5 Star Hotels Raid: तुम्ही खाताय सडलेल्या भाज्या, शिळे मांस, खराब दूध… झगमगत्या 5-स्टार हॉटेल्सची पोलखोल! FDA चा मोठा दणका

5 Star Hotels Raid : महागड्या आणि अलिशान मानाल्या जाणाऱ्या ५-स्टार हॉटेल्सची पोलखोल झाली आहे. अन्न आणि औषध प्रशासनाने विविध फाईव्ह स्टार हॉटेल्सवर टाकलेल्या धाडीत सडलेल्या भाज्या, मुदतीबाह्य दूध आणि अत्यंत निकृष्ट दर्जाचे शिळे मटन आढळून आले आहे. ग्राहकांच्या आरोग्याशी थेट खेळणाऱ्या या हॉटेल्सवर एफडीएने कडक कारवाई केली आहे.

• सडलेल्या भाज्या, शिळे मांस, एक्सपायर्ड दूध…
• 5-स्टार हॉटेल्सची पोलखोल!
• FDA च्या छाप्याने खळबळ

5 Star Hotels Raid : महागड्या आणि अलिशान मानाल्या जाणाऱ्या ५-स्टार हॉटेल्सची मोठी पोलखोल झाली आहे. सध्या महाराष्ट्रासह देशभरात FDA च्या छापेमारीने जोर धरला आहे. आपल्याल असं वाटत असले चकचकीत हॉटेल आणि लायटिंगमुळे अगदी आलिशान दिसणारी ही हॉटेल्स पण आपल्याला हेल्थी जेवण देत असतील पण या आपल्या भ्रमावरुन मोठा पर्दाफाश झाला आहे. अन्न आणि औषध प्रशासनाने FDA विविध फाईव्ह स्टार हॉटेल्सवर टाकलेल्या धाडीत सडलेल्या भाज्या, मुदती संपलेलं दूध आणि अत्यंत निकृष्ट दर्जाचे शिळे मटन आढळून आले आहे.

Amazon Case : ‘तलवारीने डास मारण्यासारखा प्रकार!’ ॲमेझॉन प्रकरणी हायकोर्टाने FDA ला सुनावले

नेमका कुठे घडला हा प्रकार?

कर्नाटक अन्न सुरक्षा आणि औषध प्रशासन विभागाने FDA कर्नाटकची राजधानी बंगळूरमधील अनेक प्रमुख 3 – स्टार आणि 5 – स्टार हॉटेल्सवर मोठी धाड टाकली. या धाडींमध्ये अनेक हॉटेल्सच्या स्वयंपाकघरांमध्ये आणि खाद्यपदार्थांमध्ये त्रुटी आढळून आल्या. अधिकाऱ्यांनी मुदत संपलेले दूध, मांस आणि भाज्या, तसेच इतर अनेक खराब झालेले खाद्यपदार्थ जप्त करून नष्ट केले.

विशेष तपासणी बंगळूर शहरी जिल्ह्यातील सर्व बीबीएमपी झोनमध्ये करण्यात आली. या कामासाठी अन्न सुरक्षा अधिकाऱ्यांची तीस पथके तयार करण्यात आली होती. या पथकांनी एकूण २६ हॉटेल्सची तपासणी केली. हॉटेल्स अन्न सुरक्षा आणि स्वच्छतेच्या नियमांचे पालन करत आहेत की नाही, हे तपासणे हा या तपासणीचा उद्देश होता.

सँपल तपासणीसाठी लॅबमध्ये

अधिकाऱ्यांनी तपासणीदरम्यान अन्नाचे ३५ नमुनेही गोळा केले. यामध्ये चिकन, मटण, मासे, खाद्यतेल, दूध, मसाले, चहा पावडर, चीज, टोमॅटो सॉस आणि लिंबाचा रस यांसारख्या वस्तूंचा समावेश होता. हे सर्व नमुने तपासणीसाठी प्रयोगशाळेत पाठवण्यात आले आहेत.

हॉटेल्समध्ये असंख्य त्रुटी

तपासणीदरम्यान, काही हॉटेल्सची स्वयंपाकघरे आणि साठवणुकीच्या जागा अस्वच्छ असल्याचे आढळून आले. अधिकाऱ्यांना मुदत संपलेले खाद्यपदार्थ आणि भाज्यांवर बुरशीही आढळली. इतकेच नाही, तर अन्नाची अयोग्य साठवणूक आणि हाताळणीची प्रकरणेही उघडकीस आली.
काही ठिकाणी, उत्पादनांवर चुकीची माहिती असल्याचे आढळले आणि FSSAI च्या लेबलिंग नियमांचे पालन केले गेले नव्हते. शाकाहारी आणि मांसाहारी पदार्थांसाठी स्वतंत्र साठवणुकीच्या जागा असल्याचेही आढळून आले. अन्न सुरक्षा अधिकाऱ्यांनी या त्रुटींबाबत हॉटेल मालकाला नोटीस बजावली आहे. जिथे उल्लंघन सिद्ध होईल, तिथे अन्न सुरक्षा आणि मानके कायदा, २००६ अंतर्गत पुढील कारवाई केली जाईल.

मोठ्या प्रमाणात खराब झालेले पदार्थ जप्त

अहवालानुसार, तपासणीदरम्यान अनेक हॉटेल्समधून मोठ्या प्रमाणात मुदत संपलेले आणि खराब झालेले खाद्यपदार्थ जप्त करण्यात आले. विभागाने सर्व हॉटेल्स आणि व्यवसायांना अन्न सुरक्षा आणि स्वच्छतेच्या नियमांचे काटेकोरपणे पालन करण्याचे आवाहन केले आहे. नियमांचे पालन न केल्यास कठोर कायदेशीर कारवाई केली जाईल, असे विभागाने स्पष्ट केले आहे.

कर्नाटकचे आरोग्य मंत्री यू. टी. खादर यांनी स्पष्ट केलं की,  मोठी आणि महागडी हॉटेल्ससुद्धा अन्न सुरक्षा आणि स्वच्छतेच्या नियमांचे पालन करतात की नाही, हे सुनिश्चित करणे हा या तपासणीचा उद्देश आहे. ते पुढे म्हणाले की, मोठ्या हॉटेल्सवरील कारवाईमुळे लहान व्यवसायांनाही नियमांचे पालन करण्यास प्रोत्साहन मिळेल.

NUCFDC Headquarter : महाराष्ट्रासाठी मोठी बातमी! NUCFDC चे मुख्यालय मुंबईत होणार; अमित शाह यांची घोषणा