पॅकेजिंग क्षेत्रातील मोठी हालचाल! ‘Bharat PET’ चा 760 कोटींचा IPO येणार; सेबीकडे कागदपत्रे दाखल

इंटिग्रेटेड पॅकेजिंग सोल्यूशन्स पुरवठादार कंपनी Bharat PET Limited ने सेबीकडे IPO साठी कागदपत्रे दाखल केली आहे. कंपनी 760 कोटी रुपयांचा IPO आणायच्या तयारीत आहे.

Bharat PET Limited या इंटिग्रेटेड पॅकेजिंग सोल्यूशन्स पुरवठादार कंपनीने बाजार नियामक Securities and Exchange Board of India (सेबी) कडे 760 कोटी रुपयांच्या प्राथमिक समभाग विक्रीसाठी (IPO) ड्राफ्ट रेड हेरिंग प्रॉस्पेक्टस (DRHP) दाखल केला आहे. या इश्यूमध्ये 10 रुपयांच्या दर्शनी मूल्यासह 120 कोटी रुपयांचा फ्रेश इश्यू आणि 640 कोटी रुपयांची ऑफर फॉर सेल (OFS) समाविष्ट आहे. प्रवर्तक गटातील दीपक गुप्ता, अंकुर गुप्ता, राहुल गुप्ता यांच्यासह इतर भागधारकांकडून OFS करण्यात येणार आहे.

कंपनी प्री-IPO प्लेसमेंटद्वारे सुमारे 24 कोटी रुपयांपर्यंत निधी उभारण्याचाही विचार करत आहे. फ्रेश इश्यूमधून मिळणारा निधी कर्जफेड (50 कोटी रुपये), यंत्रसामग्री खरेदीसाठी भांडवली खर्च (35.8 कोटी रुपये) आणि सर्वसाधारण कॉर्पोरेट गरजांसाठी वापरला जाणार आहे.

Crypto मार्केटमध्ये भूकंप! 24 तासांत 7.45 लाख कोटी रुपयांचे नुकसान, कोणत्या चलनाचे सर्वाधिक नुकसान झाले?

1998 मध्ये स्थापन झालेली भारत पीईटी ही कंपनी प्रादेशिक उत्पादकापासून समग्र पॅकेजिंग सोल्यूशन्स पुरवठादार म्हणून विकसित झाली आहे. कंपनी PET बाटल्या, जार्स, प्रीफॉर्म्स, मल्टी-लेयर को-एक्सट्रूडेड बाटल्या, कॅप्स, क्लोजर्स आणि टिन कंटेनर्स यांसारख्या विविध उत्पादनांचा पोर्टफोलिओ तयार करते. CARE अहवालानुसार, भारतीय ॲग्रोकेमिकल पॅकेजिंग क्षेत्रात कंपनीचा सुमारे 11 टक्के बाजार हिस्सा आहे.

कंपनीकडे इन-हाऊस डिझाइन, टूलिंग आणि उत्पादन क्षमतांचा मजबूत आधार असून ग्राहकांच्या गरजेनुसार 48 तासांत मोल्ड तयार करण्याची क्षमता आहे. 500 हून अधिक मोल्ड्सचे पोर्टफोलिओ कंपनीकडे उपलब्ध आहे. भारत पीईटी 1,500 पेक्षा अधिक ग्राहकांना सेवा देते, ज्यापैकी 91 टक्के महसूल पुनरावृत्ती ग्राहकांकडून मिळतो.

RBI Repo Rate: कर्जाचा हप्ता वाढणार की कमी होणार? सामान्यांचे डोळे आरबीआयच्या पतधोरणाकडे! वाचा सविस्तर अहवाल

कंपनीचे प्रमुख ग्राहकांमध्ये Tata Consumer Products Limited, PI Industries Limited आणि India Pesticides Limited यांचा समावेश आहे. कंपनी दिल्ली, सोनीपत, अंकलेश्वर आणि जम्मू येथे चार उत्पादन प्रकल्प चालवते.

आर्थिक कामगिरीकडे पाहता, FY25 मध्ये कंपनीने 411.82 कोटी रुपयांचा महसूल नोंदवला असून EBITDA 87.93 कोटी रुपये होता. PAT 50.99 कोटी रुपये असून ROE 53.33% आणि ROCE 32.51% नोंदवण्यात आला आहे.

भारतीय पॅकेजिंग उद्योग झपाट्याने वाढत असून FMCG, फार्मा आणि ई-कॉमर्स क्षेत्रामुळे मागणी वाढत आहे. 2030 पर्यंत या क्षेत्रात मोठी वाढ अपेक्षित आहे.

या IPO साठी Equirus Capital Private Limited आणि Ambit Private Limited हे बुक रनिंग लीड मॅनेजर्स आहेत.