Bank Strike Today: बँक ग्राहकांसाठी मोठी बातमी! आज संप, शनिवार-रविवार सुट्टी; सलग 4 दिवस बँकिंग सेवांवर परिणाम?

Bank Strike Today: बँक ग्राहकांसाठी अतिशय महत्त्वाची असून देशभरातील बँक कर्मचाऱ्यांनी विविध प्रलंबित मागण्यांसाठी शुक्रवार, 11 सप्टेंबर रोजी राष्ट्रव्यापी संप पुकारला आहे. पाच दिवसांचा कामकाजाचा आठवडा लागू करणे ही प्रमुख मागणी आहे. सणानिमित्त बँकांना सुट्टी असल्याने शाखांमधील कामकाजावर सलग काही दिवस परिणाम होण्याची शक्यता आहे.

• आज बँकांचा देशव्यापी संप
• त्यानंतर सलग 3 दिवस सुट्ट्या!
• तुमची महत्त्वाची कामे 4 दिवस ठप्प राहणार?

Bank Strike Today: बँकेच्या शाखेत जाऊन एखादे महत्त्वाचे काम पूर्ण करण्याचे नियोजन असेल तर ही बातमी तुमच्यासाठी महत्त्वाची ठरणार आहे. शुक्रवार, 11 सप्टेंबर रोजी देशभरातील बँक कर्मचाऱ्यांनी राष्ट्रव्यापी संप पुकारला आहे. या संपामुळे बँकांच्या शाखांमधील प्रत्यक्ष कामकाजावर परिणाम होण्याची शक्यता आहे. तर दुसरीकडे संप होतात शनिवार आणि रविवारच्या नियमित सुट्ट्या येत असल्याने ग्राहकांची काही कामे पुढे ढकलली जाऊ शकतात. त्याचबरोबर लाडक्या गणरायाचे आगमन देखील होणार आहे. यानिमित्ताने राज्यातील काही बँकां बंद असण्याची शक्यता आहे.

बँक कर्मचारी संपावर का?

बँक कर्मचारी संघटनांच्या अनेक मागण्या दीर्घकाळापासून प्रलंबित असल्याचे सांगण्यात येत आहे. यामध्ये बँकांमध्ये पाच दिवसांचा कामकाजाचा आठवडा म्हणजेच ‘5 Day Working’ लागू करण्याची मागणी प्रमुख आहे. या विषयावर चर्चा होऊनही अपेक्षित निर्णय न झाल्याने कर्मचारी संघटनांनी एकदिवसीय देशव्यापी संपाची हाक दिली आहे. पाच दिवसांचा आठवडा लागू झाल्यास शनिवार आणि रविवार अशा दोन्ही दिवशी बँकांना सुट्टी देण्याची मागणी कर्मचारी संघटनांकडून केली जात आहे. सध्या महिन्यातील दुसऱ्या आणि चौथ्या शनिवारी बँकांना सुट्टी असते.

Share Market: शेअर बाजारात हाहाःकार! सेन्सेक्स 700 अंकांनी कोसळला, काय आहे मोठं कारण

सलग चार दिवस बँकांची कामे प्रभावित?

11 सप्टेंबरच्या संपानंतर लगेचच नियमित सुट्ट्या येत असल्याने शाखांमधील कामकाजावर सलग काही दिवस परिणाम होण्याची शक्यता आहे.

11 सप्टेंबर, शुक्रवार : देशव्यापी बँक संपामुळे शाखांमधील कामकाज प्रभावित होण्याची शक्यता.

12 सप्टेंबर, शनिवार : महिन्याचा दुसरा शनिवार असल्याने बँकांना नियमित सुट्टी.

13 सप्टेंबर, रविवार : साप्ताहिक सुट्टी असल्याने बँक शाखा बंद.

14 सप्टेंबर, सोमवार : काही राज्यांमध्ये स्थानिक सणानिमित्त बँकांना सुट्टी असू शकते. त्यामुळे ही सुट्टी संपूर्ण देशभर लागू आहे असे समजू नये. ग्राहकांनी आपल्या राज्यातील अधिकृत बँक हॉलिडे कॅलेंडर तपासणे आवश्यक आहे.

कोणत्या सेवांवर होणार परिणाम?

बँक संपाचा मुख्य परिणाम शाखांमध्ये प्रत्यक्ष जाऊन कराव्या लागणाऱ्या कामांवर होऊ शकतो. रोख रक्कम जमा करणे किंवा काढणे, चेक जमा करणे आणि त्यासंबंधित प्रक्रिया, खातेविषयक कागदपत्रे सादर करणे, KYC तसेच इतर शाखास्तरीय सेवांमध्ये अडचणी येऊ शकतात. संप आणि त्यानंतरच्या सुट्ट्यांमुळे चेक क्लिअरन्ससारख्या काही प्रक्रियांनाही विलंब होण्याची शक्यता आहे.

UPI आणि नेट बँकिंग सुरू राहणार?

बँक शाखांमधील प्रत्यक्ष सेवा प्रभावित झाल्या तरी UPI, मोबाइल बँकिंग, इंटरनेट बँकिंग यांसारख्या डिजिटल सेवा सामान्यतः सुरू राहतात. त्यामुळे पैसे ट्रान्सफर करणे, बिल भरणे किंवा ऑनलाइन व्यवहार करण्यासाठी ग्राहक डिजिटल बँकिंगचा पर्याय वापरू शकतात.

एटीएम सेवा सुरू राहण्याची अपेक्षा असली तरी सलग सुट्ट्यांमुळे काही ठिकाणी रोख रकमेच्या उपलब्धतेवर ताण येऊ शकतो. त्यामुळे मोठ्या प्रमाणात रोख रकमेची आवश्यकता असल्यास ग्राहकांनी त्यानुसार नियोजन करणे फायदेशीर ठरू शकते.

ग्राहकांनी आधी तपासावी स्थानिक सुट्टी

बँकांच्या सुट्ट्या राज्य आणि शहरानुसार वेगवेगळ्या असू शकतात. त्यामुळे 14 सप्टेंबरची सुट्टी आपल्या शहरात किंवा राज्यात लागू आहे की नाही, हे संबंधित बँकेच्या अधिकृत माहितीतून तपासणे महत्त्वाचे आहे. तातडीचे शाखास्तरीय काम असल्यास संबंधित शाखेशी संपर्क साधून कामकाजाची स्थिती जाणून घेणे योग्य ठरेल.

‘थोडा प्लॅन, थोडा कॉम्प्लॅन’! Sachin Tendulkar चा रेकॉर्ड मोडणारा Vaibhav Sooryavanshi भारताचा नवा Complan Boy