झालास तू ! Vida VX2 चा दावा केलेला रेंज 94 KM, मात्र प्रत्यक्षात दिसलं भलतंच

हिरोने अलीकडेच भारतीय बाजारात त्यांची नवीन इलेक्ट्रिक स्कूटर Vida VX2 लाँच केली आहे. ही स्कूटर Go आणि Plus या दोन व्हेरिएंटमध्ये लाँच करण्यात आली आहे. चला या स्कूटरच्या खऱ्या रेंजबद्दल जाणून घेऊयात.

भारतीय बाजारात इलेक्ट्रिक स्कूटरच्या मागणीत सातत्याने वाढ होताना दिसत आहे. हीच मागणी लक्षात घेत अनेक ऑटो कंपन्या मार्केटमध्ये दमदार रेंज आणि फीचर्स असणाऱ्या स्कूटर ऑफर करीत आहे, ज्यांना ग्राहक देखील उत्तम प्रतिसाद देत आहे.

देशातील आघाडीची दुचाकी उत्पादक कंपनी Hero MotoCorp ने Vida ब्रँड अंतर्गत Vida VX2 लाँच केली आहे. ही स्कूटर Go आणि Plus या दोन व्हेरिएंटमध्ये लाँच करण्यात आली आहे. अशा परिस्थितीत, त्यांच्या टॉप प्लस व्हेरिएंटच्या खऱ्या रेंजचे आकडे समोर आले आहेत.

प्रत्यक्षात, Gaadiwaadi ने गोव्यात या स्कूटरच्या खऱ्या रेंजची टेस्टिंग केली आहे. VX2 Plus मध्ये 3.4KWh रिमूव्हेबल बॅटरी पॅक आहे. कंपनीच्या दाव्यानुसार, ही स्कूटर फुल्ल चार्जवर 142Km ची IDC रेंज देते. अशा परिस्थितीत, या दोन्ही बॅटरी पॅक पूर्णपणे चार्ज करून खऱ्या रेंजची टेस्टिंग करण्यात आली आहे.

नाव मोठे, दर्शन छोटे !

Vida VX2 Plus मध्ये इको, राइड आणि स्पोर्ट असे तीन रायडिंग मोड आहेत. इको मोडमध्ये या स्कूटरचा वेग 40 किमी/तास, राइड मोडमध्ये 70 किमी/तास आणि स्पोर्ट मोडमध्ये 80 किमी/तास आहे. म्हणून या स्कूटरची टेस्टिंग राइड मोडमध्ये करण्यात आली. या मोडमध्ये, या स्कूटरची रेंज 142 किमी (इको मोड) वरून 94 किमी पर्यंत कमी होते. मात्र, जेव्हा ही स्कूटर गोव्याच्या रस्त्यांवर चालवली गेली तेव्हा ती 100% ते 0% असताना फक्त 66 किमी कव्हर करत होती. म्हणजेच, ही 94 किमीच्या IDC रेंजपेक्षा 28 किमी कमी धावली.

Vida VX2 फीचर्स आणि स्पेसिफिकेशन्स

या स्कूटरच्या डिझाइनबद्दल बोलायचे झाले तर, ते आधुनिक, व्यावहारिक आणि कुटुंबासाठी अनुकूल आहे, जे शहरातील रायडर्ससाठी एक चांगला पर्याय बनते . ही ई-स्कूटर EICMA-2024 मध्ये सादर केलेल्या Vida Z कॉन्सेप्टचे प्रोडक्शन व्हर्जन आहे. ती Vida V2 सारखीच आहे. तुम्ही ती Nexus Blue, Matte White, Orange, Matte Lime, Pearl Black आणि Pearl Red या 7 रंगांच्या पर्यायांमध्ये खरेदी करू शकाल. मेटॅलिक ग्रे आणि ऑरेंज फक्त Plus व्हेरिएंटमध्ये उपलब्ध असतील.

यात दोन्ही बाजूंना 12-इंच अलॉय व्हील्स आहेत. सुरक्षिततेसाठी, यात ड्युअल टेलिस्कोपिक फोर्क्स आणि मागील बाजूस अॅडजस्टेबल सिंगल मोनोशॉक अ‍ॅब्सॉर्बर आहेत. ब्रेकिंगसाठी, Plus प्रकारात समोर डिस्क ब्रेक आणि मागील बाजूस ड्रम ब्रेक आहेत. Go प्रकारात दोन्ही बाजूंना ड्रम ब्रेक आहेत. Plus प्रकारात 27.2-लिटर अंडर-सीट स्पेस आहे आणि Go मध्ये 33.2-लिटर स्पेस आहे.