Motilal Oswal चा नवीन Fund लाँच ( सौजन्य - सोशल मीडिया )
CNG Price Hike : पेट्रोलनंतर आता CNG चा नंबर… दिवाळीच्या तोंडावर किमती भडकल्या! जाणून घ्या नवे दर
हा फंड मॅक्रो पॅरामीटर्स, व्हॅल्युएशन आणि मोमेंटम इंडिकेटर्सवर आधारित मालमत्ता वाटप आराखड्याचे अनुसरण करतो. त्याच्या धोरणामध्ये विविध मार्केट कॅपिटलायझेशनमध्ये व्याप्ती प्रदान करण्यासाठी इक्विटी योजनांची निवड, अंतर्निहित योजनांमधील एक्सपोजरचे सक्रिय व्यवस्थापन, कर्ज-केंद्रित योजनांमध्ये वाटप आणि गोल्ड अँड सिल्व्हर ईटीएफमधील एक्सपोजर यांचा समावेश आहे. विविध मालमत्ता वर्गांची वैशिष्ट्ये वेगवेगळी असतात आणि बाजारातील विविध चक्रांमध्ये त्यांची कामगिरीही वेगवेगळी असू शकते, हे या दृष्टिकोनामागील महत्त्वाचे तत्त्व आहे.
इक्विटी बाजारांवर व्यापक आर्थिक परिस्थिती, कंपन्यांची कमाई, मूल्यांकन, तरलता आणि बाजारातील भावना यांचा प्रभाव पडतो. डेट बाजारांवर व्याजदरांचे चक्र, महागाई, धोरणात्मक निर्णय आणि क्रेडिट स्प्रेड्स यांचा परिणाम होतो. सोन्या-चांदीच्या किमतींवर अमेरिकी डॉलर, वास्तविक व्याजदर, भू-राजकीय जोखीम, औद्योगिक मागणी आणि पुरवठा यांचा प्रभाव पडतो. तर REITs च्या कामगिरीवर व्याजदर, भाडे उत्पन्न, मालमत्तांमधील भोगवटा पातळी आणि गुंतवणुकीची मागणी यांचा परिणाम होतो. या धोरणानुसार विविध मालमत्ता वर्गांमधील गुंतवणुकीचे वाटप बाजारातील परिस्थितीनुसार बदलले जाऊ शकते.
किमान 95%- कमाल 100%: मोतीलाल ओसवाल म्युच्युअल फंडाच्या (एमओएमएफ)देशांतर्गत इक्विटी-आधारित योजनांचे युनिट्स, डेट-आधारित योजना आणि सर्व म्युच्युअल फंडांचे गोल्ड अँड सिल्व्हर ईटीएफ:
• किमान 10% ते कमाल 80%:मोतीलाल ओसवाल म्युच्युअल फंडाच्या सक्रिय इक्विटी-केंद्रित योजनांची युनिट्स आणि/किंवा ETFs किंवा इंडेक्स फंड्सची युनिट्स.
• किमान 10% ते कमाल 80%:संबंधित श्रेणीतील सक्रिय डेट-केंद्रित योजनांची युनिट्स आणि/किंवा ETFs किंवा इंडेक्स फंड्सची युनिट्स.
• किमान 10% ते कमाल 80%:गोल्ड आणि/किंवा सिल्व्हर ETFs ची युनिट्स.
डेट आणि मनी मार्केट साधने:यामध्ये रोख रक्कम आणि रोख समतुल्य साधनांचा समावेश असेल.
अधिक माहितीसाठी योजनेचे माहितीपत्रक (SID) पाहावे.
बहु-मालमत्ता गुंतवणूक पद्धतीमध्ये विविध मालमत्ता वर्गांचा समावेश असून, प्रत्येक मालमत्ता वर्गाची बाजारातील वेगवेगळ्या परिस्थितींमध्ये स्वतंत्र वैशिष्ट्ये असतात. इक्विटीमधून भांडवलवृद्धीची क्षमता मिळते, तर डेटमधून व्याजाच्या स्वरूपात उत्पन्न मिळण्याची शक्यता असते. सोने आणि चांदी या मौल्यवान धातूंमध्ये गुंतवणुकीची संधी देतात. सोने मूल्य टिकवून ठेवण्याचे संभाव्य साधन मानले जाते, तर चांदीमुळे औद्योगिक मागणीशी संबंधित गुंतवणुकीची संधी मिळते.
REITs च्या माध्यमातून रिअल इस्टेट क्षेत्रात गुंतवणुकीची संधी उपलब्ध होते. या विविध मालमत्ता वर्गांना एकत्र आणून, बदलत्या बाजार परिस्थितींमध्ये वेगवेगळ्या वैशिष्ट्यांचा लाभ घेण्याच्या उद्देशाने ही रणनीती आखण्यात आली आहे.
नवीन फंड ऑफर (NFO) कालावधी: 21 ऑक्टोबर 2026 ते 4 नोव्हेंबर 2026.
गुंतवणुकीचे उद्दिष्ट:अंतर्निहित फंडांच्या गुंतवणूक शैलींचा लाभ घेत, सक्रिय आणि निष्क्रिय इक्विटी-केंद्रित योजना, सक्रिय आणि निष्क्रिय डेट-केंद्रित योजना तसेच गोल्ड आणि सिल्व्हर ETFs यांच्या विविधीकृत पोर्टफोलिओमध्ये प्रामुख्याने गुंतवणूक करून दीर्घकालीन भांडवलवृद्धी साध्य करणे, हे या योजनेचे गुंतवणूक उद्दिष्ट आहे. तथापि, योजनेचे गुंतवणूक उद्दिष्ट साध्य होईल याची कोणतीही हमी देता येत नाही.
बेंचमार्क: 60% Nifty 500 TRI + 5% सोन्याच्या देशांतर्गत किमती + 5% चांदीच्या देशांतर्गत किमती + 30% निफ्टी शॉर्ट ड्युरेशन डेट इंडेक्स.
गुंतवणुकीसाठी उपयुक्तता:इक्विटी-केंद्रित योजना, डेट-केंद्रित योजना तसेच गोल्ड आणि सिल्व्हर ETFs मध्ये गुंतवणूक करून दीर्घकालीन भांडवलवृद्धी साध्य करू इच्छिणा-या गुंतवणूकदारांसाठी ही योजना उपयुक्त आहे.
किमान अर्जाची रक्कम / स्विच-इन रक्कम:
नवीन फंड ऑफरच्या कालावधीत आणि त्यानंतरच्या नियमित गुंतवणूक कालावधीत:
एकरकमी गुंतवणूक (Lumpsum): ₹500 आणि त्यानंतर ₹1 च्या पटीत.
सिस्टिमॅटिक इन्व्हेस्टमेंट प्लॅन (SIP):
विविध SIP वारंवारता पर्याय उपलब्ध आहेत. अधिक माहितीसाठी योजनेचे माहितीपत्रक (SID) पाहावे.
एक्झिट लोड:
• वाटपाच्या तारखेपासून 90 दिवसांच्या आत किंवा 90व्या दिवशी युनिट्सची पूर्तता (रिडेम्प्शन) केल्यास 1% एक्झिट लोड लागू होईल.
• वाटपाच्या तारखेपासून 90 दिवसांनंतर युनिट्सची पूर्तता केल्यास कोणताही एक्झिट लोड लागू होणार नाही.
एमओएमएफच्या योजनांमध्ये बदल केल्यास एक्झिट लोड लागू होईल.योजनेअंतर्गत पर्यायांमध्ये बदल करण्यासाठी कोणताही लोड आकारला जाणार नाही. तसेच, हे स्पष्ट केले जाते की एकाच योजनेतील योजनांमध्ये बदल केल्यास कोणताही एक्झिट लोड आकारला जाणार नाही. लोड संरचनेच्या तपशिलासाठी, कृपया एसआयडी (SID) पहा.
मोतीलाल ओसवाल ॲसेटमॅनेजमेंट कंपनीचे फंडमॅनेजर श्री. अजयखंडेलवालम्हणाले:“बाजारातील परिस्थिती सातत्याने बदलत असताना, केवळ एका मालमत्ता वर्गापुरता मर्यादित न राहता शिस्तबद्ध गुंतवणूक दृष्टिकोनाचा गुंतवणूकदारांना फायदा होऊ शकतो. ‘मोतीलाल ओसवाल मल्टी ॲसेट-ओम्नीफंडऑफफंड्स’ या एकाच गुंतवणूक उपायाच्या माध्यमातून इक्विटी, डेट, सोने, चांदी आणि REITs यांचा समावेश करतो. या फंडाला सक्रिय मालमत्ता वाटपाच्या चौकटीचा आधार आहे”.
“व्यापक आर्थिक परिस्थिती, मूल्यांकन आणि बाजारातील गती दर्शविणा-या निर्देशांकांचे मूल्यांकन करून, बदलत्या बाजार परिस्थितीनुसार गुंतवणुकीचे वाटप जुळवून घेण्याचा आणि दीर्घकालीन भांडवलवृद्धी साध्य करण्याचा या फंडाचा प्रयत्न असेल. अंतर्निहित योजनांच्या गुंतवणूक धोरणांचा लाभ घेत गुंतवणूकदारांना विविध मालमत्ता वर्गांमध्ये विविधीकृत गुंतवणुकीची संधी उपलब्ध करून देणे, हाउद्देश आहे.”
Ans: हा नवीन फंड २१ ऑक्टोबर २०२६ रोजी सुरू झाला असून, गुंतवणूकदार ४ नोव्हेंबर २०२६ पर्यंत यामध्ये गुंतवणूक करू शकतात.
Ans: या फंडात इक्विटी-केंद्रित योजना, डेट-केंद्रित योजना, गोल्ड आणि सिल्व्हर ETFs तसेच REITs मध्ये विविधीकृत गुंतवणूक केली जाईल.
Ans: नवीन फंड ऑफरच्या कालावधीत एकरकमी गुंतवणूक करण्यासाठी किमान ₹५०० आणि त्यानंतर ₹१ च्या पटीत गुंतवणूक करता येईल.
.png "Videos"){kind=small}
