कोणत्या कंपनीची कार सर्व्हिस एकदम झक्कास? जाणून घ्या लोकप्रिय Cars ची सर्व्हिस कॉस्ट

अनेकदा कार खरेदी करताना ग्राहक कारच्या सर्व्हिस कॉस्टचा देखील हिशोब लावत असतात. म्हणूनच आज आपण सर्वात स्वस्त सर्व्हिस असणाऱ्या कार्सबद्दल जाणून घेऊयात.

• भारतात अनेक उत्तम कार उपलब्ध
• प्रत्येक कारची योग्य वेळी सर्व्हिसिंग करणे देखील महत्वाचे
• कोणती कंपनी देते स्वस्त कार सर्व्हिस?

आजच्या काळात कार खरेदी करणे जितके सोपे झाले आहे, तितकेच तिचे मेंटेनन्स करणे महागडे ठरत आहे. अनेक वेळा लोक कार तर घेतात, पण तिच्या सर्व्हिस आणि देखभालीच्या खर्चामुळे त्रस्त होतात. त्यामुळे जर तुम्ही अशी कार शोधत असाल जी किमतीत परवडणारी आणि वार्षिक खर्चही कमी असेल, तर ही माहिती तुमच्यासाठी उपयुक्त ठरू शकते.

भारतात काही हॅचबॅक कार्स अशा आहेत ज्यांची मेंटेनन्स कॉस्ट वर्षाला 5 हजार रुपयांपेक्षाही कमी आहे. म्हणजेच या कार्स तुमच्या बजेटवर जास्त ताण आणत नाहीत. देशात सर्वात कमी मेंटेनन्स खर्च Maruti Suzuki च्या गाड्यांचा असतो. त्यानंतर Tata Motors आणि Hyundai यांच्या कार्सचा क्रम लागतो.

Nissan ची मोठी झेप! ‘या’ कारच्या एंट्रीमुळे विक्रीत 98 टक्क्यांची ऐतिहासिक वाढ, मार्चमध्ये 5 वर्षांतील सर्वोच्च विक्रीची नोंद

मारुती अल्टो के10 (Maruti Alto K10)

या यादीत सर्वात वर Alto K10 चे नाव येते. ही कार खास मध्यमवर्गीय कुटुंब लक्षात घेऊन तयार करण्यात आली आहे. खरेदीसाठी परवडणारी असण्यासोबतच याचे मेंटेनन्स कॉस्टही कमी आहे. वर्षाला साधारण 3500 ते 4500 रुपयांचा खर्च येतो.

रेनॉल्ट क्विड (Renault Kwid)

दुसऱ्या क्रमांकावर Renault Kwid आहे. ही कार कमी किमतीत स्टायलिश लुक देते आणि दिसायला लहान SUV सारखी वाटते. याची वार्षिक मेंटेनन्स कॉस्ट सुमारे 2500 ते 3000 रुपये इतकी आहे, जी या यादीत सर्वात कमी आहे.

मारुती वॅगन आर (Maruti WagonR)

तिसऱ्या क्रमांकावर WagonR आहे. मोठी जागा आणि आरामदायी ड्रायव्हिंगमुळे ही कार कुटुंबासाठी उत्तम पर्याय ठरते. याची वार्षिक मेंटेनन्स कॉस्ट साधारण 3500 ते 5000 रुपये आहे.

Tata Motors ची ऐतिहासिक कामगिरी, ‘इतक्या’ लाख वाहनांच्या विक्रीसह आर्थिक वर्ष 26 मध्ये नवा विक्रम!

ह्युंदाई ग्रँड आय10 निओस (Hyundai Grand i10 Nios)

यानंतर Hyundai Grand i10 Nios येते. ही कार थोडी प्रीमियम फील देते आणि फीचर्सही चांगले आहेत. तिचा वार्षिक खर्च साधारण 4500 ते 6000 रुपये दरम्यान असतो.

Tata Tiago / Tata Punch

Tata Motors च्या Tiago आणि Punch या कार्सही लोकप्रिय आहेत. या गाड्यांची सर्व्हिसिंग साधारण ३,००० ते ५,००० रुपये दरम्यान होते.