बँक खाते बंद करताय? या 3 चुका टाळल्यास होणार नाही तुमचे आर्थिक नुकसान
Bank Account Closing Alert: आजच्या डिजिटल युगात, बऱ्याच लोकांकडे अनेक बँक खाती असतात. आपण खाते वापरणे जेव्हा थांबवण्याचा आणि ते कायमचे बंद करण्याचा निर्णय घेतो तेव्हा, अति घाई करणे अनेकदा बँक खातेदारांना महाग ठरू शकते. खाते बंद करण्याची प्रक्रिया सोपी आहे, परंतु काही महत्त्वाच्या आर्थिक बाबी लक्षात ठेवणेही अत्यंत महत्त्वाचे आहे. या चुकांकडे दुर्लक्ष केल्याने केवळ दंड नाही तर तुमचे क्रेडिट स्कोअर सुद्धा परिणाम करू शकतात.
आता जवळपास डिजिटल व्यवहारांमध्ये वाढ झाल्यामुळे, प्रत्येकासाठी दोन किंवा तीन बँक खाती असणे अत्यंत सामान्य झाले असून, न वापरलेले खाते बंद करताना, एक छोटीशी निष्काळजीपणा देखील तुमचे अधिक आर्थिक नुकसान करू शकते. जर तुमचे बँक खाते बंद करण्याच्या विचारात असाल तर, या चुका टाळा आणि तुमचे आर्थिक नुकसान होण्यापासून वाचा.
१) ऑटो-पेमेंट अपडेट करा
बँक खातेदार ही चूक मोठ्या प्रमाणात करतात. तुम्ही जेव्हा खाते बंद करत असता तेव्हा त्या खात्यांशी संबधित EMI, SIP, विमा प्रीमियम किंवा वीज, पाणी बिल यांसारख्या बिलांचे ऑटो-डेबिट किंवा ऑटो-पेमेंट बंद करा. जर तुम्ही ते पेमेंट थांबवले नाही तर तुम्हाला दंड भरावा लागेल किंवा तुमच्या पॉलिसी रद्द देखील होऊ शकतात. तुमचे खाते बंद करण्यापूर्वी, तुमच्या सक्रिय बँक खात्यात सर्व ऑटो-पेमेंट अपडेट करा. यामुळे तुमचे आर्थिक नुकसान टळेल.
२) खात्याची काही थकबाकी आहे?
बर्‍याच काळापासून वापरात नसलेल्या खात्यांकडे खातेदार दुर्लक्ष करतात. ज्यामुळे बँका वेळोवेळी नॉन-मेंटेनन्स शुल्क, एसएमएस अलर्ट शुल्क किंवा इतर किरकोळ सेवा शुल्क जोडतात. यामुळे खात्यात पुरेसे पैसे नसल्यास, दंड वाढत जातो आणि आर्थिक नुकसान होते. जेव्हा तुम्ही खाते बंद करण्यासाठी संपर्क साधता तेव्हा बँक थकबाकी भरल्याशिवाय खाते बंद करत नाहीत. खात्यातील शिल्लक स्थिती तपासून खाते बंद करण्याचा अर्ज सादर करा.
हेही वाचा : GDP News: भारताने जगाला दाखवली ताकद; १८ महिन्यांतील सर्वोत्तम आकडे, जीडीपी’त ८.२% दराने वाढ
३) थकबाकी असलेले शुल्क भरणे
जरी तुम्ही खात्याचे डेबिट कार्ड, क्रेडिट कार्ड किंवा चेकबुक बराच काळ वापरला नसला तरीही, बँक त्या खात्याचे वार्षिक शुल्क आकारत राहते. याव्यतिरिक्त, एसएमएस अलर्ट आणि इतर बँकिंग सेवांसाठी काही शुल्क देखील आकरण्यात येतात. तेव्हा बँक खाते बंद करण्याआधी ते शुल्क भरून टाका. तुम्ही जर थकबाकी शुल्क न भरता खाते बंद केल्यास तुम्हाला भविष्यात कायदेशीर किंवा आर्थिक अडचणी येऊ शकतात. त्यामुळे सर्व थकबाकी शुल्कांबद्दल बँकेकडे चौकशी करून खाते बंद करण्याचा फॉर्म भरा.
.png "Videos"){kind=small}
