Bank Of India च्या भागधारकांची चांदी! दुसऱ्या तिमाहीत बँकेने कमावला तब्बल 3202 कोटींचा निव्वळ नफा; पाहा कशी राहीली कामगिरी

Bank Of India Q2 Financial Results : सार्वजनिक क्षेत्रातील प्रमुख बँक ऑफ इंडियाने चालू आर्थिक वर्षाच्या दुसऱ्या तिमाहीचे आर्थिक निकाल जाहीर केले असून बँकेचा निव्वळ नफा २५.३४ टक्क्यांनी वाढून ₹३,२०२ कोटींवर पोहोचला आहे.

• Bank Of India च्या भागधारकांची चांदी!
• Q2 बँकेने कमावला तब्बल 3202 कोटींचा निव्वळ नफा
• पाहा कशी राहीली कामगिरी

Bank Of India Q2 Financial Results : बँक ऑफ इंडियाने ३० सप्टेंबर २०२६ रोजी संपलेल्या तिमाही आणि सहा महिन्यांची आर्थिक कामगिरी जाहीर केली आहे. चालू आर्थिक वर्षाच्या दुसऱ्या तिमाहीत बँकेचा निव्वळ नफा २५.३४ टक्क्यांनी वाढून ३,२०२ कोटी रुपयांवर झेपावला आहे. तसेच, चालू आर्थिक वर्षाच्या पहिल्या सहामाहीत निव्वळ नफा ३० टक्क्यांनी वाढून ६,२७० कोटी रुपयांवर गेला आहे. दुसऱ्या तिमाहीत मालमत्तांवरील परतावा आणि भागधारकांच्या भांडवलावरील परतावा या दोन्हीत सुधारणा झाली आहे आणि तो अनुक्रमे १.०१ टक्के आणि १६.३६ टक्के झाला आहे.  नेमके काय सांगतात आकडे ? जाणून घेऊयात ( Bank Of India Q2 Financial Results ) 

KYC Fraud च्या जाळ्यात अडकलात तर Bank Account होईल रिकामे! Cyber Crime चे प्रकार ओळखा आणि सुरक्षित राहा

ऑपरेटिंग प्रॉफिट ३३.१९ % वाढून ५,०८९ कोटी रुपयांवर

चालू आर्थिक वर्षाच्या दुसऱ्या तिमाहीत बँकेचा ऑपरेटिंग प्रॉफिट ३३.१९ ट्क्क्यांनी वाढून ५,०८९ कोटी रुपयांवर पोहोचला आहे, तर पहिल्या सहामाहीत तो ३० टक्क्यांनी वाढून १०,१४० कोटी रुपये झाला आहे. या तिमाहीत निव्वळ व्याज उत्पन्न १८.५२ टक्क्याने वाढून ७,००७ कोटी रुपये झाले आहे. तसेच बिगर-व्याज उत्पन्न २४.७८ टक्क्याने वाढून २,७७० कोटी रुपये झाला आहे. बँकेचे जागतिक निव्वळ व्याज मार्जिन सहा बेसिस पॉईंट्सने सुधारून २.४७ टक्के झाले आहे आणि खर्च-ते-उत्पन्न गुणोत्तर ५०७ बेसिस पॉईंट्सने सुधारून ४७.९५ टक्के झाले आहे.

विदेशी कर्जे १.५१ लाख कोटी रुपये

बँकेचा जागतिक व्यवसाय मागील वर्षाच्या तुलनेत २१.१३ टक्क्याने वाढून १८.९२ लाख कोटी रुपयांच्या पुढे गेला आहे. जागतिक ठेवी २१.५९ टक्क्याने वाढून १०.३७ लाख कोटी रुपयांपेक्षा जास्त झाल्या आहेत, तर जागतिक कर्जे २०.५८ टक्क्याने वाढून ८.५५ लाख कोटी रुपयांच्या पुढे गेली आहेत. विदेशी कर्जे ३५.२१ टक्क्याने वाढून १.५१ लाख कोटी रुपये झाली आहेत. याशिवाय, किरकोळ कर्जे १९.२७ टक्क्याने, एमएसएमई कर्जे २०.२७ टक्क्याने आणि शेतीविषयक कर्जे १६.३४ टक्क्याने वाढली आहेत. देशांतर्गत एकूण कर्जांमध्ये ‘राम’ (RAM – रिटेल, शेती आणि एमएसएमई) कर्जाचा वाटा ५८.६३ टक्के इतका आहे. सप्टेंबर २०२६ पर्यंत देशांतर्गत कासा ठेवी (Domestic CASA Deposits) ७.१७ टक्क्याने वाढून ३.०७ लाख कोटी रुपयांवर झेपावल्या आहेत.

Gross NPA Ratio १.६० टक्के

बँकेचे स्थूल अनुत्पादक मालमत्ता गुणोत्तर (Gross NPA Ratio) मागील वर्षाच्या तुलनेत ९४ बेसिस पॉईंट्सने सुधारून १.६० टक्के झाले आहे. निव्वळ अनुत्पादक मालमत्ता प्रमाण (Net NPA Ratio) २३ बेसिस पॉईंट्सने सुधारून ०.४२ टक्के झाले आहे. तरतूद कव्हरेज गुणोत्तर ९४.४५ टक्के राहिले आहे. चालू आर्थिक वर्षाच्या दुसऱ्या तिमाहीत स्लिपेज गुणोत्तर (Slippage Ratio) ०.१५ टक्के आणि कर्ज खर्च ०.१२ टक्के होता.

बँकेचे भांडवल पर्याप्तता गुणोत्तर (सीआरएआर) ३० सप्टेंबर २०२६ रोजी १७.७८ टक्के होते आणि ते मागील वर्षाच्या तुलनेत १०९ बेसिस पॉईंट्सने जास्त आहे; यात बँकेचे उच्च दर्जाचे मूळ भागभांडवल (सीईटी-वन) १५.४९ टक्के आहे.

डिजिटल व्यवहारांमध्ये २५ % वाढ

डिजिटल पातळीवर ‘ऑम्नी निओ’ मोबाईल बँकिंगच्या वापरकर्त्यांची संख्या १.४९ कोटींहून अधिक झाली आहे आणि इंटरनेट बँकिंगचे वापरकर्ते १.११ कोटींहून अधिक झाले आहेत. डिजिटल व्यवहारांमध्ये २५ टक्क्यांनी वाढ होऊन ते २.२१ अब्ज झाले आहेत. तसेच, बँकेने पहिल्या सहामाहीत ७.०७ लाख नवीन पंतप्रधान जन धन योजना (PMJDY) खाती उघडली आहेत.

PM Kisan Yojana 24th Installment : 30 ऑक्टोबरला ‘या’ शेतकऱ्यांच्या खात्यात नाही येणार 2-2 हजार! त्वरित तुमचा स्टेटस चेक करा