रविवार, 18 ऑक्टोबर 2026
फोटो सौजन्य: Gemini
Nissan Motor India Pvt. Ltd. ने मार्च २०२६ मध्ये देशांतर्गत विक्रीत उल्लेखनीय वाढ नोंदवत मजबूत कामगिरी केली आहे. कंपनीने मार्च २०२६ मध्ये एकूण १०,३८८ युनिट्सची विक्री केली असून, देशांतर्गत घाऊक विक्री ४,४०८ युनिट्सवर पोहोचली आहे. ही आकडेवारी गेल्या पाच वर्षांतील सर्वोच्च मासिक विक्री ठरली आहे.
फेब्रुवारी २०२६ च्या तुलनेत कंपनीने तब्बल ९८ टक्क्यांची वाढ नोंदवली आहे. याशिवाय, निर्यातीतूनही कंपनीला मोठा आधार मिळाला असून मार्च महिन्यात ५,९८० युनिट्सची निर्यात करण्यात आली.
Nissan Gravite च्या कोणत्या व्हेरिएंटची किती आहे किंमत? जाणून घ्या संपूर्ण माहिती
या वाढीमागे Nissan Gravite या नव्या एसयूव्हीचा मोठा वाटा असल्याचे दिसून येते. मार्च २०२६ पासून या मॉडेलच्या ग्राहक डिलिव्हरीला सुरुवात झाली असून, देशभरातून ग्राहकांकडून याला उत्तम प्रतिसाद मिळत आहे. यामुळे निसानच्या उत्पादन पोर्टफोलिओला नवसंजीवनी मिळाली आहे.
कंपनीचे व्यवस्थापकीय संचालक Saurabh Vatsa यांनी सांगितले की, “मार्च महिना निसानसाठी महत्त्वपूर्ण ठरला आहे. आमच्या उत्पादनांना ग्राहकांकडून मिळणारा सकारात्मक प्रतिसाद विक्रीतील वाढ दर्शवतो. ‘ग्राव्हाइट’च्या डिलिव्हरीला मिळालेला प्रतिसाद भविष्यातील संधींबाबत आमचा आत्मविश्वास वाढवणारा आहे.”
Tata Motors ची ऐतिहासिक कामगिरी, ‘इतक्या’ लाख वाहनांच्या विक्रीसह आर्थिक वर्ष 26 मध्ये नवा विक्रम!
ते पुढे म्हणाले की, Nissan Magnite या लोकप्रिय मॉडेलची सततची कामगिरी, नेटवर्क पार्टनर्सचे योगदान आणि फायनान्सिंग भागीदारांचा पाठिंबा यामुळे कंपनीची बाजारातील स्थिती अधिक मजबूत होत आहे. ग्राहकांना अधिक चांगला विक्री व सेवा अनुभव देण्यासाठी कंपनी प्रयत्नशील आहे.
निसान मोटर इंडियाची ही कामगिरी कंपनीच्या वाढत्या उत्पादन श्रेणी, ग्राहकांचा वाढता विश्वास आणि विस्तारत असलेल्या नेटवर्कमुळे शक्य झाली आहे. ‘मॅग्नाइट’च्या यशस्वी कामगिरीसह ‘ग्राव्हाइट’च्या आगमनामुळे कंपनी भारतात पुढील वाढीच्या टप्प्यात प्रवेश करत आहे.
