लोकांनी कुरियर स्कॅमबाबत सतर्क राहावे FedEx चा इशारा, फ्रॉड टाळण्यासाठी दिल्या ‘या’ महत्वाच्या टिप्स

फेडएक्स कंपनीने आपल्या ग्राहकांना कुरियर स्कॅमबाबत सतर्क केले आहे. तसेच कंपनीने ग्राहकांना काही महत्वाच्या टिप्स देखील दिल्या आहेत.

फेडरल एक्सप्रेस कॉर्पोरेशन (“फेडएक्स”), जगातील एक सर्वात मोठी एक्सप्रेस वाहतूक कंपनी आहे. ही कंपनी भारतातील नागरिकांना आपल्या कर्मचाऱ्यांच्या नावे होणाऱ्या तसेच इतर फसवाफसवीच्या कारवायांबाबत सतर्क राहण्याचे आवाहन करीत आहे. फेडएक्सने सांगितले की, काही लोक कंपनीच्या नावाने फसवाफसवी करत आहेत, ज्यामध्ये त्यांच्या नावाने विविध प्रस्ताव, ओपनिंग्स, किंवा पॅकेजेसची ऑफर दिली जातात. यामुळे अनेक लोकांना आर्थिक नुकसान आणि मानसिक त्रास होऊ शकतो.

फेडएक्सने यासंबंधी महत्त्वपूर्ण सूचना दिल्या आहेत. ग्राहकांना फसव्या इमेल्स किंवा फोन कॉल्सकडून वाचविण्यासाठी, कंपनीने केवळ अधिकृत मार्गदर्शनाचा वापर करण्याचा सल्ला दिला आहे. ग्राहकांनी कोणत्याही प्रकारच्या संशयास्पद ऑफर्स किंवा संदेशांवर त्वरित दुर्लक्ष करावे आणि त्यासंबंधी कोणतीही माहिती फेडएक्सला कळवावी. ग्राहकांच्या सुरक्षेसाठी कंपनी सतत प्रयत्नशील आहे.

ही फसवाफसवी कशी असते

हे घोटाळेबाज आपण कुरियर प्रतिनिधी, फेडएक्सचे प्रतिनिधी असल्याचा बनाव करतात आणि असा खोटा आरोप करतात की तुमच्या पार्सलमध्ये अवैध वस्तू आहेत.

जे बळी पडतात त्यांची कायद्याची अंमलबजावणी करणाऱ्या बनावट अधिकाऱ्याशी गाठ घालून दिली जाते, जे कायदेशीर कार्यवाहीची किंवा डिजिटल अटकेची धमकी देतात आणि तो त्रास टाळण्यासाठी तत्काळ पैशांची मागणी करतात.

एकदा पैसे हस्तांतरित केल्यानंतर हे घोटाळेबाज गायब होतात आणि तुमचे मात्र मोठे नुकसान होते.

तुम्ही काय केले पाहिजे

• फेडएक्स कोणत्याही अनाहूत ईमेल, ईमेल किंवा टेक्स्ट मेसेज द्वारे तुमच्या खात्याची किंवा ओळखीसंबंधी व्यक्तिगत माहिती मागत नाही.
• फेडएक्स कायदा अंमलबजावणी अधिकाऱ्यांशी संबंधित नाही आणि त्यांच्या वतीने कार्यवाही देखील करत नाही.
• कुरियर सेवांचे प्रतिनिधित्व करण्याचे नाटक करणाऱ्यांपासून किंवा कायद्याची अंमलबजावणी करणाऱ्या बनावट अधिकाऱ्यांपासून सावध रहा.
• धमकी किंवा संदिग्ध विनंतीला प्रतिसाद देताना पैसे हस्तांतरित करू नका.
• अशा एखाद्या फसवणुकीला बळी पडल्यास, 1930 वर कॉल करून किंवा cybercrime.gov.in ला भेट देऊन त्याबद्दल कळवा.

स्वतःच्या रक्षणासाठी सुरक्षा टिप्स:

• सतर्क रहा: फेडएक्स किंवा इतर कुरियर प्लॅटफॉर्मचे प्रतिनिधित्व करण्याचा दावा करून केल्या जाणाऱ्या कम्युनिकेशनबाबत नेहमी सतर्क रहा.
• कोणतीही कृती करण्याअगोदर पडताळून बघा: संदिग्ध मेसेज किंवा कॉल्स अधिकृत ग्राहक सेवा चॅनल्सकरवी पडताळून घ्या.
• घाईघाईने पेमेंट करण्याचे टाळा: स्रोताची पडताळणी केल्याशिवाय कधीच पैसे हस्तांतरित करू नका किंवा व्यक्तिगत माहिती देऊ नका.
• अशा घटना नोंदवा: स्थानिक कायदा अंमलबजावणीशी संपर्क साधा किंवा 1930 वर किंवा cybercrime.gov.in वर सायबर क्राइम हेल्पलाइनद्वारे घोटाळ्यांची नोंद/तक्रार करा.