4 वर्षात शेअरमध्ये तब्बल 1521 टक्क्यांची तुफानी तेजी; गुंतवणूकदारांना करोडपती करणारी ‘ही’ कंपनी कोणती?

साधारण चार वर्षांपूर्वी या कंपनीच्या शेअरचे मूल्य 42 रुपये होते. आता हाच शेअर 675 रुपयांवर जाऊन पोहोचला आहे. अफोर्डेबल रोबोटिक अँड ऑटोमेशन या कंपनीने गेल्या चार वर्षांत गुंतवणूकदारांना 1521 टक्के रिटर्न्स दिले आहेत. विशेष म्हणजे या कंपनीची स्थिती लक्षात घेता दिग्गज गुंतवणूकदार विजय केडिया यांनी देखील या कंपनीत कोट्यवधी रुपयांची गुंतवणूक केलेली आहे. या कंपनीचे 52 आठवड्यातील सर्वोच्च मूल्य 845.80 रुपये आहे. तर 52 आठवड्यांतील निच्चांकी मूल्य 409.50 रुपये इतके आहे.
(फोटो सौजन्य – iStock)

हे देखील वाचा – ‘हे’ आहे भारतातील सर्वाधिक नोकऱ्या, पगारवाढ देणारं शहर; वाचा… मुंबईचा क्रमांक कितवा?

4 वर्षांत दिले 1521 टक्क्यांनी रिटर्न्स

अफोर्डेबल रोबोटिक अँड ऑटोमेशन या कंपनीच्या शेअरचे मुल्य 13 नोव्हेंबर 2020 रोजी 42.26 रुपये इतके होते. आता 11 नोव्हेंबर 2024 रोजी हा शेअर 677.10 रुपयांवर पोहोचला आहे. या कंपनीने गेल्या चार वर्षांत गुंतवणूकदारांना 1521 टक्के रिटर्न्स दिले आहेत. गेल्या तीन वर्षांत अफोर्डेबल रोबोटिक अँड ऑटोमेशन या कंपनीच्या शेअरमध्ये 421 टक्क्यांची बम्पर तेजी आलेली आहे. इंडस्ट्रियल प्रोडक्ट्स क्षेत्रात काम करमाऱ्या या कंपनीचा शेअर गेल्या तीन वर्षांत 131.37 रुपयांहून 675 रुपयांवर पोहोचलेला आहे.

हे देखील वाचा – नववर्षात खुशखबर मिळणार… सरकार जीवन आणि आरोग्य विम्यावरील जीएसटी हटवणार!

2 दोन वर्षांत 350 टक्क्यांनी तेजी

अफोर्डेबल रोबोटिक अँड ऑटोमेशन या कंपनीने गेल्या दोन वर्षांतही चांगली कामगिरी केलेली आहे. दोन वर्षांत या कंपनीच्या शेअरमध्ये 350 टक्क्यांनी वाढ झालेली आहे. 11 नोव्हेंबर 2022 रोजी हा शेअर 152.21 रुपयांवर होता. 11 नोव्हेंबर 2024 रोजी हा शेअर 677.10 रुपयांवर पोहोचला आहे. गेल्या आठ महिन्यांचा विचार करायचा झाल्यास, हा शेअर या काळात 65 टक्क्यांनी वाढला आहे. तर या वर्षभरात हा शेअर 33 टक्क्यांनी तेजीत आहे.

विजय केडिया यांची कंपनीत 9.93 टक्के मालकी

दिग्गज गुंतवणूकदार विजय केडिया यांच्याकडे या कंपनीचे तब्बल 11 लाखपेक्षा अधिक शेअर्स आहेत. या शेअर्सची एकूण संख्या 11,16,720 एवढी आहे. त्यांची या कंपनीत 9.93 टक्के मालकी आहे. वर नमूद केलेली माहिती ही सप्टेंबर 2024 पर्यंतची आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)

संबंधित बातम्या