ईमामी अॅग्रोटेकचे स्नॅकिंग क्षेत्रात दमदार पदार्पण; WeMe ब्रँडसाठी 750 कोटींची गुंतवणूक
WeMe ब्रँडची सुरुवात तीन उत्पादन श्रेणींसह करण्यात आली आहे. यामध्ये WeMe Choco Hazelnut Spread, Jhuri Aloo Bhaja, Potato Chips याचा समावेश असणार आहे.
या उत्पादनांद्वारे कंपनी आधुनिक भारतीय ग्राहक, विशेषतः Gen Z आणि Millennials यांना लक्षात घेऊन स्नॅकिंग क्षेत्रात आपले स्थान मजबूत करण्याचा प्रयत्न करणार आहे.
कंपनीने WeMe ची डिजिटल-फर्स्ट रणनीती स्वीकारली असून, सुरुवातीला क्विक-कॉमर्स प्लॅटफॉर्मद्वारे ग्राहकांपर्यंत पोहोचण्यावर भर दिला जाणार आहे. ग्राहकांच्या अभिप्रायाच्या आधारे नवीन उत्पादने जलद विकसित करून बाजारातील बदलत्या ट्रेंडनुसार ब्रँड विकसित करण्याची कंपनीची योजना आहे.
ईमामी ग्रुपचे संचालक आदित्य वर्धन अग्रवाल यांनी सांगितले की, WeMe प्रकल्पामुळे 1,000 प्रत्यक्ष आणि 3,000 अप्रत्यक्ष, असे एकूण 4,000 रोजगार निर्माण होतील. कंपनीचे उद्दिष्ट केवळ स्नॅकिंग व्यवसाय वाढवणे नसून, भारतातील व्यापक फूड कंपनी म्हणून स्वतःची ओळख अधिक मजबूत करणे आहे.
ईमामी ग्रुपचे संचालक मनीष गोयंका यांनी सांगितले की, भारतीय ग्राहकांमध्ये चवदार, सोयीस्कर आणि दर्जेदार स्नॅक्सची मागणी सातत्याने वाढत आहे. WeMe हा ब्रँड या बदलत्या गरजांची पूर्तता करेल आणि भविष्यात विविध स्नॅकिंग श्रेणींमध्ये नवीन उत्पादने सादर केली जातील.
ईमामी ग्रुपच्या संचालिका विदुला अग्रवाल यांनी सांगितले की, आजची तरुण पिढी केवळ उत्पादन खरेदी करत नाही, तर डिजिटल कंटेंट, क्रिएटर्स आणि कम्युनिटीच्या माध्यमातून उत्पादनाची माहिती घेते. त्यामुळे WeMe ला कंटेंट, कॉमर्स आणि ग्राहक अनुभव यांचा संगम असलेला डिजिटल-फर्स्ट ब्रँड म्हणून विकसित करण्यात आले आहे. कंपनीच्या मते, WeMe हा केवळ स्नॅकिंग ब्रँड न राहता ग्राहकांच्या दैनंदिन जीवनाचा एक भाग बनवण्याचे उद्दिष्ट आहे. भविष्यात नवीन उत्पादनांची भर घालत भारताच्या वाढत्या स्नॅकिंग बाजारपेठेत आपले मजबूत स्थान निर्माण करण्याचा कंपनीचा मानस आहे.
.png "Videos"){kind=small}
