Kitchen Budget Inflation : महागाईच्या झळा आणखीनच तीव्र… कांदा, तेल LPG सगळंच कडाडलं! घरचा स्वयंपाक 10 टक्क्यांनी महागला

Kitchen Budget Inflation : वाढत्या महागाईमुळे सर्वसामान्य नागरिकांच्या आणि गृहिणींच्या किचनचे बजेट पार कोलमडले असून घरगुती जेवण तयार करणे तब्बल १० टक्क्यांनी महाग झाले आहे. कांदा, खाद्यतेल, तांदूळ यांसारख्या रोजच्या आहारातील महत्त्वाच्या घटकांसोबतच एलपीजी गॅस सिलिंडरच्या दरात झालेल्या वाढीमुळे हा मोठा फटका बसला आहे.

• महागाईच्या झळा आणखीनच तीव्र…
• कांदा, तेल LPG सगळंच कडाडलं!
• घरचा स्वयंपाक 10 टक्क्यांनी महागला

Kitchen Budget Inflation : बाहेरचं जेवणंच नाही तर आता घरचं जेवणंही महागणार आहे. हॉटेलच्या जेवणावर विविध चार्जेस लावले जातात मात्र घरी जेवण आपणं स्वतः बनवतो. पण आता स्वयंपाकघराचं बजेटही झपाट्याने वाढत आहे. सप्टेंबरमध्ये कांदे, खाद्यतेल, तांदूळ आणि स्वयंपाकच्या गॅसच्या वाढत्या किंमतींमुळे आता घरात जेवण बनवणंही कठीण झालं आहेत. महागाईच्या झळा सर्वसामान्यांच्या खिशाला दणक्यात बसत आहेत. ( Kitchen Budget Inflation ) 

नुकत्याच आलेल्या क्रिसिलच्या अहवालानुसार, गेल्या वर्षीच्या तुलनेत घरी बनवलेल्या शाकाहारी जेवणाच्या खर्चात 10 टक्क्यांनी वाढ झाली आहे. त्याचबरोबर, मांसाहारी जेवण बनवणंही महाग झालं आहे.

बंपर ऑफर… इन्स्टामार्टवर Quick India Movement सेल सुरू! आयफोन, लॅपटॉप ते दैनंदिन वस्तूंवर 50 ते 90% पर्यंत मिळणार सूट

शाकाहारी मांसाहारी थाळीच्या किमतीत किती फरक?

CRISIL च्या मासिक ‘रोटी राईस रेट रिपोर्ट’नुसार, गेल्या वर्षीच्या सप्टेंबरमधील ₹२८.१० च्या तुलनेत, सप्टेंबर २०२६ मध्ये शाकाहारी थाळी बनवण्याचा सरासरी खर्च वाढून ₹३०.८० झाला आहे. दुसरीकडे, सप्टेंबर २०२५ मधील सरासरी ₹५६ च्या तुलनेत, मांसाहारी थाळीची किंमत वार्षिक ६ टक्क्यांनी वाढून ₹५९.५० झाली आहे. ऑगस्टच्या तुलनेत, सप्टेंबरमध्ये शाकाहारी थाळीच्या किमतीत ४ टक्के आणि मांसाहारी थाळीच्या किमतीत ३ टक्क्यांनी वाढ झाली आहे.

कांद्याच्या किमतींनी बिघडवलं स्वयंपाकाचं गणित

शाकाहारी थाळीच्या किमतीतील वाढीमागे कांदे हे एक प्रमुख कारण होते. सप्टेंबरमध्ये, कांद्याच्या किमतीत वार्षिक तुलनेत जवळपास ८९ टक्क्यांनी वाढ होऊन त्या ₹५३ प्रति किलो झाल्या, ज्या गेल्या वर्षी प्रति किलो ₹२८ होत्या. अहवालानुसार, रब्बी पिकाचा मर्यादित साठा आणि उत्पादनात ५-६ टक्क्यांची घट झाल्यामुळे बाजारात कांद्याच्या उपलब्धतेवर परिणाम झाला. शिवाय, जूनमधील पाऊस सरासरीपेक्षा ४० टक्क्यांनी कमी झाल्यामुळे खरीप पिकाची पेरणी आणि नवीन पिकाची आवक लांबली.

तेल, तांदूळ आणि LPG मुळेही खर्च वाढला

कांद्यासोबतच इतर जीवनावश्यक वस्तूंच्या महागाईचा घरगुती बजेटवरही परिणाम झाला. गेल्या वर्षीच्या तुलनेत सप्टेंबरमध्ये खाद्यतेलाच्या किमती १२ टक्क्यांनी वाढल्या, तर तांदळाच्या किमती ८ टक्क्यांनी आणि एलपीजीच्या किमती १० टक्क्यांनी वाढल्या. खाद्यतेलाच्या किमती वाढण्यामागे जागतिक अनिश्चितता आणि एल निनोचा पाम तेलाच्या उत्पादनावर होणारा संभाव्य परिणाम ही मुख्य कारणे सांगितली जात आहेत. भातशेतीचे क्षेत्र आणि उत्पन्न कमी होण्याच्या भीतीमुळे तांदळाच्या किमती वाढल्या आहेत.

दिलासा कधी मिळणार?

CRISIL च्या अंदाजानुसार, सणासुदीची मागणी आणि कांद्याचा मर्यादित पुरवठा यामुळे ऑक्टोबरच्या सुरुवातीला किमतींवर दबाव कायम राहू शकतो. मात्र, नवीन खरीप पीक बाजारात आल्याने महिन्याच्या अखेरपर्यंत कांद्याचे भाव हळूहळू कमी होण्याची शक्यता आहे.

सध्या, सर्वसामान्य कुटुंबांसाठी स्वयंपाकघरातील खर्च सांभाळणे हे एक आव्हान बनले आहे. येत्या काही दिवसांत अन्नपदार्थांची उपलब्धता आणि बाजारभावातील कल यावरच कौटुंबिक खर्चाला किती दिलासा मिळू शकेल हे अवलंबून असेल.

‘या’ शेतकऱ्यांना मिळणार 4-4 हजार रुपये; PM Kisan योजनेच्या हप्त्यापूर्वी मोठी बातमी! असे तपासा ताजे अपडेट