Emergency Fund Rules : नोकरी सुटली तरीही टेन्शन फ्री राहा! इमर्जन्सी फंडसाठी वापरा ‘हा’ सोपा फॉर्म्युला

Emergency Fund Rules : आजच्या अनिश्चिततेच्या काळात अचानक नोकरी जाणे किंवा मेडिकल इमर्जन्सी येणे यांसारख्या संकटांना सामोरे जाण्यासाठी मजबूत Emergency Fund असणे अत्यंत आवश्यक आहे. वैयक्तिक आर्थिक नियोजनातील '3-6-9' फॉर्म्युला वापरून तुम्ही तुमच्या ३, ६ किंवा ९ महिन्यांच्या खर्चाची सोय आधीच कशी करू शकता.

• नोकरी सुटली तरीही टेन्शन फ्री राहा!
• अचानक येणाऱ्या संकटांपासून कुटुंबाला वाचवा!
• इमर्जन्सी फंड उभारण्याचा ‘३-६-९’ फॉर्म्युला

Emergency Fund Rules : आयुष्यात कोणता क्षण काय घेऊन येईल सांगता येत नाही. त्या प्रत्येक क्षणासाठी तयार राहणं गरजेचं आहे. सुखाचे क्षण तर आपल्याला आवडीचे वाटतात पण दुःखाचा किंवा एखादा वाईट क्षण काय घेऊन येईल सांगता येत नाही. कोणालाही अचानक नोकरी गमावणे, वैद्यकीय आपत्कालीन परिस्थिती किंवा व्यवसायात नुकसान यांसारख्या परिस्थितींचा सामना करावा लागू शकतो. अशा कठीण काळात, जर तुमच्याकडे बचत नसेल, तर तुम्हाला अनेक अडचणींना सामना करावा लागू शकतो. म्हणूनच आर्थिक तज्ञ नियमित बचतीव्यतिरिक्त आपत्कालीन निधी म्हणजेच Emergency Fund चं तयार ठेवण्याचं सुचवतात.

मराठी उद्योजकतेची ग्लोबल भरारी! Krystal Integrated Services चा ऐतिहासिक करार; स्मार्ट सिटी अन् EV क्षेत्रात घडणार क्रांती

आपत्कालीन निधी हा असा आर्थिक सुरक्षेचा एक भाग आहे, जो कठीण काळात अत्यावश्यक खर्चांसाठी उपयुक्त ठरू शकतो. त्यामुळे, आपत्कालीन निधीमध्ये किती पैसे असावेत याबद्दल बहुतेक लोकांना प्रश्न पडतो. चला, तुम्हाला आपत्कालीन निधी उभा करण्यासाठी मदत करणारे काही सोपे मार्ग जाणून घेऊया.

३-६-९ नियम काय आहे?

३-६-९ नियमानुसार, तुम्हाला तुमच्या महिन्याच्या अत्यावश्यक खर्चाच्या ३, ६, किंवा ९ पट रक्कम आपत्कालीन निधी म्हणून बाजूला ठेवावी लागते. यामध्ये घरभाडे, ईएमआय, किराणा सामान, वीज आणि पाण्याची बिले आणि इतर अत्यावश्यक खर्चांचा समावेश होतो.

३ महिन्यांचा निधी: ज्यांची नोकरी स्थिर आहे आणि उत्पन्नाचे इतर स्रोत आहेत, त्यांच्याकडे किमान ३ महिन्यांच्या खर्चाएवढा निधी असायला हवा.
६ महिन्यांचा निधी: पगारदार कर्मचाऱ्यांसाठी हा सर्वोत्तम पर्याय मानला जातो. अचानक नोकरी गेल्यास किंवा आपत्कालीन परिस्थितीत हा निधी एक आधार ठरू शकतो.
९-१२ महिन्यांचा निधी: व्यवसाय मालक, फ्रीलान्सर किंवा कुटुंबातील एकमेव कमावते सदस्य यांच्यासाठी ९-१२ महिन्यांच्या खर्चाएवढा निधी ठेवणे अधिक सुरक्षित मानले जाते.

आपत्कालीन निधी कसा तयार करावा?

• तुमच्या सर्व आवश्यक महिन्याच्या खर्चांची यादी तयार करा.
• तुमच्या आपत्कालीन निधीसाठी एक वेगळे बँक खाते किंवा गुंतवणुकीचा पर्याय निवडा.
• पगार मिळताच, त्यातील ५% ते १०% रक्कम आपोआप या निधीमध्ये हस्तांतरित करण्याची सवय लावा.
• हा निधी हळूहळू तयार करा आणि त्याचा वापर फक्त आपत्कालीन परिस्थितीतच करा.
• जोखमीच्या गुंतवणुकीच्या पर्यायांपेक्षा सुरक्षित आणि सहज काढता येण्याजोग्या साधनांना प्राधान्य द्या.

तुमच्याकडे किती निधी असावा?

उदाहरणार्थ, जर तुमचा आवश्यक मासिक खर्च ₹३०,००० असेल, तर ३-६-९ नियमानुसार, तुमचा आपत्कालीन निधी खालीलप्रमाणे असू शकतो:

३ महिन्यांच्या खर्चासाठी: ₹९०,०००
६ महिन्यांच्या खर्चासाठी: ₹१८०,०००
९ महिन्यांच्या खर्चासाठी: ₹२७०,०००
१२ महिन्यांच्या खर्चासाठी: ₹३६०,०००

तुम्ही तुमचा आपत्कालीन निधी कुठे ठेवावा?

तुमचा आपत्कालीन निधी नेहमी अशा ठिकाणी गुंतवा जिथून तुम्ही पटकन आणि कोणत्याही त्रासाशिवाय पैसे काढू शकता.
बचत खाते: तुमच्या आपत्कालीन निधीचा काही भाग तुमच्या बँक खात्यात ठेवा, जेणेकरून गरज पडल्यास तुम्ही ते पैसे त्वरित काढू शकाल.
लिक्विड म्युच्युअल फंड: अधिक तरलतेमुळे, तुम्हाला बचत खात्यापेक्षा चांगला रिटर्न मिळू शकतो.
FD: अशी FD निवडा, जी गरज पडल्यास ऑनलाइन सहजपणे काढता येईल.

या गोष्टी लक्षात ठेवा:

तुमचा आपत्कालीन निधी तुमच्या गुंतवणूक पोर्टफोलिओपासून वेगळा ठेवा.
हे पैसे फक्त अनपेक्षित आवश्यक गोष्टींवरच खर्च करा.
तुमच्या खर्चानुसार दरवर्षी या निधीचा आढावा घ्या.
तुमचा पगार वाढेल तशी तुमच्या आपत्कालीन निधीची रक्कम वाढवत रहा.
हे पैसे सुट्ट्या, खरेदी किंवा इतर कोणत्याही अनावश्यक खर्चासाठी वापरणे टाळा.

Tukaram Mundhe FDA Action : पनीरने वाजवला बँड… तुकाराम मुंडे ॲक्शन मोडवर! 2 महिन्यांत थेट 165 लायसन्स सस्पेंड!